السلام عليكم

بصراحة في شغلة بهالمنتدى ما عاجبتني
وهي حذف بعض مشاركات ألي أو بعض الردود من قبل المشرفين بدون سابق إنذار

علما أنو الردود أو المواضيع مافيها أي شي بخالف شروط المنتدى
فليش عم تعملو هيك يا مشرفينا الأعزاء ؟؟؟؟

إذا ما عجبكم شي رد مو مشكلة يا أخي حذفوه ... بس كتبو أنو هوني كان في رد للأخ كذا وحذفناه بسبب كذا وكذا

مو تجو تحذفوه وتعملو حالكم مالكم خبر؟؟؟؟؟


؟؟؟؟؟؟؟؟ اللي حذف الموضوع اللي حطيتو أنا بالنادي العام من يومين واسمو على ما أذكر ... شو صاير بالمنتدى اليوم .... يجي يقلي ليش انحذف شو الأسباب ؟؟؟؟ واللي حذف رد ألي بمنتدى نادي الأعضاء بخصوص الترحيب بعضو جديد يجي يقلي ليش انحذف ..... وفي كمان رد ألي انحذف من يومين ؟؟؟؟؟؟؟؟؟؟؟

يعني والله ما بصير هيك ........... عيب

أنا ماني زعلان منكم

أنا خايف عليكم ... لأنو أغلاط بسيطة من هالنوع ممكن أنو تطفش الزوار


لا تزعلو مني ........... ويا خوفي ما ينحذف هدا الموضوع كمان ........

تحياتي للجميع ...

[quote]
وهي حذف بعض مشاركات ألي أو بعض الردود من قبل المشرفين بدون سابق إنذار
[/quote]
مع حق انو تضايق بس ما معقول تنحذف مشاركة اذا ما فيها شي مخل للشروط..
عكل كمان بدك تقدر الضغط اللي بعانوه بعض المشرفين بأقسامهم اللي متسمة بالزحمة ..


[quote]
؟؟؟؟؟؟؟؟ اللي حذف الموضوع اللي حطيتو أنا بالنادي العام من يومين واسمو على ما أذكر ... شو صاير بالمنتدى اليوم .... يجي يقلي ليش انحذف شو الأسباب ؟؟؟؟ واللي حذف رد ألي بمنتدى نادي الأعضاء بخصوص الترحيب بعضو جديد يجي يقلي ليش انحذف ..... وفي كمان رد ألي انحذف من يومين ؟؟؟؟؟؟؟؟؟؟؟
[/quote]
أنا أكيدة انو خطأ تقني..

@أواخر الشتا@,
نحنا ما منحذف أي شي إلا إذا كان مخالف للشروط

@أواخر الشتا@,

لك ما عاش اللي بدو يحذفلك رد ولا موضوع .... و انا واثق انو انت بالذات مستحيل تخالف شروط و ما بظن حدا حذفلك شي ..... بس انت تأكدت انو الموضوع و الرد نزل بالمنتدى ؟؟؟ يعني ممكن يكون خطأ تقني .... و غير هيك ... رح رد استفقد كل اللي الهم صلاحية ع الاماكن اللي ذكرتها لشوف شو القصة

ما في شي بروح هيك

والله يا أخ @أواخر الشتا@, بدك تتعود على هيك مواضيع وئصص
يعني في من هالشي كتير هون...وأنا عم بحكي هيك لإنو صارت معي كذا مرة!!!!

Nawwar,

ما تتوقع انك تستهزئ بحدا من الدكاترة و يضل ردك موجود

و بدي اسألك .... اجتك رسالة بسبب حذف الرد ولا لأ ؟؟

والله على راسي يا فارس كل الكلام اللي قلتو
وخلص أنا وصلني حقي بردك الجميل هدا

وعلى فكرة والله أنا لو ماني واثق مية بالمية من الشي اللي عم قولو ما كنت كتبتو

الموضوع الي انحذف نزل بالمنتدى واجا عليه شي 6 ردود
والردود اللي عم احكي عليها كمان أنا شفتها بعد يوم من تنزيلي الها
وعلى فكرة أنا عندي adsl وسرعتو عالية يعني نادرا لرد ما ينزل أو يعلق أو هيك شي

عموما إذا كان خطأ تقني فمسامحين
وإذا كان حدا حاذفلي ياهم ..... فكمان مسامحين


والسلام عليكم

@أواخر الشتا@, والله شي غريب مابعرف بامكانك تستفسر من فارس برسالة خاصة اكيد عنده الجواب الشافي

@أواخر الشتا@,
و الله ما خليتلي فرصة احكي يا اخي بزوقك عنجد
و ان شاء الله خير بس في شغلة انوا في اقسام بتكون كاتبة انوا يحق للاداري حذف ما يراه مخالفا بدون الرجوع الى صاحب الموضوع و هي عندي بقسم في رحاب الله نلتقي
انا عنجد كنت بدي احكي او كذا بس فارس بيعزك و انت طلعت مزوء
و ان شاء الله هيك شي ما بيتكرر اخي
و هي مني الك

اذا كنت فعلا منزلو بالعام فأنا بأكدلك انو مامر علي هيك شي ابدا
ويمكن انت منزلو باسم تاني وانا بكون نقلتو على القسم الانسب مثلا ووقتها حقك علي لاني لازم خبرك قبل ما انقل الموضوع او اترك ظل الموضوع بالقسم لتعرف وين انتقل ونحنا متعودين انو لما منحزف اي موضوع منبعت رسالة خاصة للعضو ومنخبرو فيها
بس بأكدلك انو مامر علي هيك شي بتاتا
وبالنسبة لردودك اكيد مارح نحزف شي رد الا اذا كان الرد مخالف