كثيراً ما نسمع أصدقائنا وخاصة الشباب ..
لما بتخرج انشالله بدي وبدي وبدي وبدي
بسسسس لو كون متخرج

طيب
ومنشوفن بعد ما يتخرجو (وبيشوفونا بعد ما نتخرج ) وغالباً رح يكونو انصدمو بصخرة الواقع

والسؤال
شو مخططاتك أنت ؟؟؟؟؟
بدك تسافر وتتغرب وتتحمل الظروف مشان تجمعلك قرشين وترجع البلد .. ولا بدك تروح عالعسكرية وتنبسط سنتين من العمر .. ولا بدك تبلش تدرس ساعات وتوكل بالمدارس وتنتظر راتب الشهر الحالي لتقبضو بعد 6 شهور (وطبعا بدك شي شي سنتين لتقدر تصرفو لأنو بيطلع شي 7 الاف ضربة وحدة ) .. اما عم تفكر تدور ع شي شركة خاصة تعطيك مرتب اعلى بشوي من مرتب التدريس وتعيش يومك (بما أنو الخاص مانو مأمن لبعدين مقارنة مع الحكومي )...؟؟؟؟

خيارات أحلاها مرّ

أنا فعلياً عشت بهالدوامة و الي صار اني اشتغلت بإحدى الشركات الخاصة و كتأمين للمستقبل أكيد ناوي قدم عمسابقة الحكومة لما بتطلع و هاد طبعا إذا انقبلت فيها و ساعتا راح تبدأ معاناة التشرد بوظيفة الحكومة .... و عفكرة بفترة من الفترات فكرت جدياً بالسفر بس الظروف ما سمحت .... طبعا الشي الي بتمناه فعلا بعيداً عن هالخيارات اني أسس عمل خاص فيي بحيث كون فيه رئيسة نفسي لأني بكره كون تحت سلطة شخص أو ظروف ... بس هاد الشي بعيد حالياً و أكيد راح امرق بكتير تجارب لبن ما وصل لهدفي ....
Mohammed,

لك الشغلة الوحيدة الي ندمان عليها هيا انو اتخرجت وما خليت شي مادة للفصل الجاي مشان الي كلكون بتعرفو .
المشكلة انو الواقع أمر من الشي الي كنت متخيلو.انا كنت حاطط ببالي سافر لبرا بس الأمور كلا تعسرت معي وماحسنت حتى طلع جواز سفر.
جربت أخد ساعات تدريس بس حسيت او الشغلة ومو سويانا لانو الشباب (التربية) ما بيعترفو على اشعار التخرج لبين ما تتطلع المصدقة .
هلا عم أشتغل بشركة بمجال الأتصالات بس المشكلة أنو المشروع الي عم أشتغل في بيخلص بالشهر التاني وبعدين الله أعلم شو راح يصير
(أكيد راح خبركون على أول اجازة )

و الله الحلم الأول الي حاليا اني اتخرج نظامي بدون تكميلي
لانوا بصراحة كل المصاعب رح تواجهني اذا طلعت على التكميلية
يعني بصفي اني ما اتخرج اشرفلي من التخرج على التكميلية
وبصراحة هي اول سنة بحس انوا ما عندي قدرة طالع موادي

الحمد لله احسن شي
و بالنسبة للمشاريع مشروع التخرج هو الأول
و اذا تخرجت ما رح ضيع وقت يا شغل او شي يا اما عسكور

أنو ليه الكلام موجه للشباب حصرا طيب في صبابا يا عمي اكيد نحنا كمان بنحب نشتغل وما نخلص بمجرد التخرج
بتمنى لاقي شغل محترم بعد التخرج اذا تخرجت وأأنا بكامل بقواي العقلية

Safa alaasi,
انشالله بتوصلي هدفك ..
محمد الحسين,
متل العادة الروتين المبهدل
ناطرين اخبارك

Obada Arwany, ما بتقصر هاد اهم من التخرج وحياتك المهم ما تقعد ولا سنة عم تنتظر شي ممكن يجي ممكن لأ متل السفر او غيرو

سحر, مين قال للشباب بس الموضوع بيقلق الشباب اكتر بسبب الشغلات اللي اكلين همها بالاضافة للتخرج والشغل
هههههههههههههه الله يخرج الجميع بخير وسلامة

السلام عليكم بس الواحد يتخرج ويخلص من الجامعة بعدين شو ما اشتغل بعين الله المهم نخلص الله يوفق الجميع ويتخرجوا جميعا يارب

في حال تم التخرج, أول مشروع يعد طرحه هو السفر المؤجل بحجة الدراسة, إذا ما تم السفر فـ بإذن الله سوف يكون للدراسة نصيب منه وإلا فـ العمل وربما الاستقرار

حلمي الشخصي, الاستقرار في العاصمة والإنضمام لورشات عمل اجتماعية تطوعية

بالتأكيد سوف يكون للعمل حصة إلا أنه آخر ما أفكر فيه وقد يكون لدراستي دعم في العمل إنما أفضل ألا أعمل بإختصاصي فقط


خلينا نتخرج والله كريم

بدنا نتعلم الطبخ ...........................هي أشرف مهنة

أكيد السفر لبرا البلد....

وانشالله الكل بيتخرج و بيئعد يفكر شو بدو يساوي... ومبروك علينا التخرج و المستقبل الواعد

وهيدون الوردات سلفاً ... مشان ما ننسى حداااا