مسااا(صباح) الخير لكل الاعضاء....

الفصل التاني قرّب يخلص و تجي العطلة الصيفية و أغلبنا رح يقعد بالبيت (أنا ما عم قول الكل ايواااا) بالأضافة لهيك أنو كتير من الطلاب بالمدراس الاعدادية و الثانوية كمان رح يبقو لا شغلة و لا عملة بهالصيف...
فكرتي هي: أنو نطوع نحن و نعمل دورات تعليمية باللغة الإنكليزية للطلاب هدول (الأعدادي أو الثانوي) وفق منهاج منتفق علي و منشتغل على اساسو.. اما المكان هوي المدارس بعد ما نكون اخدنا الأذن من المدراء.. منعمل عليها شوية أعلانات بالمدراس و مندرسهم بالصيف, شغلة شهر أو شهر و نص, هيك منكون فدنا الطلاب شوي و قوينالهم لغتهم, تانياً بكون ملينالن وقت بشي مفيد, و وقتنا كمان, هي من عدا الفائدة يلي رح نحصل عليها نحن في التدريب ووووو مممم ما بعرف..
هي انا عطيتكم الفكرة....
و أنتو عدلوها و صقلوها متل العادة....
بتعرفو تذكرت شغلة... بقول الدكتور طارق سويدان أنو الفكرة لحتى تتم لازم يكون في أربع انواع من الناس عم يشتغلو عليها:
صاحب الفكرة.. يعني أنا
المعدل: الشخص الذي يعدل الفكرة لتصبح قابلة للتطبيق على ارض الواقع
المخطط: الشخص الذي يضع البدائل و يخطط للفكرة
المنفذ
بتعرف يا ابو الفوارس لو بتفتحلنا قسم مشاريع آرتين... بصير شغغغغغلة

وفي شغلة خامسة نسيا الدكتور السويدان
المعرقل : وهو الشخص الذي ينظر لعيوب الخطة ويبرز معوقاتها ويحبط ال مشاركين بها

المشجع : وهو الشخص الذي بيتفرج من بعيد وبسقف

أنا رح كون واحد منن لأنو البقية ما بعرف طبقن

عنجد باسل أفكارك روعة وبحييك.....بس كأنك متفائل كتير وبتتوقع التعاون من كل الناس
يعني معقول المدراء يوافقو؟
طيب.........أنت ناوي تشتغل ببلاش لما بمصاري؟
لنفرض ببلاش لأنو هادا المنطق..وما بظن طلاب الاعدادي والثانوي يسجلو عندك ويدفعولك وانت مبتدىء
بقا المدير ليش ليكلف حالو ويجي بأيام عطلتو
ومنين بدو يجبلك مستخدم يرضى يشتغل ببلاش وبأيام عطلتو
هادا وما بظن يوفرلك قلام أو طباشير لأنو إذا ما أخد مصاري من الطلاب ما رح يصرف من جيبتو عالمشروع
والطلاب طبعاً ما رح يدفعو..ولو بدن يدفعو بسجلو بدورات نظامية وعند أساتذة مخضرمين
وما حدا رح يفهم فكرتنا ويستوعب رغبتنا بالمساعدة

وأنا بس لو عندي ثقة بآراء الناس ونظرتن لأعتبرت فكرتك الرائعة هي هي أكتر شي بيستحق التطبيق

عالعموم ناقشوني بعقلية المدير....وأنا مستعدة افهم

Basil, والله يا باسل فكرة رائعة عنجد وأنا موافق كليا

بس كمان أختنا الملاك, معها حق بوجهة نظرها
انشالله هالفكرة تتطور

كالعادة مشاريع طموحية بشكل كبير
حلوة كتير اذا بتزبط بس يا ترى عن أنو مدارس عمتحكي بحبو لا حمص ولا.....

أكيد عن مدارس الشام...
و الله أنا من وجهة نظري إنه الفكرة أكتر من رائعة
أولا مشان المصاري, أكيد رح يكون الشغل ببلاش و ممكن يصير بالمعاهد كمان إذا حدا بيعرف صاحب معهد ممكن إنه نعمل هيك و بتصير دعاية للمعهد
تانيا , بالنسبة لشغلة مبتدأ, انا ما بظن إنه أي حدا فينا رح يعمل هالشي إذا مو متأكد من معلوماته, و لذلك بظن القصة شخصية هيك بتصفى.
ثالثا, بالنسبة للطبشور و غيره, بظن المتطوع للفكرة ما عنده مشكلة يحط 10 ليرات حق علبة طباشير خلال هالشهر و نص , يا سيدي و تكون علبتين, ما دام رح تعطيك هالفائدة و الخبرة بالتدريس لأنه متل ما بظن إنه رح تشتغلوا غير أساتذة بعد الجامعة مو هيك!!!!!!!!!!!!!!!
أنا هاد رأيي
أما بالنسبة لقسم مشاريع أرتين فأنا من المشجعات أكيييييييييييييد

خيو متل ما قلت انت
صعبة بس ممكن تتحقق
بس يعني برايي للي ما عندن شي بالصيف هيي دوا ...
موفقين ..
شكرا باسل افكارك حلوة ..

اي والله يا باسل فكرة أكتر من رائعة بس هيك أفكار بتوقع صعب تتطبق هون

لانو العقليات هون والحمد لله شي رفع ...يعني أكيد ما في ولا مدير بيدعما

لانو ما حدا بيفكر أبعد من أنفو ...عكل حال الفكرة رائعة ونشا الله تزبط معنا

وحتى لو لاسمح الله وما ظبطت فحيكون الك شرف المبادرة و الاقتراح الله

يكتبا بميزان حسناتك

شكراً لتفاعلكم شباب..

الملاك بحييكي على هالواقعية.. طب ليش لحتى ما يوافقو؟؟؟ خزامى, متل ما قلت خزامى
الملاك أنا المبتدئ؟؟؟؟
خزامى, الله حيو خزامى ليش المدير هوي يلي رح يفتح باب المدرسة؟؟ مو في آذن؟؟ و هادا الآذن (ما بعرف شو بتسمو عندكم عامل؟ المهم تكون فهمتو) بكون ساكن بالمدرسة غالباً.. ما رح ينبرى أذا فتح الباب و سكروا كل يوم ممكن
نوارة, صح صح... من تمك لباب السما و انت كمان ان شاء الله.. عأية حال عم استنى تعليقات تانية كمان.. و اهما شي فارس.. بس خلينا نشتغل بجدية بحب بسبيل الله و كل شي بصير بأذن الله
شكراً شباب مرة تانية

مستحيل تزبط لانوأغلبية الطلاب مابيصدقو انا تجي العطلة ويخلصو من المدرسة

أكيد نحنا ما بدنا هدول الطلاب!!!!!!!!!!
بكفينا الأقلية