وعليكم السلام تحية عربية وبعد اما بالنسبة للنتائج فهي غير مرضية من وجهة نظري لاننا انظلمنا بفترة الامتحان كتير بالنسبة الي لحد الان طلعّت 3 من اصل خمسة وبقيان الشعر الله يستر ما بدي فوت بالتفاصيل كتير بس علم اللغة رسبت معي على 41 لاني ماكان قبلها غير يوم واحد وهي مادة بتستاهل على الاقل يومين او تلاتة على كل حال الحمد لله يمكن خير لإلي
ومعدلات النجاح مقارنة مع العام الماضي انخفضت نسبيا بسبب انو في كتير طلاب حاملين مادة من السنة الماضية واضطرت لحذف مواد على حساب مواد نظرا لضيق فترة الامتحان

اكيد هاد الشي بياثر على الدراسة لانو بيأثر على نفسية الطالب اثناء الامتحان يعني اللي حامل مادة او تنيتين وكانو مواد فصل اول بالاضافة الى المواد الاساسية بيصيرو تمانة ب16 يوم !!!!!!!! وبالتالي الطالب مضطر يحذف مادتين على الاقل لحتا يمشي الحال وبالتالي معدل النجاح اكيد رح ينخفض عندي اقتراح بتمنى يصل صوتي:المفروض يكون في دورة تكميلية للسنة الرابعة

هلا اخي الكريم
والله كلامك صحيح
يعني تحطمت نفسيتي ع الاخر ومالي نفس روح ع الجامعة منوووووووووووووب
رزق الله وقت كنت ثانوي ومر من قدام الجامعة وقول ياربي إيمت بدي صير هون هلأ بدي اخلص وبس
يعني من 4 مواد طلعو كلن رسبو عندي
شو بقي أمريكي وعلم اللغة وما خفي أعظم لسا الفصل الجاي
واااااااااااااااااااااااااااااااااااااااااخ
يارب تفرج همنا و تفتح بصيرتنا وترأف بحالنا مافي غيرك يارب بيسمع نداءنا
تحياتي لكل مظلوم ومقهور
وللكل
سلاااااااااااااااااااام
هنادي

السلام عليكم والله معكون حق كانت فترة الامتحان بهالفصل كارثة علينا ما قدرنا نراجعها بس للمادة قبل ما نقدمهاوحتى علامات فيها ظلم بس انشالله هالقرار الجديد بتمديد فترة الامتحان بيعطينا شوية امل وما في غير الصبر

Hanady

وعليكم السلام أختي الكريمة
خليها على الله أحسن شي

أول ماقريت هالأسطر فكرت انو انا نزلت هالموضوع بدون ما كون واعي على حالي
لأنو حسيت انك عم توصيفي حالتي انا يعني هالكلام بينطبق علي انا مثلك تماما
وعلى كتيير من زملاؤنا

هلأ بالسنة الثانية في مواد زادت نسب النجاح مثل شعر عصر النهضة
ومواد قلت نسب النجاح مثل الاستيعاب3
هلأ الشغلة المفيدة بالنظام الجديد انه بامكاننا ان نقدم امتحان مقررات الفصل الثاني في حال رسوبنا بها على عكس النظام القديم
اقتراحي انه يتم إطالة فترة الامتحان بما يتناسب مع المواد وانشالله يصير خير لانو مثل ماسمعت بالجامعة وقرينا بارتين انو في اقتراح لإطالة فترة الامتحان

اتمنى التوفيق لكي وللجميع
شكرا لطرح الموضوع
تقبلي مروري واسسف للإطالة

والله هالحكي كلو صحيح بس يالله انت شالله هالقرار اللي طلع بتمديد الايام منيح مع انو انا ماحبيت لنو ماعندي غير3 مواد وبنجح
بس كلو لخير والله يستر

لا إطالة ولا شي ولا تعتذر الحال من بعضو فش خلقك وعبر
مشكور لمرورك نورت الموضوع انت والاخت زوراء مع خالص تحياتي وتمنياتي بالتوفيق للجميع
هنادي

غير انو سمعنا بتمديد فترة الامتحان لمدة 3 أسابيع
يمكن صار عدد المواد اللي بيحق للطالب تقديمها 10 بدل 8 لان اذا حملت 9 ما عد فيك تقدم ورسبت بالسنة كلها
يا ريت يطلعو بقرار يرحمنا وحاج هالكثافة حاج
والله العلم مو بالكثافة بالفهم
يعني حرام ننجح إلا يكون عنا شي 6 روايات ومسرحيات و نوطات ومدري شو
بالمناسبة صرنا ندرس لنخلص جبل كل مادة قصدي محاضرات كل مادة و ما عد نعرف شو بيرضي الدكتور
والله ما بيرضى هيك ارحمونا
مافي غيرك يارب

انا من جهتي ما بتفرق معي سواء كان الامتحان بشهر او بنص شهر ... المهم عندي يبطلو يعطوني 15 وعشرين علا كل مادة

يعني بستغرب فيهم والله العظيم.. يعني يللي عاطيني 15 من اصل مية .. ويللي عاطيني عشرة وما بعرف شو ... يعني شو بدي قول

عندي سؤال صغير بس : ليش المادة عم عيدا كذا مرة وباخد فيها نفس العلامة (15)

يعني حاطين سلف لكل اسم علامتو ومجهزينا؟؟

يلا علا خير ان شاء الله ... نلتقي ............. يوم القيامة

اي هي العلامات الها حكاية كبيرة بحياتي الجامعية
تخيل أنشاء 2 بقيت 6 دورات لطلعت وبالآخر طلعت ع 50 يعني شو عاملة للإنشاء ما بعرف
بتمنى التوفيق للجميع