آرتين لتعليم اللغات :: الشكوى لغير الله مذلة ؟ طيب لمين منشكي ؟

آرتين لتعليم اللغات https://www.forum.art-en.com/

الشكوى لغير الله مذلة ؟ طيب لمين منشكي ؟ https://www.forum.art-en.com/viewtopic.php?t=24876	صفحة 1 من 2

الكاتب:	alialiali2011 [ الخميس يوليو 14, 2011 12:18 pm ]
عنوان المشاركة:	الشكوى لغير الله مذلة ؟ طيب لمين منشكي ؟
الشكوى لغير الله مذلة ؟ طيب لمين منشكي ؟[/b]مادة النثر 1800 صرت مقدما خمسمية الف مرة وهاي الفصل أبدعت بكل معنة الكلمة وماني ناطر حدا يتساهل معي بالتصليح ولا حتى بنص علامة جاي فرحان اليوم وبدي شوف كيف اول مادة بتاريخ جامعتي العظيم رح جيب اعلى معدل ولأول مرة , بتفاجأ عاطيني 35 رح نتخرج من الجامعة ولسا هالعلامات الزفت ( هنن متحسنين عن عشرات وخمستاعشات ) بس والله مو حكي يا جماااااااعة والله ظلم والله .. يللي عم يطلعو معن المواد رجاء خبروني شو السر ؟؟ كيف عم ينجحو معكن ؟؟ لا تقولولي عم نحضر وندرس انا ما بقا اقتنع بهالحكي .. بس مشان الله قولولوووووووولي ليششششششش هيك ليييش ولمين بدي اعتررررررض ؟؟؟؟

الكاتب:	nouar86 [ الخميس يوليو 14, 2011 12:46 pm ]
عنوان المشاركة:	الشكوى لغير الله مذلة ؟ طيب لمين منشكي ؟
و الله ما فيني قلك غير بدها طولة بال يا alialiali2011

الكاتب:	فارس [ الخميس يوليو 14, 2011 1:50 pm ]
عنوان المشاركة:	الشكوى لغير الله مذلة ؟ طيب لمين منشكي ؟
alialiali2011, الشكوى لله و بس لقلك شغلة . أنا هالمادة بالذات أكلت مني وقت كتير و سببتلي كتير متاعب . قدمتها 4 مرات و الأربع مرات تقريبا جبت فيهم 35 . المرة الخامسة لحتى جبت 50 و خلصت منها . و باختصار , مستواي بالمكتابة و اللغة نفسو و مابظن اني بمرة كتبت احسن من مرة . بس بالنسبة الك , ازا عندك بال للدراسة , مافيني قلك غير الله يقويك اول شي , و تاني شي حاول تحفظ كم شاهد تستخدمهم بموضوعك , و تحفظ التعاليق منيح . اما مستوى اللغة و الانشاء عندك فهاد ما بيتحسن بدراسة اسبوع ولا تنين , هاد بيتحسن ع الزمن , الا ازا ركزت عليه بطريقة ما . في شغلة قد تفيد , انو بعد ما تطلع من الفحص راجع منيح مع كل رفقاتك شو كتبت و شو الصح , بالرغم من انك قد تتفاجأ انو في كتير شغلات خطأ عندك , بس أحسن ما تتفاجأ هلأ وقت بتطلع النتيجة غير متوقعة ! تمنياتي الك بالتوفيق من كل قلبي .

الكاتب:	syrian_gentle22 [ الخميس يوليو 14, 2011 3:17 pm ]
عنوان المشاركة:	الشكوى لغير الله مذلة ؟ طيب لمين منشكي ؟
الى الزميل المحترم الحل الوحيد انه تدخل علة النت وتدور على مواضيع مشابهه لمواضيع يلى عم يعطيها الدكتور وابصمهم بصم يعنى هيك الطلاب عم تعمل وعم تنجح يعنى فيك تلخص شى خمس مواضيع لافكار محدده ويا اخى عن جد بدك نصيحه ما تتئدر بتمن انه احفظ مواصفات الشخصيات من النت فى كتييييييييييير مواقع بزلك انتى رح تكون متاكد من الشى يلى كاتبه بس بدك تتعب شوى انه تلخص افكارك وتعرف وين تحطها بالنص يعنى السوال المطروح لزلك انتى حاول يا زميلنا اطلب من الشبا المراسلين يلى هون بيعرفوا اسماء مواقع على النت اطلب منهم اسماء مواقع واسماء المواضيع يلى بدوا ياها الدكتور اكيد الزوملا هون كتيير خدومين وبيحبو فعل الخير لزلك اول شو اطلب من الشباب يلى بيعرف اسماء مواقع الكترونيه بيحطها هون وانتى بدورك حط اسماء اهم المواضيع المطلوبه منك...... ونحنا انشاله رح نعمل مثال الك يعنى رح نلخص اى موضوع هون الك وبعدين انتى حضرتك تاخده على الدكتور وتخبرنا شو رايه وانا واثق اكيد انه رح يمشى الحااااااااال لزللك ئبل الفحص حاول اشتغب على هداالموضوع وجه نداء للطلاب ازا بيعرفوا اسماء ملخصات الكترونيه ومباشره انتى حطنا اسماء المقررات عندك وتاكد انشاله انتى رح تطالع الماده واكيد هالشى رح بيفيد كتيييييييييييير طلاب بالتوفيئ يارب لكل الطلاب

الكاتب:	الوردة الجورية [ الخميس يوليو 14, 2011 4:11 pm ]
عنوان المشاركة:	الشكوى لغير الله مذلة ؟ طيب لمين منشكي ؟
السلام عليكم : ألف مبرووووو ك للناجحين و للمتخرجيين وللي ما وافقن حظ متللييييي إنشاء الله منعوض بالتكميلية يمكن ما حدا أدددم نتقد س3 أدي وعلاماتي ب 44 48 45 40 ....وهكذاا أما الطرائق فأقل بشوي بعدد المررات بس هالمرة حتى ....... بالعلااامات ويا للعجب رفقاتي يلللي بيطلبو مني ساعدن قبل الفحص بشي يوم ومانن (دارسيين منيح) بينجحوووو وبيدعوللي وأنا لأ لأ لأ بس ما إلنا غير الله نشكيلوووو و ندعيلووووو اااااه زكرتني يا أخ (علي ) بحالي بالشعر الفكتوري كنت واثقة من نفسي كتييير لذالك قرت روووح ولأول مرة بالتاااريخ جيب العلامة بنفسي لإنو أكيد ب 80 بس الحلو إنووو مارحت لحالي رحت أنا واسرتي الجديدة (ابنتي و ابني الصغيييرين وأبو العيال طبعا) ومتفائلة جدااا وعم نتباحث بنوع التحلية إطلبووو وإتمنوو فت بلشت دور وإذ رفيقتي 75 ألت الحمد الله وزاد التفاؤل عندي أخيراااا وبعد جهد لإيتووووو لإسمي بس كانت الصاااااااااعقة ( 46 )وجائتني حالة بس زوجي الغالي طيب خاطري وأهم شي اشترالي تحلاية بشكرو لإنو دائما بخلي عندي أمل وتفاؤل لذالك ( بنصح أخذ المرافقة معكم ) وشكرا وبالنهاية.. يللي بيريدو الله عز وجل بصيير... وعسى أن تكرهوا شيئ وهو خير لكم .....وبالتوفييق للجميييع نلقاكم بحلقة ( الترجمة 6) دمتم في رعاية الله

الكاتب:	manoo [ الجمعة يوليو 15, 2011 1:42 am ]
عنوان المشاركة:	الشكوى لغير الله مذلة ؟ طيب لمين منشكي ؟
alialiali2011, صديقي لكل شخص مادة ممكن تعلئ عليه وانا اول مادة علقت عليي كانت النثر تبع السنة الاولى وبالمرة السادسة طلعت مع العلم انو اكتر من دورة قدمت كتير منيح وحاليا في تاريخ الادب يلي بالتكميلية رح قدمها للمرة السابعة بس الفكرة اخي انو مافيك تعمل شي غير تعمل يلي عليك هو انك تدرس متل ما بتدرس بالعادة وتقول يا رب وانك تشتكي او تعترض مو نصيحة ابدا حاول تتوسع بالتعليق واشرح عن صفات الشخصية يلي حكت النص واذا موضوع حاول تشمل كلشي معلومات عن الفكرة المطلوبة بالبداية وبعدين توسع بالشرح عن الرواية كلها انا النثر 1800 للصراحة وقت كانت عندي ما كنت ناوية قدمها بس لانو ما بقدر احذف مواد قررت اني اقراها بس قراءة وللصدف ما اجا غير مقاطع نعلئ عليها وطلعت 63 ومن يومها عرفت انو عنا الفحص حظوظ بئا انشالله الرب بكون جنبك بالتكميلية وبتطلع كل موادك

الكاتب:	العربية [ الجمعة يوليو 15, 2011 2:49 am ]
عنوان المشاركة:	الشكوى لغير الله مذلة ؟ طيب لمين منشكي ؟
alialiali2011, سلم أمرك لله وتفائل بالخير تجده الله يعينك ويكون معك مالك غير تعيدا وبالأخير إن شاء الله رح تتخرج بدا صبر وطولة بال... موفق.

الكاتب:	alialiali2011 [ الجمعة يوليو 15, 2011 3:14 pm ]
عنوان المشاركة:	الشكوى لغير الله مذلة ؟ طيب لمين منشكي ؟
والله يا جماعة ما بعرف شو قلكن .. كلكن معكن حق وقرأت كل الردود وكلامكم سليم مية بالمية .. وانا عندي علم مسبق انو الاغلبية بيصير معاها نفس الشي . بس انا يللي مجنني بالذات انو هادي الدورة تحديدا كانت عن رواية وحدة وبلا مواضيع ابدا .. وكتبت كل التعاليق بكل دقة وما نقصت فكرة وحدة تحرم .. وكانت الاسألة والتعاليق بمنتهى السخافة حتى .. وطلعت النتيجة كمان سخيفة .. لأنو تاري التصليح اسخف واسخف بس انا حبيت اسألكن واسأل يللي عم تطلع معاهن هالمواد انو اذا في شي سر هون ولا هون وماني دريان فيه .. لأنو اذا انا لسا ما جنيت .. اهلي جنو قبلي ومبلشين فيني عالطالع والنازل .. كيف هالعالم عم تنجح .. وروح شوف دكاترتك .. وشوف ظبط وضعك متلك متل غيرك وحاج ضياع بهالسنين .. لك اااااااااااخ اما موضوع ماني عم ادرس اوماني عم اعرف شو عم اكتب او عم كون عم اغلط وماني عرفان .. فهادا من المستحيلات عندي وبكل ثقة بحكيها ومستعد لأي مواجهة لأي مادة قدمتا مع أي دكتورا اذا بيلاقي عندي اي اسلوي ركيك او اخطاء قاتلة او حتى اخطاء املائية او عدم استيفاء الافكار او الخروج عن الموضوع ..... والله يا جماعة رح جنننننننننن ... بس متل ما قلتو مالي الا الصبر وانو ارجع قدما متلا متل غيرا ومتل كل مرة .. حاسس حالي عم اسحب ورقة يانصيب ,كل ما تطلع النتائج بروح لشوف اذا ورقتي ربحت او لاء موفقين الكل ... وألف ألف ألف تحية ومشكورين جدا جدا جدا ويسلمو علا المشاركة والتعزية والمواساة ههه ...نسأل الله ألا يفجعكم بمادة

الكاتب:	alialiali2011 [ الجمعة يوليو 15, 2011 9:49 pm ]
عنوان المشاركة:	الشكوى لغير الله مذلة ؟ طيب لمين منشكي ؟
Aswad, عم فكر انسخ ردودكن واطبعها واعطيها لأهلي ليصدقو عالاقل شو بصير مع غيري لأنو حالتي النفسية من رسوب موادي بكفة .. وحالتي النفسية من اهلي بكفة تانية على كل انا انبسطت انو بيعلقو معاكن كماني .. مو شماتة معاذ الله .. بس العقوبة الجماعية بتضل احلى من العقوبة الفردية موفقين الجميع ومشكورين من قلب ورب

الكاتب:	سليمان عمر [ الجمعة يوليو 15, 2011 10:45 pm ]
عنوان المشاركة:	الشكوى لغير الله مذلة ؟ طيب لمين منشكي ؟
هلأ مادة النثر اذا كانت باللغة العربية وكنت أنا لاسمح الله دكتور المادة كنت رح رسّبك فيها وما رح تنجح لعدة أسباب: -شومنشان صرت مقدما خمسمية الف مرة وهاي الفصل ,الصح أن نقول هاد الفصل -شو منشان أبدعت بكل معنة الكلمة , الصح أن نقول بكل معنى الكلمة -شومنشان جاي فرحان , الصح أن نقول جاية فرحان -شو منشان وكتبت كل التعاليق , الصح كتبت كل التعليقات -شو منشان وكانت الاسألة والتعاليق , الصح كانت الأسئلة والتعليقات -شو منشان انو عم أمزح وحبيت طالعك من جو المادة شوية أنا من كلية الحقوق ما بقدر أفيدك بشي عن المادة وكمان لاتشكيلي ببكيلك تقبل مروري أخي الكريم وبالتوفيق يارب

صفحة 1 من 2	جميع الأوقات تستخدم التوقيت العالمي+03:00
Powered by phpBB® Forum Software © phpBB Group http://www.phpbb.com/