السلام عليكم ورحمة الله وبركاته :


تعتبر مادة النحو من المواد الصعبة في دراستها ولا أبالغ اذا قلت انها أصبحت مستحيلة النجاح عند عدد من الطلبة الكرام وعندما نسأل بعض الطلاب عن هذه المادة نجد وجوههم قد تكشرت وبدؤوا بشتم دكاترة هذه المادة

مارأيكم أن نغوص في بحر هذه المشكلة ونرى أين تكمن هذه المشكلة ؟؟ هل تكمن في الطلاب أم في دكاترة هذه المادة أو في المادة نفسها ؟؟؟؟؟؟؟؟؟؟


لذا مارأيكم أن نبحث في هذه المشكلة ونرى حدودها وذلك من خلال لقاء نجريه مع الدكتور المعني الأول لهذا الصراع وهو الدكتور عصام كوسا


أنا من ناحيتي أؤيد هذه الفكرة بشدة حتى ترى بعض الطلبة كيف تصلح حالها مع هذه المادة


وأنا شخصياً سأتحدث مع الدكتور بخصوص هذا الموضوع كي نفهم منه ماسبب ردة فعل الطلاب أو بالأحرى هذه العدائية لهذه المادة ........


تقبلوا مني فائق الاحترام ولكم جزيل الشكر


منتظرة ردودكم اللطيفة شاكرة تعاونكم معنا لتحقيق المحبة بين الطالب والنحو والدكتور


وشكررررررررررررررررررررررراً

بودي,
على الرغم من أنني عانيت من النحوات
لكنني أرى أن الدكتور عصام معه حق في ترسيبه لعد كبير من الطلاب
تصحيحه دقيق جدا.
كيف يتخرج طالب لغة عربية من الجامعة ويصبح مدرسا وهو لايعرف
المبتدأ من الخبر وصدقيني هذا ما أرايته في الجامعة

بودي,
أحسنت عزيزتي فكرة المقابلة مع الدكتور عصام أعجبتني
وليتنا نستطيع أن نقنعة بأن يضع لنا دروسا في النحو هنا
شكرا لك

بودي,
جزاك الله خيرا ولكن اود ان اتقدم لك بدرجة احدى الطالبات اللواتي قدمن المادة عند الدكتور عصام الكوسى ....فكانت درجة امتحان الفصل الاول من السنة الاولى 75من اصل100 اما درجة امتحان الفصل الثاني فكانت 75نظري+20حلقة بحث=95درجة من اصل 100
فيا زميلتي الكريمة والله المشكلة ليست من الدكتور ولا من المادة فالمشكلة تكمن فينا نحن الطلاب
رح اعطيكي مثال اخر وهو انا انا صرت بالسنة الثانية وعلى ابواب الثالثة ان شاء الله تعالى والنحوا لسا ماطلع معي ليش شو السبب لانوا ما الي نفس بدراسة المادة ........وهلم جر على هالحالة لحتى صارت النحوات عقدة بمسيرتي الدراسية
اذا السبب هو اهمال الطلاب ........
عذرا على الاطالة ..

هلأ بهالمناقشة انطرحت فكرتين :
1. مشكلة مادة النحو كمادة صعب النجاح فيا
2. مقابلة مع الدكتور عصام وهو دكتور قدير عنا بالجامعة ومطّلع تماما على موضوع النحو مع الطلاب

منجي لأول فكرة ..
مادة النحو كمادة ممكن تكون صعبة بس ما مستحيلة .. وبدا تدريب وممارسة
وبصراحة ومن تجربة شخصية بكل مادة نحو لهلأ متل ما بحسب بجيب يعني إذا بدو ينحط الحق ع الدكتور فأكيد هالشي خطأ
هلأ إذا بتحبو نتناقش بمادة النحو كمادة دراسية وأسئلة الامتحان وطريقة دراستا حسب المنهاج فأكيد بتقدرو تطرحو هالشي بساحة طلاب العربي ..
حابين نتقوى بالمادة فصار في ساحة خصوصي (النحو والصرف والإملاء) فينا نطرح فيا أي سؤال .. وبالأساس في هيك مواضيع عم نشتغل فيا بشكل عملي بس للأسف ما عم نلاقي مشاركات بقدر الشغل وأهمية الموضوع
طبعا مع وجود أفكار جديدة بدنا نزيد فيا قدرتنا النحوية كمواضيع الإعراب وغيرو

هلأ الفكرة التانية واللي هي المقابلة ..
فأكيد ما عنا مانع أبدا .. وكنا حاطين هالفكرة ببالنا
بس طبعا لازم تكون المقابلة ما بس على ليش الطلاب ما عم يفهمو وليش ما عم ينجحو
لازم تكون بقيمة المقابلات الماضية منحكي مع الدكتور ومنستفيد من خبراتو وعلمو ومسيرتو العلمية والدراسية بالإضافة لأسئلتنا عن مادة النحو وطريقة تدريسا
ومنقدر نتفق ع الأسئلة بموضوع منطرحو بقسم المقابلات لحتى نحط اسئلتنا للدكتور .. طبعا بعد موافقتو

هاد كل شي بحب أحكي عنو بخصوص هالموضوع .. أي نقاش فأكيد ما عندي مانع وبهمنا نسمع آراءكن

بالتوفيق جميعا

السلام عليكم ورحمة الله وبركاته:

سنا ، فافي ، محمد الصالح ، هدى

مشكورين لردودكم

بس حبيت قول لعزيزي محمد الصالح انو أنا بعرف وانت بتعرف وكلنا منعرف انو 70 ./. اللوم على الطالب نفسه لكن لللأسف طلبتنا لا تعترف بهذه النقطة فالعيب اللي فيهم أي عدم مقدرتهم لفهم هذه المادة هذا شيء خاص فيهم يرمونه أما على دكتور المادة أو على المادة بعينها لذلك غايتنا من هذه المناقشة أن نوسع عقول طلابنا الأعزاء لتقبل هذه الفكرة وطبعاً هذا الكلام للطالب الذي يجد صعوبة في فهم هذه المادة

لذلك يهمنا أن نستفيد من دكتورنا العزيز عصام كوسا من هذه المقابلة ان يعطي الطلاب طرقاً واضحة وسهلة للولوج في النحو وطبعا هيك منتعرف عليه أكثر باعتباره الدكتور الأقدر والأفهم لهذه المادة على الاطلاق

باسمي وباسم جميع طلاب أرتين نتوجه بفائق التقدير والاحترام للدكتور عصام