مرحبا...أنا الملاك ..... فمن أنت ؟؟

الملاك · **مرسل:** الخميس فبراير 18, 2010 5:40 am

مرحباً أيها الشعب الآرتيني

ليكو يا جماعة بدون لف ودوران ...موضوعي بسيط وسهل ..وفكرتو كالتالي

أنا إلي مدة غايبة عن المنتدى ..وعنجد كل ما بطل بلاقي ناس ما بعرفن وأسماء جديدة ...ومالي بالعادة مرق شاردة أو وادرة
حابة أعرف الكل ...واحكي مع الكل ...ونتساير كلنا سوا بهالمنتدى متل قبل
بس كترنا ما شالله...
قبل كنت أعرف كل شخص واهتماماتو واتوقع من اسم الموضوع مين لاقي فيه
هلأ صرت حتى القسم كلو عبعضو ما اتخيل مين ممكن لاقي فيه

بقا هون رح نرجع نتعرف عبعض ...بس بهدف نعرف اهتمامات بعض ..وواحدنا بشو بفكر وعنشو بحب يحكي ووين بلاقي حالو بهالمنتدى ومع مين

طبعاً رح ابدا عرفكن بحالي لأنو تلت رباع المنتدى هلأ ما بيعرفو الملاك

يا أعزائي
أنا الملاك ...خريجة أدب إنجليزي...من سنتين
ما كتير عندي إهتمامات بالإنجليزي وقليل تلاقوني بأقسم اللغة الإنجليزية...بس من اليوم الوضع رح يتغير
أما حبي الحقيقي فللأدب ...بحب أقرا بكل مجالات الأدب وأكتر شي الشعر..بعشق الشعر والخواطر
بس سبحان الله...ربكن بلاني بنظرة نقدية لكلشي ..ما بستمتع بالشي اللي عم أقراه قد ما بلاحظ شوفيه ضعف ..أو قوة حتى
بحب من الأعضاء اللي بناقش ...وبحب اللي بجادلني وبناقشني لحتى يقنعني ..سواء عم يرد على ردي أو على موضوعي
أما اللي بيشكرني وبيبعتلي وردة بزعل منو كتير السلام ...وبتجنبو عادةً
بحب الحكي كتير وعادةً ردودي طويلة وبملل ....بس طبعاً في زخم من الفوائد والدرر
ودمي خفيف كتير وبضل اضحك وحط سمايلات عم تضحك بس ماحدا شافني إلا وقلي أني شخصية جدية ..أو هيك كانو يفكروني
نشاطاتي بالمنتدى أغلبا بتخص الشعر..وأقسم الشعر ومشرفين الشعر والأعضاء الشعراء..وبأشرف عأمسيات آرتين
وطبعاً أشرفت على قسم النظرات النقدية لحبي للنقد والأدب...وعمهارات تطوير الذات لأنو بتمت بصلة لهوايتي بالحياة وهي التعمق بمجال علم النفس

وهيك بكون أوجزتلكن الملاك "لاحظو أنو كل هاد إيجاز"

ورح انطر أعرفكن كلكن من خلال هالموضوع ونرجع نلتقي بباقي الأقسام

ابراهيم محمد · **مرسل:** الخميس فبراير 18, 2010 5:50 am

عفواً... الرقم المطلوب غير موجود بالخدمة الرجاء التأكد من الرقم والمعاودة لاحقاً .. وشكراً

بيت مين بدك عمو ...

اي والله لك يا أهلين وسهلين ومرحبتين

تشرفنا بمعرفتك خيتو وانشا الله نشوف مشاركاتك عن قريب ال يعني رح تفيدي وتستفيدي

ولو اللي ما بيعرف الملاك لازم يعرفها هلأ واللي حابب يتعرف عليها يتابع ردودها

فيني قول انو أنا موجود بآرتين بسبب هالانسانة صاحبة هالموضوع وبفخر بقولها

الحمد لله على سلامتك خيتو وانشا الله ما تغيبي عنا مرة تانية متل هالغيبة

يمين الله فرحتيني

الملاك · **مرسل:** الخميس فبراير 18, 2010 6:29 am

ابراهيم محمد,
هلأ أنت ملاحظ أنو ردك ما بطعمي خبز

هو صحي يعني عراسي وخجلتني وأحرجت تواضعي...بس بدي أفهم اللي ما بيعرفك كيف بكون عرفك بهيك رد؟

برهوم عرفنا عن حالك.... بهالموضوع كلنا رح نتعرف عبعض

كتبلنا إنك شاعر بس مافي داعي تقول أنو الملاك بتموت بشعرك مثلاً

ابراهيم محمد · **مرسل:** الخميس فبراير 18, 2010 6:44 am

اقتباس:

هلأ أنت ملاحظ أنو ردك ما بطعمي خبز

والله متعشي من شوي صحتين وهنا

اقتباس:

هو صحي يعني عراسي وخجلتني وأحرجت تواضعي...بس بدي أفهم اللي ما بيعرفك كيف بكون عرفك بهيك رد؟

برهوم عرفنا عن حالك.... بهالموضوع كلنا رح نتعرف عبعض

ليش ما بتعرفي اني أنا أشهر من نار على علم ...

أولست القائل :

الهارد والرام والكيبورد تعرفني *** والفلم والوورد والنود والقلم

اقتباس:

كتبلنا إنك شاعر بس مافي داعي تقول أنو الملاك بتموت بشعرك مثلاً

طيب أنا يا سادة يا كرام اسمي ابراهيم علي حمد لكن سميت حالي ابراهيم محمد على اسم أبي الله يرحمو اللي أنا بفخر اني كنت أحد أبناءه

طالب أدب انكليزي بس كمان متل الملاك ما عندي اهتمام بالانكليزي واهتمامي كلو بالكمبيوتر والانترنت

فيكون تقولوا انو أنا شويعر إذا كانت هي الكلمة هي الكلمة المصغرة من شاعر وذلك بسبب انو كل كتاباتي اجت بالفطرة وبدون أي دراية بالشعر ولا أوزانو ولا أساليبو

فيني قول انو عندي أصحاب بفديهم بروحي موجودين معنا بالمنتدى وأنا مديون لآرتين انو هو كان الوسيلة اللي أنا تعرفت فيها عليهم

وبس هاد اللي عندي

عجبك هيك خيتو

سنا · **مرسل:** الخميس فبراير 18, 2010 9:54 am

اي صار دوري..
متخرجة مع دغعتك و اسمي سنا..
بحب اللغة كتير و بموت بالانكليزي .. و بحب اللآداب و القراءة و هالأيام صايرة عم حب اقرا روايات و قصص الها علاقة بالخيال لدان براون مثلا ..
و اما بالنسبة للنقد فبدك تعذريني و يمكن بتعرفي رأيي بهالموضوع .. مالي مراق بشي اسمو نقد أبدا و لا بحب الفلسفة بنووب..
بحب الاشيا البسيطة السهلة الواضحة ..
وعندي 1+1=2 ..
بموت بالطقس الحالي و الرحل بالاجواء المخوطرة يعني اول الربيع ..
شو احكيلك كمان ؟؟؟
هاي أنا ...

اقتباس:

ما كتير عندي إهتمامات بالإنجليزي وقليل تلاقوني بأقسم اللغة الإنجليزية...بس من اليوم الوضع رح يتغير

الله يقويكي ... :wink:

حلواني · **مرسل:** الخميس فبراير 18, 2010 9:59 am

شكرا الملاك واهلا بعودتك
بالنسبه الي يمكن تعرفيني لاني معتق بهالمنتدى صرلي زمان
بس راح عرفكن عن حالي
أنا فادي حلواني طالب سنة ثالثه لغه انكليزية درست السنة الاولى بجامعه البعث وكان لي الشرف بالتعرف على العديد من الاعضاء ثم انتقلت الى جامعة الفرات التي انا نادم لنتقالي اليها
اهتماماتي غالبا بالحاسوب وقسم الترفيهي وحب اطلب كتير مساعدات باللغه طبعا والاعضا والمشرفين ماقصروا ابدا والي ميول بساحه الحوار او وجهة نظر حاليا
هذا موجز بسيط عني

Osama · **مرسل:** الخميس فبراير 18, 2010 10:08 am

الملاك,

[quote]
حابة أعرف الكل ...واحكي مع الكل ...ونتساير كلنا سوا بهالمنتدى متل قبل
[/quote]
هلأ بشرفك مشان هيك معقول تفتحي موضوع طويل عريض مشان هيك؟؟ خيتي تعرفي عالكل مين ماسكك بس ما ضروري بهالطريقة ..... الجديدة

[quote]
بقا هون رح نرجع نتعرف عبعض
[/quote]
ضروري كتير نعرف بعض؟؟؟

[quote]
...بس بهدف نعرف اهتمامات بعض ..وواحدنا بشو بفكر وعنشو بحب يحكي ووين بلاقي حالو بهالمنتدى ومع مين
[/quote]
خير ان شاء الله خير يكون

يلي ما بيجي معاك تعال معو.... خيتو و تعرفنا شو رح نخترع الذرة مثلا؟

[quote]
..ما بستمتع بالشي اللي عم أقراه قد ما بلاحظ شوفيه ضعف ..أو قوة حتى
[/quote]
شديدة الملاحظة بالصلاة عالنبي ..... الله يحرسك من عين الحسود
[quote]
بحب من الأعضاء اللي بناقش ...وبحب اللي بجادلني وبناقشني لحتى يقنعني ..سواء عم يرد على ردي أو على موضوعي
أما اللي بيشكرني وبيبعتلي وردة بزعل منو كتير السلام ...وبتجنبو عادةً
[/quote]
فرض سياستك عالباقيين .... و لازم عالكل مشان يعرف كيف يتصرف معاكي

[quote]
بحب الحكي كتير وعادةً ردودي طويلة وبملل
[/quote]
احلى شي فيكي انك بتعرفي عيوبك ..... و معروفة انو المقالات و الكتابات الطويلة نادرا حتى تنقرا و لو كانت مليئة (برأيك) بالدرر و المعارف بتروح بطول المقالة

[quote]
بس ماحدا شافني إلا وقلي أني شخصية جدية ..أو هيك كانو يفكروني
[/quote]
شو السر يا ترى ؟؟؟؟؟

انتي ما بتبطلي عادة الحكي الزايد و انا مستحيل بطل اعمل مشاكل

انو كان فينك تفوتي عالأقسام يلي بتحبيا و تعذبي حالك شوي بتعرفي مين عم يشارك و شو طبيعتو و شو بدو

ابراهيم محمد, سنا, حلواني,
قالت الأعضاء الجدد ..... ما قالت المشرفين و الأعضاء القدما

خلوا تتعرف عالأعضاء الجدد

سنا · **مرسل:** الخميس فبراير 18, 2010 11:57 am

Osama,
طيب بما انك عضو قدير .. يا مسيو أسامة مين قلك تشارك بهالموضوع ياللي ما من مقامك؟؟؟؟؟؟؟ بس بجميع الأحوال و شو ما كانت مشاركتك أكيد منحبها بما انو اسمك موجود .. و متل ما بقول المتل ياللي ما بيجي معك تعا معو ..

لجين · **مرسل:** الخميس فبراير 18, 2010 1:19 pm

وأخيراً رجعتي انتي وموضوعك...تشرفت بمعرفتك عزيزتي..وانت كمان يا ابراهيم وسونا انا مستحيل انساكي تشرفت بمعرفتكن...أسامة هي مو بس بدا تتعرف عالأعضاء الجديد هي بدا هني كمان يعترفوا على بعض وعلينا ..لهيك مافي فرق بين المشرف او العضو كلنا رح ندخل ونعطي لمحااااات عن حالنا مشان الأعضاء الجديد يعرفو مع مين عم يتعاملو ومين نحنا

أنا لجين..خريجة أدب انكليزي (عالدورة التكميلية

) يعني تخرجي ماصرلوا كم شهر (عقبال الكل يارب

) المراقبة العامة للمنتدى

وكنت أول مشرفة بآرتين..استلمت وقتها الاشراف على بوح المشاعر قال

مع انو مالي علاقة بكتابة الشعر والخواطر نهائيا بس بحب اقرا أحيانا هيك مجالات

وبعدا استلمت الاشراف عالقسم العام بالاضافة الى الرقابة وحاليا فقط مراقبة

مممممم

طيب انا بحب التجديد والطلعات مع الأصحاب

وبحب الرسوم المتحركة

بحب القراءة كتير وانا اعتبر انسانة بسيطة طيبة كتير على نياتي...ملاك شو كمان اكتب مو حاج

حلواني · **مرسل:** الخميس فبراير 18, 2010 5:25 pm

أخي اسامه اختنا العزيزه طرحت الموضوع لنتعرف على بعضنا
تقبل تحياتي وأن شا الله باقرب فرصه نتعرف شخصيا بحمص
-
بس هلأ في سوال بيخطر ببالي ليش مانتعرف عبعض شخصيا المشرفين والاعضاء والمشرفات وجميع الاخوة

LATEST_POSTS

قوانين المنتدى

مرحبا...أنا الملاك ..... فمن أنت ؟؟

الموجودون الآن