| آرتين لتعليم اللغات https://www.forum.art-en.com/ |
|
| راح عليي التخرج و استنفذت https://www.forum.art-en.com/viewtopic.php?t=22718 |
صفحة 1 من 2 |
| الكاتب: | l'entrantaumure [ الاثنين أكتوبر 18, 2010 2:08 am ] |
| عنوان المشاركة: | راح عليي التخرج و استنفذت |
الخبر يللي تلقيتو اليوم متل الصاعقة و ما صدقت عيوني لما شفتو هوي انني رسبت للمرة الخامسة بمادة النقد الادبي و يلي هيي عندي مادة وحيدة مو باقيلي غيرها و متل ما صرتوا بتعرفوا انا كنت مستنفذ سنة رابعة و حقللي اربع دورات مع تكميلية و للاسف ما قدرت اخلص من هالمادة و الله متمني الارض تنشق و تبلعني و عم العن الساعة يللي اخترت فيها اني ادرس فرنسي يمكن هلق صار لازم انتظر مرسوم جديد للمستنفذين و يمكن صير ختيار قبل ما اخد هالشهادة اللعينة صدقوني كرهان حالي و حاسس بضغط فظيع و خاصة اني انا مغترب و عايش وحدي و ما عندي مين يواسيني غيركم و طول عمري بقول معلش بس هالمرة لأ و لأول مرة غلبني اليأس عالآخر |
|
| الكاتب: | ديمة [ الاثنين أكتوبر 18, 2010 1:28 pm ] |
| عنوان المشاركة: | راح عليي التخرج و استنفذت |
lentrantaumure دع الأيام تفعل ما تشاء ..... وطب نفسا إذا حكم القضاء ولا تجزع لحادثة الليالي ..... فما لحوادث الدنيا بقاء وكن رجلا على الأهوال جلدا ..... وشيمتك السماحة والوفاء ولرب نازلة يضيق لها الفتى ..... ذرعا وعند الله منها المخرج ضاقت فلما استحكمت حلقاتها ..... فرجت وكنت أظنها لا تفرج أخي الكريم : قدر الله وما شاء فعل ........ ومن توكل على الله فهو حسبه........ 
|
|
| الكاتب: | l'entrantaumure [ الاثنين أكتوبر 18, 2010 7:48 pm ] |
| عنوان المشاركة: | راح عليي التخرج و استنفذت |
كتير بقدر هالكلمات العذبة ومشكورة للمواساة بس كنت متوقع الزملاء يواسوني بشكل اكبر و رغم هيك قدمتلي مشاركتك السلوى في مصيبتي مشكورة اخت ديمة 
|
|
| الكاتب: | عصام [ الاثنين أكتوبر 18, 2010 8:04 pm ] |
| عنوان المشاركة: | راح عليي التخرج و استنفذت |
l'entrantaumure اقتباس:
بس كنت متوقع الزملاء يواسوني بشكل اكبر
مابيحقلك تعاتب ابدا لانو منزل موضوعك بارتين كافيه وكان لازم تحطو بعائلة ارتين لانك عضو من عيلتنا وهالخبر اكيد بيحز بقلبي انو اسمعو  لو شو ما انحكى ما رح يتغير هالواقع المر انو قسم الفرنسي بالذات غير عن بقية الأقسام وانوالطالب اللي بيتخرج منو بيكون محقق انجاز لايستهان فيو والداخل على هالقسم مفقود والخارج مولود وللاسف مولود بسن بيقارب ال28 هالحكي عم بحكيه من اللي بسمعو من رفقاتي بقسم الفرنسي انشالله يطلع شي قرار يشملك بسرعة وتتخرج وتاخد هالشهادة تبروزها بصدر البيت وترسم كم سهم حواليها مع كومينت انو هي اللي طالعتلك بلعك لاخدتها ومابقا يفيد شي بقا انو روق واتقبل الواقع قدر الله وما شاء فعل |
|
| الكاتب: | فادي [ الاثنين أكتوبر 18, 2010 8:49 pm ] |
| عنوان المشاركة: | راح عليي التخرج و استنفذت |
عسى ان تكرهوا شيئا و هو خير لكم اخي سماع مني ماحدا بيعرف وين الله مقدرلو الخير فلا تزعل و الله بيعوضك خير انشا الله بس ادعي ربك انو يقدرلك الخير |
|
| الكاتب: | حسامي [ الاثنين أكتوبر 18, 2010 10:36 pm ] |
| عنوان المشاركة: | راح عليي التخرج و استنفذت |
فكر بشو بدك تعمل هلأ، و شو الخيارات عندك، و حاول تاخد قرار مشان ترتاح، الشهادة مو كل شي في كتيرين معون شهادات و ما بيشتغلوا فيها و لا باختصاصون و ناجحين أكتر من يلي عم يشتغلوا بشهاداتون و اختصاصون، المهم تركز على النجاح بالخطوة التالية،،، |
|
| الكاتب: | l'entrantaumure [ الثلاثاء أكتوبر 19, 2010 2:12 am ] |
| عنوان المشاركة: | راح عليي التخرج و استنفذت |
مشكورين يا طيبين  ادعولي يطلع شي مرسوم او لاقيلي شي زاروبة اقدر اقدم فيها الامتحان عن قريب معقول يكون في امل بما انو هي مادة وحدة؟ |
|
| الكاتب: | Portia [ الثلاثاء أكتوبر 19, 2010 11:07 am ] |
| عنوان المشاركة: | راح عليي التخرج و استنفذت |
السلام عليكم : اكيد الواحد ما يفقد الامل و بنصحك تغير اسمك ل Une lueur d'espoir أو خليه D'espoir او لاسمك الحقيقي حتى ما تبقى عايش بقلب هالاسم و بإذن الله بيطلع مرسوم و بتقدر تقدم وعكلن راجع وضعك بالكلية و شوف اذا فيه امل و اذا صارت الفرصة التانية للتقديم , لا تتهاون و خود الشغلة جدية كتير يعني لا تخلي حدا الا و اسألو عن المادة فصفصا كتير منيح هون بآريتن فيك تطلب مساعدة وحتى وان بدك كل يوم تسأل عن شغلة فيا ابحث عن شطارة نجحوا فيا و خود منن بالضبط كيف طالعوا تناقش فيا مع زملاء عندن ياها لأن دايماً المواد الاخيرة للتخرج هي اللي بدا نفس طويل , والواحد بيحارب محاربة مشان يخلص وكون قدا و اغلبا ولا تخليا تغلبك وماعاشت الهزيمة 
|
|
| الكاتب: | عاشقة العربية [ الثلاثاء أكتوبر 19, 2010 2:00 pm ] |
| عنوان المشاركة: | راح عليي التخرج و استنفذت |
l'entrantaumure ان شالله كلو لخير، وأكيد في حكمة من رب العالمين منعرفا بعدين. برأيي لا تستنى هي المادة وتبقى قاعد، اعمل دورات بتنفعك وبتغني السي في لو بدك تقدم ع أي شغل، وهيك أنت عم تستفيد وتستغل وقتك. موفق
|
|
| الكاتب: | Marc [ الثلاثاء أكتوبر 19, 2010 7:45 pm ] |
| عنوان المشاركة: | راح عليي التخرج و استنفذت |
تحياتي في الواقع قبل أن أقرأ موضوعك هنا كنت مقرراً أن أرسل لك رسالة لأسألك عن مادة النقد إن كانت نجحت معك أما لا ، ولكن للأسف ها أنت تقول أنها رسبت وأخذت معها الكثير من الأحلام والترقب والانتظار . في البداية رغم أنني لا أعرفك شخصياً إلا أنني أتعاطف معك لأنني أعرف حالات عديدة من أصدقائي وقف تخرجهم بعد الاستثنائية على مادة أو مادتين وأعرف حالتهم النفسية كيف كانت وما سببه لهم ذلك الرسوب وهم راسبون لسنة واحدة أو مستجدون بالرابعة فكيف الأمر بالنسبة لحالة الطالب المستنفذ والذي استنفذ عملياً آخر فرصة له . دعنا نقول بصراحة أنت لا تحتاج لمواساة أو تضامن الآخرين لأنك الوحيد القادر على مساعدة نفسك والوحيد القادر على الوصول إلى قناعة بأننا مهما حزنا ومهما بكينا ومهما غضبنا ومهما صرخنا ومهما لعنا الساعة فكل ذلك لن يغير حقيقة أننا أمام واقع يجب أن نتعامل معه وأن الحياة ستستمر ولن تقف ولو لأجزاء من الثانية لترى لماذا نبكي أو ما يزعجنا ، وكل شيء سيستمر ونبقى وحدنا نبكي في زاوية لا ترى بالعين المجردة من هذا الكون الفسيح . أعرف أن الوضع صعب وهو حال كثير من الناس الذي تتركز أحلامهم وتتجمع أمنياتهم في لحظة واحدة أو حدث أو قصة ما وفجأة ينهار كل شيء وينتهي ، ولكن الحزن لن يغير شيئاً ولن تنجح به المادة . لذلك كما نصحت نفسي قبل سنة أنصحك الآن ، دائماً ومهما كان الوضع مظلم وصعب عليك النظر نحو الأمام ونحو الغد وترقب الآتي وعدم البكاء على الأطلال ، لأن البكاء لن يعيدها كما كانت بل السواعد القوية والفرصة المناسبة ، لذلك عليك الانتظار و ربما سيصدر قرار أو مرسوم يشمل الراسبين و المستنفذين كما جرى من قبل ونحن هنا لا شك سنبلغك بأي قرار وبأي حديث عن وضع الراسبين نسمع به هنا وقد يساعدك . أنا أتحدث إليك من واقع خبرتي بالتعامل مع مختلف مواد الفرنسي ومادتك النقد الأدبي كانت صعبة على مدى الدورات الأخيرة وكانت نوع من الحفظ البصم الذي لا ينفع معه الشرح والاجتهاد الشخصي وسأخبرك بمزيد من التفاصيل عن المادة برسالة خاصة سيكون أفضل . على كل حال نصيحتي لك ابتعد عن الحزن وتعلق بالأمل ، فطالما الإنسان بصحته وبقدرته العقلية وبشجاعته فلا بد أن ينتصر بالنهاية ، ولو كنت أنا استسلمت للحزن بالماضي ويأست بسبب ما وجدته من صعوبات في قسم الفرنسي فلم أكن لأصل أبداً إلى مرحلة التخرج في النهاية . |
|
| صفحة 1 من 2 | جميع الأوقات تستخدم التوقيت العالمي+03:00 |
| Powered by phpBB® Forum Software © phpBB Group http://www.phpbb.com/ |
|