صدور نتائج الامتحان الكتابي لمسابقة انتقاء المدرسين

Mohammed · **مرسل:** الاثنين إبريل 19, 2010 11:49 am

الحصول على النتيجة يتم فقط عن طريق رقم القبول

http://syrianeducation.org.sy/atwinkcomp/index.htm

على جميع المرشحين للمقابلة الشفوية الحضور الى مراكز الامتحان الشفوي التي سيعلن عنها في مديريات التربية التي تقدموا بامتحانهم الكتابي فيها مصطحبين معهم هوياتهم الشخصية او العسكرية او قيد نفوس عليه صورة شخصية لاجراء الامتحان الشفوي لهم في الموعد والمكان الذي تحدده مديريات التربية لهم وفق الاتي:

اولا: في محافظات (طرطوس – اللاذقية- ادلب – حلب – الرقة – دير الزور - الحسكة)
ايام : السبت 1/5/2010 م
الاحد 2/5/2010 م
الاثنين 3/5/2010 م
ثانيا: في محافظات (دمشق – حماه - ريف دمشق – حمص- القنيطرة – السويداء - درعا)
ايام : الاربعاء 5/5/2010 م
الخميس 6/5/2010 م
الجمعة 7/5/2010 م
تبدا الامتحانات الشفوية في جميع المحافظات من الساعة الثامنة والنصف صباحا وحتى الساعة الرابعة عشرة ظهرا ومن الساعة الثامنة عشرة مساءا وحتى الواحدة والعشرين مساءا.
تقوم مديريات التربية بتنظيم قوائم بأسماء المرشحين لديها على مدى الايام الثلاثة المذكورة وتنشر هذه القوائم في لوحة الاعلان ليتم الالتزام بها من قبل المرشحين ولا يسمح للمتخلفين عن هذه المواعيد بالتقدم للامتحانات الشفوية المذكورة

نقلاً عن الموقع الرسمي لوزارة التعليم التربية

بالتوفيق للجميع بالمقابلة الشفوية
تابع تفاصيل الموضوع في بقية الصفحات ..>>

عبد الرزاق · **مرسل:** الاثنين إبريل 19, 2010 1:54 pm

ألف مبروك للناجحين وحظ أوفر للي مانجحوا هي المسابقة بس يا شباب بترجاكن الي بيعرف موقع بيعرض كل أسماء وعلامات المتقدمين حسب المحافظة وبدون رقم القبول يخبرني عنو وشكرا

Mohammed · **مرسل:** الاثنين إبريل 19, 2010 5:41 pm

للأسف ما في .. دورت كتير ومالقيت لأن كنت مضيع رقمي وبطاقتي متل العادة

أعتقد أنو في خبرية مو حلوة حتى للناجحين

وهي حساب المعدل :
ازا واحد معدل تخرجه 55 بياخد 5 علامات
ونجح بالكتابي بعلامة 40 صارو قديش ؟؟؟ 45
وأخد 10 من عشرة بالشفهي .... المجموع 55
لكن حد النجاح بالمسابقة الكلي 60

يعني الطريقة غبية جداً مع الأسف
يا اما كانو لا يقبلو اللي معدله التخرج تحت ال60 وهاد حرام وظلم (والا ما كنتو تخرجوهن بالاصل)
أو يكون حد النجاح بالكتابي 45 .. أو لشو هاي الستين المطلوبة أصلا ؟؟!؟!؟!
يعني الواحد ممكن يفرح انو انقبل بالكتابي وينجح بالشفهي وما يتثبت !!!

Portia · **مرسل:** الاثنين إبريل 19, 2010 6:26 pm

السلام عليكم :

خبرونا من نجح بالمسابقة من آرتين

هاتوا لنشوف , حاسب هالربيع و الحمدلله خير

و بإذن الله خير و متل ما قال المقدم اليوم

ربيع العطاء

فخبرونا

..................

عبد الرزاق · **مرسل:** الاثنين إبريل 19, 2010 9:43 pm

الحمد لله طلعت ناجح وعلامتي 50 والله يوفق بالفحص الشفهي

لجين · **مرسل:** الثلاثاء إبريل 20, 2010 1:28 am

ألف مبروك للناجحين وان شا الله يلي مانجحو ومن بيناتن انا

ينجحو بالمسابقة الجاية
Mohammed,

فعلا ظلم شو هاد؟؟؟ يعني هيك ماحدا رح يتعين يمكن

Widad · **مرسل:** الثلاثاء إبريل 20, 2010 6:24 am

كمان أنا نجحت وأخدت 50 لأنه ماشاء الله كانت أسئلة التربية شي بيشهي المهم والله العظيم ماني عرفاني افرح والا ازعل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟عنجد يلي رسب لايزعل كتير ويلي نجح لايفرح كتير كله متل بعضه !!!!!!

Mohammed · **مرسل:** الثلاثاء إبريل 20, 2010 8:56 am

أنا أخدت 47 .... الله يوفقه ويوجهله الخير اللي كان قاعد ورايي
لولاه ما بجاوب ولا عسؤال بالثقافة

عبد الرزاق,
ألف مبروك !!! يعني هلأ بس لازم يكون معدلك فوق ال55 وتجيب بالشفهي 5
انشالله مضمونة ومبروك سلف

لجين,
بسيطة يا لجين والله متل ما قلتلك حساباتن كلها ظلم وغباء ... تصوري رفيقي طار عقله نجح 40 وصار يقول منيح نفدنا وما بعرف شو ..... حسبنا علاماته طلع ازا بياخد علامة كاملة بالشفهي راسب !!!

كله بيتعوض انشالله

Widad,
يا سلام .. الله حيو الخمسينات ألف ألف مبروك زميلة ماشالله عليكن انت وعبد الرزاق

اقتباس:

يلي رسب لايزعل كتير ويلي نجح لايفرح كتير كله متل بعضه !!!!!!

معك حق مية بالمية

Portia · **مرسل:** الثلاثاء إبريل 20, 2010 9:06 am

السلام عليكم :

والله اللي لاحظتو من اللي نجحوا انهم كلن اما شطارة و كانوا من جماعة المعدلات بالجامعة

او هنن دراسات عليا

شكلو انتقاء المدرسين لهل مسابقة شي نخبوي عالآخر .

فمبروك لجميع الناجحين

و حظ اوفر للبقية

و

الخير فيما اختاره الله

و دمتم بخير

.........

..........

رؤى · **مرسل:** الثلاثاء إبريل 20, 2010 11:00 am

و الله يا جماعة انا خريجة انكليزي من شي سنتين و التدريس كلو مو ببالي بس لما سكرت معي من كل الجهات و ما لقيت شغل قررت اتقدم للمسابقة وبعد ما خلصت اوراق التسجيل و قدمتا توظفت بشركة خاصة نص دوام ترجمة......هلق معدلي 61.67
و نجحت بالمسابقة 45
و احترت كتير و ما عاد عرفت شو ساوي!
عندكن شي نصائح لإلي؟
النجدة!!!

LATEST_POSTS

صدور نتائج الامتحان الكتابي لمسابقة انتقاء المدرسين

الموجودون الآن