خسارة نادي الكرامة هل كانت مفاجئة أو متوقعة ويا هل ترى هل غياب اللاعبين كان له أثركبيرام غياب المدرب محمد قويض صاحب العقلية الباهرة في الملعب ام انقسام الإدارة وفقدان الخبرة عند اللاعبين لها تأثير سلبي في هذه اللعبة ما هي الاسباب في رأيكم

السلام عليكم ورحمة الله وبركاته ....
أول شي الحمد لله على كل حال ... بعدين أخ رامي الفريق فرط الشوط التاني .. وأنا بئلك فريق الكرامة انتهى تماما .. بس طبعا بشكل مؤقت لبين ما يكتسبو اللاعبين الجدد الخبرة ... عندن روح قتالية حلوة وفي مهارات ولكن الخبرة صفر و اللياقة 8 تحت الصفر ...

الله لا يسامح كل واحد كان ورااا إنهيار الكرامة

للاسف كانت متوقعة..
و الكل يتحمل مسؤولية الخسارة...لا نتيجة و لا اداء
ما بنقول غير ان شالله يكون التعويض بالاياب...رغم انو هالمستوى غير مبشر
الله بعين

والله الصراحة الكرامة لعبت بالشوط الأول
والشوط التاني متل ما قلتو فرط عنجد
فريق الكرامة أكثر من رائع بس اللياقة لازم تكون عندهم اكتر
خسروا بسبب فارق اللياقة مع اليابان

Armando,

بتمنى نبقى متل ما كل الناس بتعرفنا ... محترمين و نحترم كل العالم

الجول الاول هفوة من انس... البلحوس مالو علاقة

z-r-11,
كلامك فيو وجه نظر اخي
z-r-11
يعني يمكن برأيي يكون سسب هالكول مشترك بين أنس و بلحوس يلي متقدم شوي زغيرة بدون ما يمسك الطابي (ما بعرف شو بصرلو بالكرات العرضية) ما بعرف هييك انا شفت
بينما الكول التاني فالحق مو ع البلحوس
وشكرا

يعني خساة كانت متوقعة مليون بالمية
واللي تفاءل كونو اوساكا وضعو تعبان بالدوري تبعن والو فترة ماحقق اي انتصار بيكون شوي عم بيمني النفس بشوية اوهام

لك نادي فااااااااارط من اكبر راس فيه وانتو نازلين ومهازل عم تصير مو بالعقل

مثلاااااا
شو رأيكن انو 3 فنادق بحمص رفضو يستضيفو الفريق كونو الن مصاري عالنادي من ايام الادارة القديمة ولهلأ ما تم تسديد هالديون
وبعدين على ما اعتقد اخدون عالشام لينامو هنيك

اللعيبة عقولة اسامة اشتغلو بالتشليف كتيييييير بالاوقات القليلة اللي كانت الطابة بحوزتهن
ضعف كبير على كافة المستويات والصفوف
يخزي العين عن اللي عملو السباعي ليطالع الطيار اللي ماكان الو علاقة بالطيران ابداااااااا لينزل بدالو الملحم بالنص بركي بيربط بين الخطوط شوي وكان التبديل فاشل لانو نزل افشل من الطيار اللي طلع

Armando,
ليش انت متوقع يكون ظالل ابو شاكر كانت هالازمة مرقت ع خير
لك ياعمي ابو شاكر ترك الفريق دون مستوى الصفر
وظل موسمين عم يدير النادي ب11 لاعب وهن اللي كانو اللعبين الاساسية طول ال90 دقيقة تقريبا
وبدل ما كان يعدّ بدلاء شباب ويعطين الثقة والخبرة خلال المبارايات العادية دبحهم دبح ع خط الاحتياط
مبارح شفتو لعب مهند وهو من اللعيبة اللي كان ظالمهن ابو شاكر بقرصتو عالخط

ولما ترك النادي القويض للمشاكل اللي صارت فيه ولما ترك فابيو وجهاد والحموي وبالاخير الشعبو
شو فضل بالفريق لعيبة يكونو قادرين على شيل النادي

وبخصوص الازمة المالية
لكن مو حرام زتو شي12 مليون على ليناردو اللي كان ابو شاكر ينزلو اخر ربع ساعة وبس
ولا بخصوص اللي انتشر عن الكالو انو مستعد يقدم 30 مليون ك هبة للنادي في حال تركت الادراة الحالية وعلى راسن الحربا والسباعي
بس شو مشان انو خبروه اذا بيحط شيك باسم النادي بهالمبلغ الادارة بتستقيل فورا بس الكالو طنش واستمرت المشاكل والضغوطات
لك في كتير شغلات بتوجع الراس بس ما بنعرفها

يعني صارت اخطاء كتييييييييييير ورح يصير

بالخلاصة بتمنى الكرامة يستعيد اسمو الكبير والثقة الغالية
والله يجيرنا من الاتي