تقديم موعد امتحان اللغة للقيد في الماجستير

عاشقة العربية · **مرسل:** الثلاثاء أغسطس 03, 2010 1:11 pm

لجميع المتقدمين إلى امتحان اللغة للقيد في درجة الماجستير، صدر قرار تقديم امتحان اللغة من يوم السبت 4/9/ 2010 إلى يوم:
السبت 21/8/2010

مع التنبيه إلى أن دورات اللغة لكل من اللغتين الإنجليزية والفرنسية لهذا الامتحان، بدأت يوم الأحد 1/8 ، وستستمر لمدة أسبوعين.

بالتوفيق لجميع المتقدمين

عصام · **مرسل:** الأربعاء أغسطس 04, 2010 12:43 am

اللي بدو يقدم عالدبلوم في عندو شي فحوصة
واذا اي شو وضعها

جنى · **مرسل:** الأربعاء أغسطس 04, 2010 1:09 am

هدى,
شكرا كتير الك على نقل الخبر

عصام,
حسب معلوماتي فقط الماجيستير يحتاج لامتحان القيد في اللغة
أما دبلوم الترجمة لا يحتاج ودبلوم التأهيل التربوي بيعتمد على المعدل حسب كل فرع

Raghad · **مرسل:** الأربعاء أغسطس 04, 2010 1:17 am

هدى,

اقتباس:

حسب معلوماتي فقط الماجيستير يحتاج لامتحان القيد في اللغة
أما دبلوم الترجمة لا يحتاج ودبلوم التأهيل التربوي بيعتمد على المعدل حسب كل فرع

كلامك صحيح جنى

وبحب ضيف كمان بالنسبة لماجيستير ودبلوم التأهيل والتخصص في الهن امتحان ... وفي كمان أسئلة دورات بالنفق نفسن تبعوت ماجيستير الأدبيات واللغويات .. طبعاً بس بدو تحضير أفضل

وبالمفاضلة بإمكانكم تسجلو 6 رغبات وان شاء الله بتتيسر أموركم

جنى · **مرسل:** الأربعاء أغسطس 04, 2010 1:28 am

Raghad,

شكرا الك على الايضاح أكثر

بصراحة أنا ما بعرف أنو دبلوم التأهيل والتخصص بيحتاج لامتحان
وأكيد امتحان القيد للغة بدو تحضير وخاصة للمختصين يعني للانكليزي والفرنسي
ومنيح أنو أسئلة دورات متوفرة عندكن بحمص لأنو للأسف عندنا باللاذقية مو متوفرة
ولهيدا السبب مو عم نعرف كيف الأسئلة رح تكون لأنو كل مرة فيا شي جديد

نبال · **مرسل:** الأربعاء أغسطس 04, 2010 1:34 pm

هدى,

مشكورة على نقل الخبر
حدا بيعرف شو الأوراق المطلوبة

ندى الصباح · **اشترك في:** السبت مايو 02, 2009 5:04 pm

السلام عليكم

هلق هاد الامتحان مشان الدراسات العليا ولا ماجستير التأهيل والتخصص ؟

السنة الماضية أدمت امتحان الدراسات ونجحت فيه بس ماطلعلي دراسات وقالولي أنو النجاح بالامتحان بيعطيني الفرصة أدم 3 سنين ورا بعض ... صح أو لأ

بعدين لسه المواد ما طلعو ليش مستعجلين ! وشو مشان اللي عم يعملو دبلوم وما طلعو موادهم لسه ؟؟

واذا طلعنا ع التكميلية بالدبلوم بيأثر شي ؟؟؟؟

ياريت حدا هالمرة يجاوبني ع أسئلتي اذا ممكن

Mohammed · **مرسل:** الأربعاء أغسطس 04, 2010 3:33 pm

هناك امتحان بكلية الاداب يتيح التفاضل لأجل كل من ماجستير الادبيات واللغويات
وهناك اختبارالكفائة الوطني للمختصين يتم التقديم عليه في كلية العمارة _ المعهد العالي للغات

هناك اختبار كتابي مؤتمت والذي تندر أسئلة دوراته في المكتبات وتباع بدلا منها أسئلة غير المختصين (لأن تسريب الاسئلة ممنوع وتسلم الاسئلة مع ورقة الاجابة )
ويتيح اجتياز هذا الاختبار الكتابي التقدم لماجستير ودبلوم التخصص
بعد النجاح بالامتحان الكتابي هناك مقابلة شفوية .. تتعلق بالصحة الجسدية والثقة بالنفس يتقدم لها الناجحون بالكتابي
وفي النهاية يتم التفاضل بين الناجحين في الاختبارين على اساس المعدلات في كل من
المعدل العام للشهادة الجامعية
درجة الاختبار الكتابي
درجة الاختبار الشفوي

(مما يعني أن الحاصلين على معدلات عادية في الباكلوريوس يمكنهم تعزيز فرصهم عبر الاختبارين المذكورين لدخول ماجستير ودبلوم التخصص _على عكس ماجستير اللغويات والادبيات الذي يشترط فيه النجاح في الاختبار الكتابي فقط ولا يهم سوى معدل التخرج )

دبلوم وماجستير التخصص نظام مواد فقط(20مادة في سنتين) .. مثله مثل اسنوات الجامعية العادية
الرسوب عال4 مواد
يمكن اعادة التقديم فصليا اذا كان الطالب قد تقدم بالقسم العملي وحصل على الحد الادنى
وهناك دورات تكميلية للفرعين

ماجستير اللغويات والادبيات:فيه 10 مواد و تقديم سنوي بنهاية الفصل2 وحمل أي مادة يؤخر مناقشة الرسالة سنة كاملة

تقديم الطلبات للختبار الوطني يكون قبل مع تقديم طلبات غير المختصين والاختبار بنفس اليوم وبنفس المدرجات أيضاً (التفاصيل في كلية العمارة _ المعهد العالي للغات)

بالتوفيق لجميع المتقدمين ....

Mohammed · **مرسل:** الأربعاء أغسطس 04, 2010 3:36 pm

علن المعهد العالي للغات عن إجراء امتحان في اللغة الأجنبية ( الانكليزية – الفرنسية) الخاص للقيد في درجة الماجستير يوم السبت الواقع في 21/8/2010م وذلك في تمام الساعة الثانية عشر ظهراً .

- يبدأ التسجيل يوم الثلاثاء الواقع في 3/8/2010م ولغاية نهاية الدوام الرسمي ليوم الثلاثاء الواقع في 17/8/2010م.

- الأوراق المطلوبة للتسجيل:

1- صورة مصدقة عن الإجازة الجامعية بمعدل جيد على الأقل أو إشعار تخرج .

2- صورة عن الهوية الشخصية.

3- صور شخصية عدد /2/.

4- رسم تسجيل بقيمة /500/ ل.س.

5- طلب تسجيل ( يحصل عليه الطالب من شؤون الطلاب في المعهد ).

6- طابع مالي بقيمة /10/ ل.س.

Nastia · **مرسل:** الأربعاء أغسطس 04, 2010 11:36 pm

شكرا لكلشي ضاف معلومات بهالموضوع بس في كم شغلة بدي اسأل عنا: أنا السنة الماضية كنت بدي سجل ماجستير بس بعد المفاضلة ما عرفت بفحص اللغة وراح عليي_ يعني هلق فيني سجل؟ وكمان أنو فحص هوي الما بيلزم لدبلوم الترجمة هاد تبع 20_8 واللا التاني؟ وسؤال أخير حتى لو تقلت عليكن: شو نوع المواد يلي مندرسا بماجستير الدراسات اللغوية؟ يا ريت تجاوبوني و لا تبخلو بأي معلومات جديدة ومشكورين جدا

LATEST_POSTS

تقديم موعد امتحان اللغة للقيد في الماجستير

الموجودون الآن