مرحبا عندي استفسار صغير وما بعرف اذا حدا بيقدر يجاوبني \ بخصوص مادة المدخل الى اللسانيات انا عم احضر كل المحاضرات وعم افهمها والدكتور حذيفي كتير اكابر بس الشي اللي ما قدرت افهموا انو كل اصدقائي بالسنوات التالتة و الرابعة وحتى الراسبين بالتانية قالولي انو اذا بتكتب ب90 بتاخد 40 وما رح تطلع معك المادة الا بعد عمر طويل \ وخصوصا بعد ما طلعت اشاعة انو نظام الاتمتة تم الغائه وبالتوفيق للجميع

هلا هائل شرفت .
بخصوص سؤالك راح جاوبك عليه بكل بساطة .
اول شي انت معك حق بالنسبة للمادة هي شوي صعبة والسبب لانو المادة غريبة شوي وبتكون جديدة على الطلاب وهاي السبب برأي انو عم تلاقي فيها صعوبة .
تاني شي بدي انصحك بشغلة انو لاتلتفت لحكي الناس كتير لانو الجامعة مليانة عالم وكل واحد بيقلك شكل وكل واحد بيدرس شكل يعني بالنهاية بنصحك بالدراسة لانو هبي الطريق والمضمون للنجاح .
وبالنسبة الي انا سمعت هيك حكي كتير بس ما اخدت بهالحكي ودرست المادة واخدت يمكن 65 حسب ما بذكر وطبعا العلامة بتختلف من دكتور لاخر بس بالنهاية لاتصدق انو واحد دارس مابينجح وشكرا الك .

هائلAH,
مرحبا هائل شفت سؤالك وحابي اطرح وجهة نظري
هلئ رفقاتك هني بالتالة والرابعة ووقتا وكان غير دكتور ومع كامل احترامو للدكتور يلي كان سواء عطا لسانيات أو غير اللسانيات قليل لحدا ينجح عندو لأنو بتذكر بالحرف الواحد شو كان يقول
كان يقول إنو أنا بصلح من 80لأنو 100 ما بتنعطى غير للقديسين
ووقتا كانت المنهاج pour aborder de la linguistiqueللأسف المنهاج هو عملي والمادة رائعة إذا انفهمت وبتصير سهلة كتير ليلي يفهما بس صعبة الحفظ لأنو قابلة للنسيان بسهولة ونحنا كنا مطالبين بالحفظ فقط لذلك ومتل ما ذكرت سابقا كانت أعلى علامة عنا 70هي اذا انوجدت أما بالتاتلتة والرابعة المادة لسا على امتع وامتع صحي صعبة شوي بس حلوة لانو خالية من النظري ومعتمدة على الحل والشغل لذلك جد كانت بالنسبة إلي من أروع المواد ويلي كنا نطالعا بمعدل لانو كان فيا اسئلة كتير وعلامات قليلة ومعتمدة بشكل كبير على الفهم
بئا بما انو انت فهمان المادة معناتة قادر تحفظا اذا انطلب منك بئا وين الخوف المهم لا كتير تعطي ادنك لحكي الطلاب صدئني لأنو هالشي راح يولد لاشعوريا عندك خوف من المادة وعدم تقبل فكرة انك انت فهمان المادة يعني بتصير بتشك بحالك اذا انت فهمان ولا عم تضحك على حالك بئا خليك متل ما انت وهي مادة عادية ومحور بالادب الفرنسي والله ولي التوفيق

غانم \ وداد بتشكركم كتير انا كان عندي امل بس بفضلكم زاد كتير وشكرا مرة تانية لأنكم عم تعطونا من وقتكم

amerb شكرا كتير الك ممنونك

يعني ما بعرف شو بدي قلك العالم بتحكي كتير وخصوصا عنا الجامعة انا بدي انصحك نصيحة اهم شي الدراسة يعني انت بالبيت حاول دايما انك تقراالمادة مظبوط وتفهمها يا سيدي انا بدي قلك شغلة انا هلأ سنة تالتة بتذكر انو السنة الماضية ما حضرت ولا محاضرة عند الدكتور وانا بالعادة ما بحضر بس جبت الكتاب مو المحاضرات ودرست منو وجبت بالمادة 67 وكانت اعلى علامة يمكن بقى يا صاحبي لا يهمك حكي الناس اعتمد ع نفسك

له له له
كنت بدي قدم المادة هلأ بطلت