أنا برأيي نقوم بتنظيم حملة كبيرة (مئات الطلاب)عن طريق آرتين من طلاب الكلية في يوم و ساعة محددة و التوجه إلى رئيس الجامعة في حمص بخصوص قرار الأتمتة
يا جماعة القرار الذي صدر غير نظامي لأنه صدر بنهاية العام و هناك قرار صدر ببداية العام بالأتمتة
القرار غير نظامي و ملعوب من العميد و جماعتو
بتمنى العميد و رئيس الجامعة يدخلو لسيريانيوز و لآرتين
تفضلوا لسيريانيوز و شاركونا
http://syria-news.com/edu/readnews.php?sy_seq=26985" onclick="window.open(this.href);return false;

حتى لو صار متل ما عم تقول ما حدا رح يورط حالو مع الادارة لانو رقبتنا بايدهم وبالاخر مارح يعملو الا متل ما بدهم وع فكرة ما رح توقع الا براسك

NNN13
يا سيدي انا معك بكل شي حكيتو و مو بس القرار مو نظامي و غير قانوني كمان بس لا تعذب حالك لانو عميدنا مدعوم و واسطتو تقيلة
و مع هيك رح نشارك اذا صارت

تم .....

أنا برأيي لو بدا تشتي كانت غيمت

أنا معك بس أنا بتصور أنو الوقت كتير متأخر وبالأخص لطلاب الرابعة
وأنا شايف أنو راحت علينا هل السنة

لك شو بدو الواحد يحكي ليحكي
انا من اول ماصدر هالقرار وانا عم بركض من قرنة لقرنة ورفعت كتاب لعميد الجامعة ومرفق بالتواقيع ووحتى اني رفعت كتاب لاتحاد الطلبة وعالسيريا نيوز ماقصرت وهي احد النصوص اللي رفعتهن من فترة فيه :

تم صدور قرار عن مجلس كلية الاداب ينص على الغاء اتمتة المواد على ان تبقى مادة اللغويات مؤتمتة في كل سنة ورغم اعتراض الطلاب وبعض الدكاترة على هذا القرار تم تجاهل اصواتهم ومئات التواقيع التي رفعت لعمادة الكلية رافضة هذا القرار وراجية اعادة النظر فيه وان تتم مساواتنا كطلاب في المواد المؤتمتة مع بقية الكليات في محافظتي دمشق وحلب حيث ان اغلب موادهم مؤتمتة وبالتالي معدل ونسب النجاح لديهم اعلى من معدلاتنا وذلك سيؤثر علينا مستقبلا في التقديم لاي مسابقة رسمية داخل الدولة وارجو الا يتم تجاهل مشكلتنا

وهي كمان نص تاني رفعتو بعد بفترة :

الى الان لا يوجد اي تعاون من قبل عمادة الكلية بهذا الخصوص وكافة النداءات من الطلاب لاعادة النظر بهذا القرار لا تلقى اي صدى وكأنما لا وجود لنا ولا اعتبار لرغباتنا
فأين الحرص على مصلحة الطالب والعمل على التنسيق بين جامعات القطر
ام اننا بتنا بزمن تشكل فيه كل كلية جمهورية مستقلة بقراراتها
انتم ملاذنا الاخير قبل ان نفقد ايماننا بشئ اسمه حرص وزراة التعليم العالي على ان تعطي الطالب الحق في ان يكون صوته مسموع
وانا على استعداد ان اتقدم بطلب رسمي للوزراة لالغاء هذا القرار مرفقا بالمئات من التواقيع
اي وانا هيك شايف ونصيحة لطلاب الاولى والتانية اللي بيقدرو ينقلو عالشام لايقصرو

المشكلة الأكبر أنو تم إلغاء أتمتة اللغة أيضا
اللغة 2 رجعت كتابية
اللغة4 كمان رجعت كتابية
مو معقول مصيبة
طيب يلي عم يقول أنو جاهز للحملة حددوا موعد على آرتين
شو هالحكي مين يلي داعمو
العميد بالشهر التاسع أما أن يتم تعيين عميد جديد أو تجديد سنتين لنفس العميد

فكرة الحمله الطلابية كويسة بس بدل ما نروح نحن الافضل انو نرفع معروض موقّع من كامل طلاب الاداب يعني اكبر عدد ممكن نرفعه لرئيس الجامعة مع ختم الهيئة الادارية وهيك من كون عملنا اللي علينا اما بغير هاي الطريقة ما راح نستفيد شي بالعكس ممكن تكون سلبياته علينا اكتر من ايجابياته ف بتمنى من طلاب الاداب وبالاخص طلاب السنة الرابعة انهم ياخدو الامر على محمل الجد ويبدؤوا بجمع اكبر عدد ممكن من تواقيع الطلاب وخلال هاد الاسبوع قبل ما يجزمو الدكاترة بوضع الاسئلة وعسى رب العالمين يوفقكم