1- صورة مصدقة عن كل من: مصدقة التخرج و كشف العلامات مترجمة و مصدقة من وزارة العدل و الخارجية (الترجمة حسب لغة بلد الإيفاد).

2- صورة مصدقة عن دبلوم التأهيل و التخصص في حال كان مطلوبا بالبعثة الناجح بها + كشف علاماته - مترجمة و مصدقة من وزارة العدل و الخارجية.

3- صورة مصدقة عن كل من: مصدقة الماجستير و كشف درجات الماجستير- إن وجدت- لمن نجح في إعلان البعثات العلمية على أساسها مترجمة و مصدقة من وزارة العدل و وزارة الخارجية.

4- إخراج قيد نفوس مصدق من دائرة الأحوال المدنية في المحافظة الصادر عنها مترجم و مصدق من وزارة العدل و وزارة الخارجية.

5- تقرير طبي يتضمن أن الطالب خال من جميع الأمراض و العاهات التي تمنعه من السفر و متابعة دراسته في الخارج صادر عن طبيب معتمد لدى وزارة الصحة و مصدق من مديرية الصحة المختصة و وزارة الصحة مترجم و مصدق من وزارة العدل و الخارجية.

6- سيرة ذاتية تتضمن: تسلسل دراسة الطالب في المراحل الدراسية كافة دون ذكر الإنتماء السياسي مطبوعة على الآلة الكاتبة و مترجمة و موقعة من الطالب فقط.

7- رسالتا توصية من أستاذين جامعيين مطبوعة على الكاتبة و موقعة منهما و مترجمة.

8- لمحة موجزة عن البحث العلمي المطلوب تحضيره من الطالب يكتبها بخط يده بالتنسيق مع الجهة الموفد لصالحها إن أمكن مترجمة و الغاية من هذه اللمحة أن تعرف الدولة المضيفة طبيعة البحث المطلوب لتحديد الجامعة المناسبة و الأستاذ المشرف.

9- (6) صور شخصية ملونة قياس 3×4 (لكل إضبارة 6 صور).

10- وثيقة نقص المناعة المكتسب (الإيدز).

ملاحظة: توضع جميع الأوراق المطلوبة في مغلف شفاف

Ala Al-Ibrahim,

ياخ و الله شكلن كتااااااار و هالأوراق
خلص ماااااااعاد بدي أطلع بعثة
يسلمن علاء و يا الله شد الهمة قدامك شغل و سفر كمان
بالتوفيق لألك و لكل المقبولين

شد الهمه علاء الله يوفقك يارب

Ala Al-Ibrahim,
اول شي بحب قلك برافو عليك...من كلللللللل قلبي ..لأني يمكن أكتر وحدة بعرف المعاناة يلي بعانيا طالب الانكليزي بجامعة البعث لحتى يجيب معدل..مو من المنهاج طبعاً-بلأخير مانو هندسة نووية_ بس من العقول المتحجرة المتحكمة فينا...
و موفق إن شاء الله ...

أنا عندي سؤال بسيط ما بعرف إذا في مجال تجاوبني عليه أنت أو أي طالب آخر قدّم ع البعثات هي السنة..

هل قبلوا طلبات الطلاب المتخرجين ع التكميلية؟
و شو كان معدل الطلاب يلي قبلو ؟بالتحديد الانكليزي لجامعة البعث.
و فينا نقدم ع أكتر من خيار : يعني مثلا وزارة الاعلام و جامعة البعث طالبين إجازة انكليزي للحصول ع الماجستير فهل فينا نحط الخيارين بطلبنا أو شرط التقديم ع شغلة وحدة؟

وشكرأ كتيييييييييييييير ......
من زمان عم اسأل عن هدول الشغلات بس ما صدفت حدا عندو إلمام مباشر متلكن بالموضوع...و من أول ما نزل الاعلان حفظت نسخة منو و بعدين فرمت الكمبيوتر و راحت و هلأ كلما حاولت افتح الرابط بقلي الصفحة المطلوبة غير موجودة...

أندلسية
هلا اخت أندلسية .. و شكرا الك
بالنسبة لإستفساراتك ..
طبعا قبلو طلبات تكميلية .. و في رفيقي قبل معي بنفس الإختصاص و هو خريج تكميلية .. و ان شاء الله رح نسافر سوا ..
مشان المعدل .. هي شغلة حظ .. يعني انتي بتقدمي 3 رغبات .. و انتي وحظك .. بس بعض الإختصاصات ما قدم عليها أصحاب المعدل العالي .. فقبل لحد 69 تقريبا .. و بحقلك طبعا تسجلي أكتر من رغبة .. سواء كان لصالح الجامعة او غيرا . . ما بهم .. المهم انك بتحطي 3 رغبات طالبينون هنن لأي جهة كانت بالدولة ! و بترتبي هي الرغبات حسب الأفضلية عندك .. و هي مفاضلة عادية متل غيرا .. يعني فيكي تحطي الرغبة الأولى لجامعة البعث مثلا .. و الرغبة التالتة لوزارة الإعلام بطرطوس .. و الرغبة التالتة لكلية الآداب بحلب .. (أنا قبلت لصالح كلية الآداب بحلب) ..
على كل .. أخت أندلسية .. في مسابقة معيدية قريبا عنا بجامعة البعث .. و هي لسا وضعا أحسن من البعثات .. رح يتم الإعلان عنا بالجامعة قريبا .. هيك قالولي بالإدارة المركزية .. و في فرص منيحة للي معدلو بال 70 .. أقل أو أكتر شوي .. لأنو أصحاب المعدلات العالية قدمو على مفاضلة البعثات العلمية .. و ما عاد يحقلون يقدمو على مفاضلة المعيدية .. طبعا مفاضلة المعيدية بتشمل بعثة مو بس ماجستير .. لا و دكتوراه كمان .. والي متزوجة و عندا ولاد بسفرو معا زوجا و ولادا و بيعطوهن راتب كمان !
بقا تابعي الموضوع بالجامعة اذا عندك طموح بالدكتوراه .. ولا حدا يستبعد شي لأنو شغلة حظ بالأخير .. يعني ممكن حدا معدلو 65 يقبل مين بيعرف؟ كلو توفيق من رب العالمين!

بتمنى يكوني عطيتك جواب شافي .. وفي حال عندك أي استفسارات تانية أنا جاهز .. لأنو صار عندي المام بالموضوع على قد ما تعذبنا و سألنا مشان أوراقنا!
على فكرة .. الي عم يفكر بالدراسات برا يبلش من هلق يحضر للتوفل أو الآيلتس .. لأنو مافي سفرة بلاهن

Ala Al-Ibrahim,
شكراً كتيييييييييييييييييييير كتير... عل الاجابة الوافية و
عنجد فائلتني بحكيك ...لأني كنت كتير زعلانة ع حالي بعد أول مادة العالمي ..ما توفقت فيا ..و راحت معي للتكميلية ..بس كتير خفت بعدا لا يقوم يكون راحت علي كل الفرص ..لأني بعرف انو ماجستير العادي بالجامعة حاطين شرط انو ما يكون خريج تكميلية بنفس العام الدراسي ..و متل ما بتعرف كمان راحت مسابقة التربية ..فحسيت شوي الوضع مو زابط ...بس الحمد لله هلأ شوي ارتحت أنو لسا عندي مجال بفرص أخرى.
و إن شاء الله رح أعمل بنصيحتك و اعملي شي ايلتز او توفل بهالصيف ..بس بدا دفع كومة الله بعين ..منفتح جمعية
أنا الحمد لله معدلي منيح .. ياااااااااارب اقدر بس حافظ علي بهالفصل الصعب كتييييييير. هوي بحدود ال78 ..فحسب معلوماتك بيطلعلي بجامعة البعث؟ ..ما بعرف لي بقول لي انو أحسن الشي الواحد يقدم ع فرص الجامعة ..ما بعرف.. بلأخير متل ما قلت الحظ بيلعب دور...
بس انو صار عندي فضول اعرف هالرقم الطالبينو قصدي المعدل ...يعني في مجال تذكر شو كان معدلك تقريباً؟
و الله جد مشان يعرف الواحد شو يشتغل بهالصيف
انا بعرف انو بس الموفد إلو هالميزات..حتى و قريت كتير بالصيف مطالبات من معيدات بمساواتن بهالشي مع المعيدين لأنو بس المعيد بياخد راتب ع زوجته و فينو يطالعها معو و هيك ..إن شاء الله يكون كلامك المزبوط ..

الله يسرللك و يسرلي و يفتحا بوج كل طالب علم .

أندلسية,

عفوا .. واجبي
عندك هيك معدل و خايفة على حالك؟؟
بهيك معدل بيطلعلك بالمريخ ما بس بجامعة البعث .. على شو خايفة؟ معدلي كان 72.64 مو عالي كتير بالنسبة لمعدلك بس نعمة
بهي والله ما بعرف اذا بس الموفد مو الموفدة .. بس أنا حكيتك الحكي بناء على كلام زميلة الي بالماجستير .. رفيقتا قبلت بالمعيدية و متزوجة .. قالتلي بدا تسافر رفيقتا و زوجا على حساب الدولة .. يعني مو منطقي تكون هالحقوق للموفد بس بدون الموفدة .. بتوقع للموفد و الموفدة نفس الشي

موفقة

علاء الابراهيم, بتمنالك كل التوفيق

موضوعك مليئ بالمعنويات والأمل والتشجيع

بالتوفيق للجميع

Golden RoSe,

السلام عليكم :
Ala Al-Ibrahim :

موفد آرتين , كيف كان اللقاء ؟


http://www.mhe.gov.sy/new/index.php?pag ... 966&ref=hm

...................