السلام عليكم و رحمه الله و بركاته
كتير من الأعضاء بيتذكر فكرة عامر الرشواني بخصوص صندوق مساعدة الطالب الله يجزي الخير ... و هلأ رح نبلش فيه مرة تانية مع بداية العام الدراسي ...
المرة الماضية كان صدى الموضوع بين الأعضاء كتير حلو و الحمد لله بس مع الأسف كان اللي قامو بالتبرع أقل من المتوقع بالنسبة لعدد الردود ما قدرنا نساعد غير 3 طلاب فقط ... ممكن لسبب أو لآخر ما قدرو يتبرعو ... لهيك بهاد الموضوع هدفنا تلافي أي أخطاء كانت سبب لقلة التبرعات المرة الماضية ...
ملخص الفكرة :
أغلبنا و الحمدلله بحال جيدة و منقدر نجيب الكتب و المستلزمات الدراسية اللي بدنا ياها , بس كمان في طلاب ما رح يقولو العكس بالرغم من حالهم المادية الصعبة . هون نحن دورنا إنو نجمع مصاري قد ما كان المبلغ و نساعد قد ما منقدر من الطلاب لأنو بالآخر كلنا أخوة و طلاب كلية وحدة ...
الطريقة :
كل شخص حابب يتبرع و يشاركنا بهالحملة , سواء عضو بالمنتدى أو لأ و بحب يكسب الثواب يحاول من هلأ لبداية الدوام يشيل الزائد من مصروفو قد ما بيقدر و يخبيهم ع جنب بشكل يومي ...
ما عم نحكي بمبالغ كبيرة ... حكينا ( 10 , 25 , 50 , 100 ... الخ ) حسب ما الله بيسرلو ...
و عند بداية الدوام إن شاء الله منحدد موعد و مكان لجمع المبلغ من الكل و بكون صار عندنا من قبل أسماء طلاب محتاجين فعلا ... منشتري بالمبلغ كتب و دفاتر و مستلزمات حسب الحاجة و منوزعها عليهم ...
الغاية و الفائدة :
كلنا منعرف حديث الرسول عليه الصلاة و السلام : " و الله في عون العبد ما دام العبد في عون أخيه " . يعني وقت منساعد أخوتنا الله بساعدنا . و هاد اللي رح نعملو إن شاء الله . هي غير الفرحة اللي رح ترتسم على وجه الي رح نقدملو العون , خصوصا انو رفقاتو عم يساعدو بدون ما يطلب ...
| لذلك الشغلة ما بدها تكاسل ولا تساهل , القصة سهلة و الثواب عظيم بإذن الله ... |
من هلأ :
المجال مفتوح للأعضاء و حتى الزوار بالتبرع و المشاركة بالحملة .. و أي حدا بيعرف أي طالب محتاج يراسلنا على الخاص و يخبرنا باسمه ...
للأعضاء : أي حدا بدو يشارك بالحملة يبعتلي رسالة بالضغط على هاد الرابط و انا بصير بتواصل معو لحتى نعرف أفضل طريقة لتسليم المبلغ بالنسبة الو ...
http://www.art-en.com/forum/ucp.php?i=p ... ompose&u=4" onclick="window.open(this.href);return false;
و للزوار أو الأعضاء الجدد : من خلال ارسال رسالة من صفحة " راسلنا " بالأسفل كمان رح تصلني الرسالة و أتواصل معو من خلال الايميل اللي رح يكتبو و منلاقي أفضل طريقة بتناسبو لتسليم المبلغ ...
http://www.art-en.com/index.php?page=pages&id=11" onclick="window.open(this.href);return false;
و بالآخر اللي بيدفع مبلغ و نيته صادقة أكيد رح ينال ثوابها بمجرد تسليم المبلغ . و نحن متوكلين ع الله و هو نعم الوكيل ...
تسجيل الدخول
التسجيل
MOB
الأسئلة المتكررة
بحث
والله كان ببالي هالفترة 
