السلام عليكم وكل عام وأنتم بخير مشان ماجستير التأهيل والتخصص في تدريس اللغة الانكليزية لهلأ ما طلع ولا إعلان يعني عبيشتغلوا على إعلان السنة الماضية ولا شو؟ وهلأ بدي جواب نهائي نحنا كطلاب ترجمة بدنا امتحان لغة أو امتحان قيد وشو هوي امتحان القيد؟ كم رغبة بحقنا نقدم بالمفاضلة؟ يعني بحقلي قدم ماجتير تأهيل وتخصص كرغبة أولى والرغبة الثانية دبلوم ترجمة وتعريب ولا شو؟ مشكورين جداً سلف

أي ياريت حدا بيفيدنا بهالموضوع, يعني انا كمان بدي أسال هلأ يمكن بعد ما بتطلع نتائج القيد باللغة ببلش التفاضل على ماجستير التأهيل؟ وقالو هي مابدا معدل ؟؟ هي والترجمة كمان؟ فصحيح هالشي, فيدونا

نتائج القيد ما بتفيدك بالتفاضل كمعدل ..
وإنما بس نجاح او رسوب، يعني هي بتأهّلك للتفاضل.

واكيد بعد ما تطلع النتائج بيبدأ التفاضل ع كل شي.

بقصد ماجستير التأهيل والتخصص بدو فحص القيد؟

للتقديم لماجستير التأهيل والتخصص:
-اختبار القيد ..(المعهد العالي للغات) وهاد مختلف عن اختبار القيد للغويات والادبيات
وما بتهم العلامة فيه المهم هو ناجح أو لم ينجح
-واختبار شفوي (مقابلة) تؤخذ علامة المقابلة بعين الاعتبار
-المعدل بيهم بالتفاضل النهائي = = = = = لكن مافي حد أدنى متل الادبيات واللغويات ....

خلي بالك شغلة أنو اثناء الدراسة : يحق للمعينين في وزارة التربية النقل المؤقت لحد انهاء فترة دراسة الماجستير الى محافظاتهم ... (أدبيات لغويات) ولا يحق لماجستير التخصص النقل

شكرا محمد عنجد فدتني بهالحاله العلامة تبع الشفهي هي الأهم
بس لشوف شو حضر بالشفهي
عطيني أخي لمحه مسلا شو بسالو بالشفهي وأكيد امتحان اللغات نفس تبع القيد نموذجو

أحمد :

الرغبات 3 فيك تسجل بينها موازي ونظامي دبلوم أو ماجستير مثلاً:
1- ماجستير تأهيل وتخصص نظامي
2- ماجستير أدبيات موازي
3- دبلوم ترجمة نظامي (ماجستير ترجمة مافي بحمص)
ولازم تقدم ع مفاضلة بجامعة واحدة فقط

تماماً ... المشكلة كل سنة بيغيرو هالشي بس لما قدمتو انا كان كل واحد لحال
.... باللغويات بيسألو Grammar syntax >>> خاصة عن المفاهيم والتعاريف ...
بالتخصص Grammar.. methodology >>> والاشياء المتعلقة بطرائق التدريس
عادة قبل المتحان بكم يوم بينزل الدكتور أو رئيس القسم توزيع العلامات عالامتحان والمجالات المطلوبة يعني :
20 marks for grammar
30 marks for syntax
>>>>>> etc
ما عندي فكرة والله عن الموعد .. وازا حدا من الزملاء عندو مشوار قريب عالجامعة يا ريت يخبرنا اعملك نظرة ع موضوع : مساعدة في ماجستير التخصص
للأسف لأ مافي بالعادة تنقبل الطلبات الشرطية ..... هاي السنة انشالله ياخدو بعين الاعتبار أنو كانت استثنائية وصعبة عالكل

بالتوفيق

عدد الرغبات أحياناً بيكون 6 واحياناً بيخفضوه لل3 .... حسب قرار وزير التعليم العالي ع كل حال الواحد يحسب حسابه ب3 رغبات اساسية

والموعد متل ما ذكرتو ب 2 10
بخصوص الدبلومات مافي عندي معلومات لسه