## الاعتذار عن متابعة الاشراف على قسم الترجمة ##

Naim Kishi · **اشترك في:** الخميس مارس 08, 2007 1:56 pm

بسم الله الرحمن الرحيم

منذ الأسبوع الاول لاطلاق موقع آرتين جذبني الموقع من حيث الاقسام والمشاركات و الاتجاه التعليمي اللي تبناه الموقع فقررت المشاركة فيه كعضو ومن ثم كمشرف ومراقب عام و مع مرور الايام ازداد عدد الاعضاء و تعددت الاقسام وشملت كافة الجوانب العلمية والجامعية في حياة الطالب حتى اصبح المنتدى بهذا الشكل والتنوع الملحوظ

وكمشرف على قسم الترجمة للغة الانكليزية بذلت قصارى جهدي في التعريف بجمال الترجمة واهميتها كوسيلة لنقل الثقافة والتواصل بين الشعوب و لاظهار جمالها ومتعتها وتعدد اساليبها مستفيدأ من خبرتي المتواضعة بهذا المجال و سعيت أيضاً لان يكون القسم مكانا للتدريب العملي و المناقشة وتبادل الآراء في كافة مفاصل الترجمة النظرية والعملية.

وأن ظهر مني بعض التقصير في الفترة الأخيرة فقد كان بسبب ضغط العمل الشديد والتحضير للمشاريع المستقبلية

ان شاء الله سأسافر غداً إلى بريطانيا - مانشستر لمتابعة الماجستير في الترجمة والترجمة الفورية وهذا سيمنعني من التفرغ الكامل او حتى الكافي بالحد الأدنى لمتابعة الإشراف على هذا القسم ولذلك اجدني مرغما للاعتذار عن متابعة الاشراف بعد اعلام فارس والنقاش المفصل مع المشرفين و اترك المجال هاهنا للمشرف الجديد لمتابعة العمل بهذا القسم واكمال ماتم بناءه

لم يتم يتعين مشرف جديد حتى الآن لدقة القسم ورغبة الإدارة في تعيين مشرف من اهل الاختصاص ولذلك سأتابع الأشراف الجزئي قد الامكان على القسم حتى تعيين المشرف الجديد ان شاء الله.

وان شاء الله ساتابع معكم كمراقب عام او حتى كعضو بعد ان تستقر اموري بعد السفر

كل الشكر لجميع الأعضاء في آرتين
لا تنسونا من الدعاء

اخوكم نعيم

Husam · **مرسل:** الثلاثاء سبتمبر 16, 2008 5:08 am

والله رح نخسرك معنا يا نعيم
بس شو طالع بالإيد...
ما فينا غير نقلك الله يوفقك و انشالله بترجعلنا بأقرب وقت و انت حامل شهادة هالماجستير معك
الله يشهد انك بتستاهل كل خير و استفدنا منك كتير الله يعطيك العافية

لا تطول علينا.. رح نفقدلك كتير

سلااااااااام و موفق

أحمد الدالي · **اشترك في:** الأحد يوليو 15, 2007 2:41 am

والله ما قصرت بنوب والله يعطيك ألف عافية
وتركت بصمة بمندى آرتين ماحدا بينساها
موفق بسفرك
وناطرينك بإذن الله

.husam. · **مرسل:** الثلاثاء سبتمبر 16, 2008 5:24 am

موفق نعيم

z-r-11 · **مرسل:** الثلاثاء سبتمبر 16, 2008 7:45 am

يعطيك العافية اخي و موفق وين ما رحت و كيف ما توجهت
و ان شالله بالسلامة

فارس · **اشترك في:** الخميس مارس 01, 2007 6:22 pm

Naim Kishi,

الله يعطيك الف عافية نعيم .... انت كفيت و وفيت و خليت المنتدى يوقف و ينهض

كل الشكر الك ع تعبك معنا اللي لا يقدر بثمن .... و أتمنالك التوفيق من كل قلبي ببريطانيا .... أكيد أخبارك ما رح تنقطع عنا ان شاء الله و رح تضل تتواصل معنا و هاد المهم

ناطرين وصولك لهنيك بالسلامة و تقرير عن الأوضاع هنيك
و الأهم انو ناطرين حصولك ع شهادة الماجستير ان شاء الله

عاشقة العربية · **اشترك في:** الأحد أغسطس 19, 2007 4:26 pm

متابعتك وشغلك بالمنتدى كان إلو أكبر فائدة لكل الاعضاء وما رح نقدر ننساه .. وأكيد أي كلمة شكر قليلة

بس لا تقطعنا .. بهمنا تبقى ع تواصل مع آرتين

موفق بسفرتك وبدراستك

زمردة · **اشترك في:** الأحد يونيو 03, 2007 2:40 am

تعجز الكلمات عن شكرك على الجهد اللي بذلته بقسم الترجمة و بآرتين ككل ... و إن شاء الله رح نتابع كلنا سوا طريقنا نحو القمم

بارك الله لك جهودك وسدد بالخير والعطاء دربك

عصام · **مرسل:** الثلاثاء سبتمبر 16, 2008 9:53 am

Naim Kishi,
موفق يارب نعيم
ومشكور ع كل جهد بذلتو بارتين كبير او صغير
وانشالله اللي رح يستلم من بعدك تكون عندو نظرتك واهتمامك

واكيد رح تبقى معنا ع اتصال

لجين · **اشترك في:** الجمعة مارس 02, 2007 12:32 am

مستحيل ننسى يلي عملتو وكل جهودك وشغلك بالمنتدى أبدا...
ناطرين توصل بالسلامة ومتل ماقال فارس تهدى أوضاعك لتقرر
بتمنالك كل التوفيق يارب

LATEST_POSTS

قوانين المنتدى

## الاعتذار عن متابعة الاشراف على قسم الترجمة ##

الموجودون الآن