ريجيم ونحافة طبيعية

سليمان عمر · **مرسل:** السبت يوليو 02, 2011 10:57 pm

الأخت رحاب حكت بموضوع سابق عن الجمال الداخلي
أنا رح احكي عن الجمال الخارجي,أكيد البنات لما بيشوفو حالهن زاد وزنهن ولو شوية غرامات بسيطة بيصيروا بيستعملو أدوية منحفة ومو حاسبين حساب العواقب من ورا هيك أدوية وأعراضها الجانبية
أنا رح أعطيكن وصفات طبية طبيعية للريجيم والنحافة وأثارها الجانبية هي انو مفيدة بكل الاحوال

الليمون
ينقع قليل من الكمون في الماء المغلي ويقطع الليمون حلقات ويترك طوال الليل ويشرب مائه في الصباح قبل الإفطار .

الحلفا بر
تنقع أوراق وأزهار الحلفا بر في الماء وتشرب كوب واحد ثلاث مرات يوميا

الهندباء ( التلفاف البري )
تعصر أوراق وأزهار النبات وجذوره وتغلي في لتر من الماء لمدة 10 دقائق وتصفى ثم تشرب لحرق الدهون يمكن شرب كوب ماء ثلاث مرات يوميا لمدة ثلاثة أسابيع.

اكليل الجبل
يستخدم مستحلب إكليل الجبل غير المحلى في الصباح قبل الإفطار وقبل الغذاء لمدة شهر .

الكرز
تناول نصف كوب من عصير فاكهة الكرز يوميا قبل الإفطار وقبل تناول وجبة الغذاء مع المحافظة على وجبات غذائية متزنة ينقص الوزن.

حبة البركة ( الحبة السوداء )
تناول حبة البركة تفيد في حرق الدهون المتراكمة في الجسم .

بالاضافة لهي الوصفات في المتة اللي ثبت علميا انو منحفة ومفيدةللريجيم

لاتنسونا من الدعاء

سليمان عمر · **مرسل:** السبت يوليو 02, 2011 11:02 pm

كانو الموضوع نزل مرتين بالمنتدى؟؟؟؟؟؟؟؟؟؟؟؟؟؟؟؟

ياترى شو السبب؟

يارا العلي · **مرسل:** السبت يوليو 02, 2011 11:35 pm

سليمان231, كتتتتتتتتتتير حلو إنو هيك موضوع ينزلو شب مو بنت
بالعادة هيك مواضيع من اهتمام الصبايـــــــا
بس مافهمت شو هي:(الحالفا بر)؟؟؟؟

الموضوع مفييد جدا ..شكرا كتييييييير لإلك
وبالتوفيق لكل اللي عم يعانوا من زيادة الوزن..
بس كمان بعتقد هي الأعشاب بيستفيدوا منها اللي حابين يحافظوا عوزنهن
ويبقوا رشيقين..

rehab · **مرسل:** الأحد يوليو 03, 2011 1:05 am

كتير حلو الموضوع سليمان
ومتل ما قالت يارا خصوصاً من شب
على كل الوصفات كتير حلوة
ورشاقة الصبايا كتير ضرورية لأن الوزن الزائد
منغص للشكل الخارجي وللصحة أيضاً

يعطيك العافية سليمان 

سليمان عمر · **مرسل:** الأحد يوليو 03, 2011 2:34 pm

شكرا يارا ورحاب على مروركن الحلو
الحلفا موجود بمحلات العطارة والاعشاب وهو نوع من الاعشاب
انتظروا جديدنا دائما

فطوم · **مرسل:** الثلاثاء يوليو 05, 2011 12:04 am

بالغعل موضوع حلو شكرا كتير الك اخي
و باعتبار انو نص الشغلات ما عرفت شو هية ف طالعت صور ليستفيدو الأعضاء

التلفاف البري

اكليل الجبل

للأسف حاولت حمل الحلفا بر ما تحملت معي
قريبا انشالله بنزلكن ياها

الملاك · **مرسل:** الثلاثاء يوليو 05, 2011 1:54 am

حبيت كلمة طبيعية بهالموضوع

وفعلاً لقيت متل ما توقعت.... والموضوع بيحمل المعنى الحرفي لكلمة ريجيم باللغة الإنجليزية... واللي هو النظام

النظام الغذائي

وليس بالمعنى العربي المستخدم واللي هو حمية

والاستمرار عهيك نظام بيضمن تخفيف الوزن بالفعل، لأني بعرف شرب الماء الدافئ فقط عالريق صباحاً وبشكل يومي بنحف فما بالكن بإضافة مواد طبيعية وحارقة للدهون والسعرات مع الحفاظ عالمواد المفيدة مخزونة بالجسم

شكراً جزيلاً سليمان عالموضوع

سليمان عمر · **مرسل:** الثلاثاء يوليو 05, 2011 11:13 am

شكرا كتير للأخت فطوم ع الاضافة الحلوة
وشكرا يارا +رحاب+فطوم+ملاك شكرا ع المرور الحلو والمشاركة الأحلى

العربية · **مرسل:** الثلاثاء يوليو 05, 2011 3:36 pm

سليمان231,
كتير حلوة هالمعلومات
وأنا ضد استخدام أي نوع من الأدوية لتنزيل الوزن وأكيد
أعراضا الجانبية الضارة أكبر بكتير من فوائدا
رح ركز على الليمون والكرز والحبة السودا
لأنن أكتر شي بمتناول اليد .

سليمان عمر · **مرسل:** الثلاثاء يوليو 05, 2011 7:56 pm

أختي الكريمة عاشقة العربية البركة بمحلات العطارة الموجودة عنا ممكن تلاقي فيها كل انواع الأعشاب الطبية اللي بتحتاجيها والله يديم الصحة والعافية عالجميع ومشكورة كتير على مرورك ومشاركتك

LATEST_POSTS

ريجيم ونحافة طبيعية

الموجودون الآن