آرتين لتعليم اللغات :: لا طلب مساعدة ولا شي بس مجرد استفسار

آرتين لتعليم اللغات https://www.forum.art-en.com/

لا طلب مساعدة ولا شي بس مجرد استفسار https://www.forum.art-en.com/viewtopic.php?t=22825	صفحة 1 من 1

الكاتب:	manoo [ الأربعاء أكتوبر 27, 2010 9:45 pm ]
عنوان المشاركة:	لا طلب مساعدة ولا شي بس مجرد استفسار
هلئ المتعارف عليه انو وزارة التعليم بتعمل مفاضلات للمتخرجين منشان البعثات بقا انا حابة اعرف اديش الحد الادنى للمعدل ؟؟؟ هاد اولا و ثانيا هههههه حاسة حالي شي خبيرة باللغة العربية اولا و ثانيا المهم ثانيا بدي اعرف شو هي الرغبات يلي الواحد بيقدر بحطها "الرغبات = البلدان" لانو بهمني اعرف اكبر قدر من المعلومات عن هي القصة و طبعا بهمني هلئ مو بعد الامتحانات و شغلة تانية انو نحن لنتقدم لهي المفاضلة شو المطلوب يكون عنا مؤهلات ؟؟؟؟ لانو بعرف شب عمل توفل قال حتى يقبلوه وشكرا جدا جزيلا

الكاتب:	فارس [ الأربعاء أكتوبر 27, 2010 10:07 pm ]
عنوان المشاركة:	لا طلب مساعدة ولا شي بس مجرد استفسار
manoo, اقتباس: هلئ المتعارف عليه انو التربية بتعمل مفاضلات للمتخرجين منشان البعثات كأنو قصدك وزارة التعليم العالي مو التربية عموما حسب معلوماتي في شي حد أدنى ثابت , لأنو كل سنة شكل حسب تخرج الطلاب و معدلات الدفعة و البعثات المتاحة . بس أكيد ما تتوقعي تحت الـ 65 . بخصوص المؤهلات , إذا كانت البعثة ع بلد أوربي , و غالبا بريطانيا , من ضمن الأشياء المطلوبة بتكون شهادة توفل أو آيلتس بحد علامة أدنى , آخر مرة حسب علمي كان مطلوب التوفل مو أقل من 550 من أصل 670 . و بالآيلتس مو أقل من 5.5 من أصل 9 . كمان بيطلبو منك رسالتين تزكية من دكتورين بالجامعة بظن هي سهلة و بيتعاونو فيها الدكاترة ... و أكيد في كومايات أوراق . رح قلو لزميلنا علاء يردلك لأنو هو انقبل ببعثة ع بريطانيا , مع أنو بذكر انو انحكى كتير عن هالموضوع بالمنتدى من قبل من فترة قريبة . بالتوفيق

الكاتب:	manoo [ الأربعاء أكتوبر 27, 2010 10:22 pm ]
عنوان المشاركة:	لا طلب مساعدة ولا شي بس مجرد استفسار
منشان انو وزارة التعليم اي معك حئ انا مخربطة ومنشان هدول المعلومات ميرسي كتير كتير واذا كان في اي شي تاني يا ريت تنورونا بس الفكرة انو اذا نحن ادب انكليزي ليش مطلوبة التوفل او غيرها؟؟

الكاتب:	Odysseus [ الخميس أكتوبر 28, 2010 11:07 am ]
عنوان المشاركة:	لا طلب مساعدة ولا شي بس مجرد استفسار
فارس manoo رح حاول جاوبك باختصار وزارة التعليم العالي كل مدة بتطلب عدد معينا لتبعتون بعثات لدراسة الماجستير او الدكتوراه .. بالنسبة لإختصاص الإنكليزي بتبعت بس لدراسة الماجستير .. القصة بتصير على شكل مفاضلة و بحق لكل طالب يسجل 3 رغبات بالتسلسل حسب الأولوية عندو .. المؤهلات .. بيطلبو يكون معدل الي بدو يتقدم عالمفاضلة 60 فما فوق .. و ما بيطلبو اي شي تاني بهالمرحلة ..كل الطلبات بتكون بعد النجاح بالمفاضلة .. بالنسبة للتوفل مثلا هي ما الوزارة بتطلبو .. ولكن هي من ضمن الأوراق المطلوبة للتسجيل بالجامعات برا .. كل اختصاص بيطلبولو علامة معينة بالتوفل أو الآيلتس .. و نحنا مافينا ندخل الجامعة برا لنجيب هي العلامة و غالبا 7 بالآيلتس و 600 بالتوفل .. أغلب طلاب الإنكليزي بتكون بعثة دراستون لبريطانيا .. و عدد قليل جدا لأميركا .. للي بدون يدرسو أدب أميركي على الغالب .. اذا باختصار .. لتنجحي بالمفاضلة و يطلعلك بعثة ما مطلوب منك اي شي حاليا غير معدل منيح تقدري تنافسي فيه .. مافي حد أدنى للقبول بالبعثة بالنسبة للمعدل .. انتي و حظك .. مثلا مطلوب طالب واحد للماجستير بالشعر الحديث .. و طالب بالأدب المقارن و طالب بالأدب الامريكي و طالب بالنثر الحديث و طالب بطرائق التدريس .. و هكذا .. انتي معدلك 62 مثلا و حابة تقدمي عالمفاضلة .. و كل الطلاب معدلون أعلى من معدلك .. بهالحالة بيلعب الحظ بالقبول .. يعني مثلا يمكن كل الي معدلون عالي سجلو نفس ال 3 رغبات و انتي سجلتي رغبة غيرون بهالحالة بتروح عاللي معدلون عالي و بيطلعلك الك بعثة بالإختصاص الي فاضلتي عليه .. المفاضلة الماضية كان أقل معدل بينقبل بأحد الإختصاصات يمكن بدوار ال 68 او 67 بالنسبة للإنكليزي . . رح ضيف ملف المقبولين بمفاضلة البعثات الماضية و انتي فيكي تتطلعي على المعدلات و بلدان الإيفاد .. بالتوفيق .. نتائج مفاضلة البعثات العلمية 2010\2011 لجميع الإختصاصات

الكاتب:	manoo [ الخميس أكتوبر 28, 2010 4:49 pm ]
عنوان المشاركة:	لا طلب مساعدة ولا شي بس مجرد استفسار
Ala Al-Ibrahim, [align=center]شكرا كتير الك و عالمعلومات حبيت شغلة الحظ هي و انشالله بالتوفيق الك بالماجستير و الله يوفئ الكل و يتخرجو وطبعا انا كمان شكرا مرة تانية[/align][/color]

صفحة 1 من 1	جميع الأوقات تستخدم التوقيت العالمي+03:00
Powered by phpBB® Forum Software © phpBB Group http://www.phpbb.com/