مرح,
ربك يمهل ولا يهمل وكلو بحسابو اكيد
الله يعوض عليكي باحسن
| آرتين لتعليم اللغات https://www.forum.art-en.com/ |
|
| إلى من سرقت جوالي https://www.forum.art-en.com/viewtopic.php?t=24162 |
صفحة 1 من 2 |
| الكاتب: | مرح [ الأربعاء مارس 16, 2011 12:45 am ] |
| عنوان المشاركة: | إلى من سرقت جوالي |
اليوم بين الساعة 1:20 و 1:30 تعرضت لسرقة الجوال لما فتت على الحمام في الطابق الأرضي و تركت حقيبتي معلقة على باب (متل ما بيعملوا معظم البنات) مع اني ما بعمل هيك لما بكون لحالي بس لان كان مع رفيقتي تركتو ببال مرتاح ومن سوء حظي رفيقتي بيجيها اتصال و بتضطر تطلع لمدة دقيقة وحدة و تطلع لبرا ولما رجعت شافت وحدة جنب حقيبتي و هي متلبكة فطلبت مني رفيقتي أتفقد حقيبتي و شوف جوالي و أنا تلبكت خصوصا ان كان السحاب نص مفتوح بس طبعا ما حبيت أتسرع و فتشت حقيبتي و رحت فتشت مقعدي و مالقيت شي فسكرت الباب و ما خليت حدن يطلع و خصوصا ان ما كان حدن من البنات لسا طالع و أنا طبعا فكرت أن أنا أبدا ما بحقلي فتش البنات أو أسحب بطاقاتهن لأن هالشي لازم يكون من صلاحية الحرس و للاسف تلبكت كتير و انفعلت و ما عرفت اتصرف و للأسف (بعض مو كل)البنات ماتعاونوا معي بالمرة و بلشوا يصرخوا علي و يطلبوا اني فتش حقائبن و طبعا يلي بدها تسرق جوال أكيد مانها غبية و تخبي بحقيبتا ولما شرف الحرس ما عمل شي و كان جدا مستهتر بدل ما يتصرف بمعرفتو وطلب مني دلوا على بنت وحدة بدل ما يسحب على القليلة بطاقات الطالبات الموجودات لبين ما تجي الشرطة يعني كيف انا بدي دلوا على بنت و أنا استعنت في لحتى حضرتن يتصرفوا لان انا ما كنت بدي اظلم حدن و طبعا ما اخد و عطا بالموضوع مرة و كأنو يلي مسروق قلم رصاص و راحت كل بنت بحالها يعني على شو اسمهن حرس!!!!! بس لحتى يصرخوا فيناو يسيؤا معاملاتنا يلي صار معي اليوم ممكن يصير مع أي وحدة و طبعا انا في حق علي بس المفروض اننا بجامعة و في أمن!! وأنا و الله ما بلوم غير الحرس و الحرامية يلي سرقتو و بصراحة رفيقتي وقفت معي وأنا ما بلومها بالمرة لأن يمكن لو كنت أنا محلها كنت كمان طلعت لرد على التلفون و أنا كتير مدايقة لأنها عم تلوم حالها و حتى عرضت تدفع حقو مع ان الذنب ذنبي و أنا كتير خجلانة منها و مبسوطة لأني تشرفت ببنت متلها بتخاف من رب العالمين و عندها ضمير صاحي و يا ريت كل البنات متلها أنا حبيت نزل الموضوع لسببين: 1- ان البنت يلي سرقتو ممكن بتفوت على الموقع و أنا حابي قلها ان اذا بترجعلي الموبايل و بتوب لرب العالمين بتكسب رضاه و أنا رح سامحها و أستر عليها و حتى مستعدة ساعدها ماديا اذا كانت بحاجة او حتى نفسيا و الله يشهد على كلامي و اذا ما رجعتو انا ما رح سامحها طول حياتي لان السرقة متل الغدر و لان عندي قناعة ان الفقير ما بيسرق و مع ذلك مستعدة سامحها و ساعدها اذا بترجعوا 2- انا حبيت نبه كل الطلاب لأن يلي صار معي صار بظرف دقيقة وحدة ومكن يصير مع أي شخص و ما عاد يرجع الحق غير يوم الحساب أنا زعلاني عجوال بس لان كان عزيز علي بسبب قيمتو المعنوية و القاموس يلي كان كتير يساعدني و الأرقام المهمة كتير يلي راحت و زعلانة على الغبية يلي سرقتو لأن كسبت غضب رب العالمين مشان قيمة مادية لاتذكر أسفة على أسلوبي الركيك بالكتابة و بعتذر من الدكتور سمهر لأن ما استأذنتو قبل ماروح لأن كنت متلبكي و مزعوجة كتير و الحمد الله على كل حال لان المادة بتتعوض وانا رضياني بقضاء الله و قدرو بس الانسان يلي بيفقد القيم و المبادئ و بموت ضميرو صعب يعوض انسانيتو وحسبي الله و نعم الوكيل |
|
| الكاتب: | حلواني [ الأربعاء مارس 16, 2011 2:43 am ] |
| عنوان المشاركة: | إلى من سرقت جوالي |
كلشي بيتعوض مرح بس مابضن أنو الي سرق الجوال بفوت عأرتين ويصحى ضميرو لأن الي عمل هالشي ماعندو أحساس بتمنى يصحى ويأنبو ضميرو وبرجعلك ياه |
|
| الكاتب: | Obada Arwany [ الأربعاء مارس 16, 2011 3:05 am ] |
| عنوان المشاركة: | إلى من سرقت جوالي |
معلش بيعوض الله .. حكيك كتير حلو و منيح كتير انك حكيتيلنا هون يعني أضعف الإيمان فشيتي قلبك و الله يعوضك بالأسماء و الأمور اللي على التليفون و بالنسبة للتليفون كمان الله يعوضك غيروا ... و برأيي ما في شي مستاهل توجعي قلبك عليه لانو رب العالمين قال: " و وجدو ما عملو حاضراً و لا يظلم ربك أحدا" صدق الله العظيم |
|
| الكاتب: | محمد الاسمر [ الأربعاء مارس 16, 2011 3:48 am ] |
| عنوان المشاركة: | إلى من سرقت جوالي |
أأختي مرح الله يعوضك باحسن يارب الموضوع برأي مزعج من ناحية وحدة ومهمه جدا هي الناحية انو السرقة ما صارت بالشارع صارت بالجامعة ؟؟؟؟ يعني اذا الجامعة عم تخرج هيك نماذج فلا عتب على غير أماكن وتخيلو انو هيك شخص رح يصير مربي اجيال بعرف الغلط مو بالجامعة الغلط بالنفوس الضعيفة الحمد لله على كل حال ولا حول ولا قوة الا بالله |
|
| الكاتب: | مرح [ الأربعاء مارس 16, 2011 7:13 pm ] |
| عنوان المشاركة: | إلى من سرقت جوالي |
حلواني, Obada Arwany, محمد الاسمر, شكرا لتعاطفكم المهم يلي بصير معو متل ما صار معي ما يسكت لعلى و عسى تنفضح الحرامية لأن يلي سرقت بتكون سرقت من قبل و رح تسرق بعدين كمان و اذا سكتنا عنها كأن عم نشجعها على السرقة أنا نادمة اني ما عرفت اتصرف بس قدر الله و ما شاء فعل |
|
| الكاتب: | عصام [ الخميس مارس 17, 2011 1:23 am ] |
| عنوان المشاركة: | إلى من سرقت جوالي |
مرح, ربك يمهل ولا يهمل وكلو بحسابو اكيد الله يعوض عليكي باحسن |
|
| الكاتب: | يارا العلي [ الخميس مارس 17, 2011 1:39 am ] |
| عنوان المشاركة: | إلى من سرقت جوالي |
مرح, والله غريبة هالأيام في حدا بيتصرف هيك  ؟!!!والله معك حق تدايقي إذا الجوال إلو مكانة بقلبك بس الله بعوضك وانشالله بيوصل كلامك للبنت اللي سرقتو وبترجعو وطبعا مهما كان ظرفها مستحيل يكون في مبرر للسرقة  بس أكيد مانها عربي سنة رابعة لأننا ماطلعنا من المحاضرة لل1:35 د  وابقي طمنينا إذا صار معك شي... |
|
| الكاتب: | مرح [ الخميس مارس 17, 2011 6:43 pm ] |
| عنوان المشاركة: | إلى من سرقت جوالي |
عصام, يارا العلي, تسلموا هي يلي سرقت أكيد عندها مرض نفسي لأن الفقير ما بيسرق اللهم أجرني في مصيبتي و أخلف لي خيرا منها و الحمد الله |
|
| الكاتب: | alialiali2011 [ الخميس مارس 17, 2011 7:33 pm ] |
| عنوان المشاركة: | إلى من سرقت جوالي |
انا والله ما بعرف شو احكي الشباب كفو ووفو وبعرف انو قيمتو معنوية اكتر مانا مادية بس صدقا حابب اهديكي واحد شو ما بدك نوعو يعني اعتبريها مممم ما بعرف شو تعتبريها اعتبريها لقيية.. اعتبري حالك لقيتيه .. بعرف رح تضحكو عليي بس ما عندي شي ساعد فيه غير هيك والحمد لله قادر مافي مشكلة يعني عسى ولعل يخفف عن هالامر البشع يللي صار معاكي لأنو فعلا بشع كتير مو شوي بيعينك الله والله يجيرنا اقتباس:
بس أكيد مانها عربي سنة رابعة لأننا ماطلعنا من المحاضرة لل1:35 د
سوري منك بس الكل بيحضر عندكن يعني ؟؟ يعني بقصد ضروري تكون حاضرة بالمحاضرة لحتي طلعتي بهالتحليل ؟ لكان هالأمم يللي منشوفا بالندوات هادي من وين جاي ؟ 
|
|
| الكاتب: | rose82 [ الثلاثاء مارس 22, 2011 6:01 pm ] |
| عنوان المشاركة: | إلى من سرقت جوالي |
معليش اختي ربي يعوضك يارب حبيت ادخل وواسيكي انا اسرقلي لابتوب واللهي مااشتغلت عليه اسبوع جديد وغالي كنت بنقل من بيت لبيت تاني وانسرق اهمال مني وامنت بأحد وماطلع أد الأمانه ربي يعوضنا شوفي من بعد ما انسرق لابتوبي وبربي كلو من شغلي جمعت قيمتو واللهي مال حلال بس عند ربك بتلاقيه............انا بالسعودية ويلي سرقو هههههه سعودي تخيلي |
|
| صفحة 1 من 2 | جميع الأوقات تستخدم التوقيت العالمي+03:00 |
| Powered by phpBB® Forum Software © phpBB Group http://www.phpbb.com/ |
|