آرتين لتعليم اللغات :: سؤال بخصوص التسجيل لو سمحتو

آرتين لتعليم اللغات https://www.forum.art-en.com/

سؤال بخصوص التسجيل لو سمحتو https://www.forum.art-en.com/viewtopic.php?t=25014	صفحة 1 من 1

الكاتب:	ايمن1 [ الخميس يوليو 28, 2011 2:19 pm ]
عنوان المشاركة:	سؤال بخصوص التسجيل لو سمحتو
السلام عليكم اخواتي بدي اعرف شو الاوراق المطلوبة منشان التسجيل بالدورة التالتة ولكم جزيل الشكر

الكاتب:	noOody [ الخميس يوليو 28, 2011 3:56 pm ]
عنوان المشاركة:	سؤال بخصوص التسجيل لو سمحتو
لا والله امنى اعرف يا رب حد يفيدك

الكاتب:	my angel [ الخميس يوليو 28, 2011 7:26 pm ]
عنوان المشاركة:	سؤال بخصوص التسجيل لو سمحتو
مرحبا مشان الله يا جماعة جواب أكيد و موثوق بدي مشان التسجيل بالدورة الصيفية و بسرعة ما طل وقت و أنا من محافظة بعيدة كتير رجاءا بسرعة و جواب مزبوط أنا مستجدة بالسنة التانية و معي أكتر من 8مواد

الكاتب:	يارا العلي [ الجمعة يوليو 29, 2011 3:40 am ]
عنوان المشاركة:	سؤال بخصوص التسجيل لو سمحتو
ايمن1, my angel, يا أعزائي بما إنو حضرتكن طلاب نظاميين ومو مستنفذين فما مطلوب منكن شي وبظن المشرف مارد عن هالسؤال لأنو ملّ وصار تكرار كتيييييييير وحكي وانحكا كتير بهالموضوع والكل صار يعرف إنو التسجيل فقط للطلاب المستنفذين وهالكلام طبعا مو من عندي وإنما ارجعوا للقرار بخصوص الدورة الصيفية وانشالله بالتوفيق يارب.. والسؤال اللي بيطرح نفسو هلئ إنو حاطين اعلان بالكلية ينتهي موعد التسجيل للمستنفذين يوم الخميس 28-7 يعني مبارح ولسا لهلئ ماطلعوا نتائج كل المواد فشو هالمنطق هاد؟؟ وأكيد رح يتمدد موعد التسجيل لأنو هيك المنطق بقول عنجد هالكلية صاير فيها تسيّب كتير ومبارح لمست هالشي لما نزلت طالع إشعار بالتخرج مافي موظفين ...ولما بتلاقي موظف بمكتبو بكون عم يحكي تلفون والطلاب ناطرين ولما بتجي لتحكيه أو تسألو عن شي مابيتحكا لك آه الحمدلله إني تخرجت وخلصت.. موفقين يارب..

الكاتب:	Golden RoSe [ الجمعة يوليو 29, 2011 4:01 am ]
عنوان المشاركة:	سؤال بخصوص التسجيل لو سمحتو
نصيحة عدلو عنوان الموضوع وحطوه التسجيل فقط للمستنفذين أما النظامي مامطلوب منكم شي, وهيك الكل بيشوف العنوان وبيبطل يسأل, لأن كمان اكيد ما الكل بيفتحو المواضيع خاصة العنوان ما بيدل ع المحتوى

الكاتب:	ايمن1 [ الأحد يوليو 31, 2011 11:06 am ]
عنوان المشاركة:	سؤال بخصوص التسجيل لو سمحتو
شكرا يارا انا عمادرس حقوق بالشام وما بعرف وعمأسأل منشان اختي لانو مسافرة برا المحافظة

الكاتب:	عصام [ الأحد يوليو 31, 2011 7:48 pm ]
عنوان المشاركة:	سؤال بخصوص التسجيل لو سمحتو
اقتباس: والسؤال اللي بيطرح نفسو هلئ إنو حاطين اعلان بالكلية ينتهي موعد التسجيل للمستنفذين يوم الخميس 28-7 يعني مبارح ولسا لهلئ ماطلعوا نتائج كل المواد فشو هالمنطق هاد؟؟ وشو دخل المستنفذين بالمواد اللي لسا ماصدرت نتايجن مستنفذ يعني كان قاعد بالبيت مامقدم شي وبيعرف شو عندو مواد

صفحة 1 من 1	جميع الأوقات تستخدم التوقيت العالمي+03:00
Powered by phpBB® Forum Software © phpBB Group http://www.phpbb.com/