سلام

بدي معلومات عن الاشتراك ب ADSL يعني كيف الاشتراك وشو التكلفة وإذا بيعتمد عخط الهاتف أو بدو خط لحالو
وسؤال تاني عن وصل اللاب توب بالانترنت.. هو أكيد بدو خط موبايل بس يا ترى سريع؟؟ أنا أهم شي بدياه هو السرعة لأنو هالبطاقات العادية عم ترفعلي ضغطي من بطئا

Nastia, سلامات

بخصوص الـ ADSL

الخطوط اللي عم تتاخد للمنازل غالبا عم تكون 256 كيلو بت بالثانية ... المهم هاد اول شي حق الخط 2000 و حق وصلة اجبارية اسمها بين خط التلفون و الكمبيوتر بين الـ 4000 و الـ 6000 بعدين اشتراك شهري 2400 ... بيعتمد ع خط التلفون نفسو و ما بدو خط جديد و ما بيشغل خط التلفون و مفتوح 24 ساعة و مافي أي شروط تانية

وصل اللاب توب بالانترنت اللي هو من شبكات الجوال
ازا هيك قصدك بتكوني عم تقصدي
خدمة الانترنت 3g سواء من سيرياتل او MTN

هي ما شغالة بكل المحافظات , لحد هلأ شغالة بحلب و حمص و أغلب مناطق الشام

اول شي لازم تشتري خط 3g بـ 1500 , بعدين الموديم الخاص فيه بـ 10 آلاف ( مشان يطالعو رأسمال الخدمة ) لأنو بدول برا هاد الموديم حقو ما يعدال 400 ليرة , و هيك رح يصير آخر شي هون
آخر شي بصير عليكي فاتورة شهرية 2000 ليرة , بهي الخدمة في شرط انو بيسمحولك بتبادل بيانات 2 غيغا فقط , و كل ما تحملتي 1 ميغا زيادة بزيد عليكي ليرتين كفاتورة

فرق السرعة :
ADSL : سرعتو ثابتة ازا كان من شريحة 256 كيلو بت ... يعني بتكون سرعة التحميل 23 كيلو بايت بالثانية تقريباً

3g : سرعتو 7.2 ميغا بت بالثانية يعني ممكن يوصل التحميل لـ 120 كيلو بايت بالثانية . بس المشكلة انو تشاركي ... يعني ازا انتي عم تسحبي من برج تغطية معين , و غيرك كانو عندو نفس نوع الاشتراك , بتتقسم السرعة ع تنين , و ازا 10 عم يشتغلو بنفس الوقت ع نفس البرج ( بنفس المنطقة 500 متر مربع ) بتتقسم على عشرة و هكذا , طبعا مع الأسف . لأنو برا سورية هي الخدمة ما بتعتمد ع النظام التشاركي متل ما عاملينها هون

ان شالله كون فدتك , بالتوفيق

صح اللي حكيتو يا فارس

ولكن مع احترامس الك ولمعلوماتك لكن اذا بدك تبادل بيانات 2 غيغا بالشهر الفاتورة بتكون 2 آلاف ليرة

بينما ال 1 غيغا هي اللي 2000 ليرة بالشهر

هالحكي بعرفو لأنو فكرت بهالشغلة بس طلعت خسرانة معي لأنو ال 1 غيغا أو ال 2 غيغا بيخلصوا معي خلال ليلة وحدة وبقضيها على الليرتين أو متل ما هن حكولي ليرة ونص على كل ميغا بايت واحد

وبالنهاية كلو نصب × نصب

يعني على عينك يا تاجر بينما متل ما تفضلت فارس انو الخدمة بدول برا شغالة 100% وبقوة كمان

انشا الله خلال 50 سنة رح توصلنا هالتقنية

تحياتي

هههههههههههههههههه
مشكور اخ فارس على ردك
برهوم يا غالي ضحكتني من كل قلبي
بس بدل ال50 سنة
حط صفرين ليصيروا 500 سنة
هههههههههههههههههههههههههههههه

500 سنة اذا وصلت هالخدمة أصلاً


هههههههههههه

شكراً كتير عالرد.. بس فكر الانترنت بخط الموبايل لغيتا نهائياً. ..و ال ADSL ممكن فكر اشترك فيه، بس معقول هالحالة، هلانترنت برا أبسط شغلة وعندن ياه متل أي شي عادي وعنا الانترنت كأنو اختراع جديد
الله يعينا...