آرتين لتعليم اللغات
https://www.forum.art-en.com/

جامعة تشرين .. الأولى على مستوى سوريا
https://www.forum.art-en.com/viewtopic.php?t=22546		 صفحة 1 من 2
الكاتب:  عاشقة العربية [ الأحد أكتوبر 03, 2010 2:06 am ]
عنوان المشاركة:  جامعة تشرين .. الأولى على مستوى سوريا
احتلت جامعة تشرين المرتبة الأولى بين الجامعات السورية الحكومية و الخاصة خلال شهر تموز /2010/ و ذلك بحسب تصنيف موقع " ويبومتركس " الإسباني .

و يأتي احتلال الجامعة لهذا المركز بحسب الموقع لأسباب :" الاهتمام في مجال الجودة و الاعتمادية في الجامعات العالمية حيث استندت في تصنيفها هذا إلى الإنتاج المعرفي من حيث إنتاج البحوث و نشرها في الوسائل الإعلامية المحلية الحكومية و الخاصة إضافة لنشرها في الوسائل الإعلامية العالمية " .

و بحسب الموقع فقد استند في تصنيفه لجامعة تشرين بالمركز الأول :" لمشاركة الجامعة في النشاطات العملية و العلمية و الأكاديمية داخل و خارج القطر إضافة لقيام الجامعة بعملية التأهيل و التدريب و بناء القدرات للعاملين في الجامعة " علميين و إداريين " إضافة لكل ما يتعلق بالنشاطات الطلابية المتنوعة " .

كما و احتلت جامعة تشرين المرتبة الأولى بين الجامعات السورية الحكومية و الخاصة في عام /2010/ و ذلك استنادا ً لتصنيف /4ICUs/ العالمي .

و تأتي جامعة تشرين في المرتبة و ترتيبها /3197/ على مستوى العالم تليها جامعة دمشق ب /5531/ ومن ثم جامعة البعث ب /5732/ تليها جامعة القلمون /6697/ و من ثم المعهد العالي للعلوم التطبيقية و التكنولوجيا ب /7434/ .

و بحسب إحصائية موقع /4ICUs/ العالمي فإن جامعة الإتحاد الخاصة احتلت المركز رقم /7633/ على مستوى العالم تليها الجامعة العربية الدولية الخاصة بالمركز /8142/ تليها الجامعة الدولية للعلوم و التكنولوجيا بالمركز /8386/ ومن ثم جامعة الأندلس الخاصة بالمركز /8484/ تليها الجامعة الخاصة للعلوم و الفنون بالمركز /8738/ .

أما جامعة الحواش الخاصة فقد احتلت المركز /8750/ تليها مباشرة جامعة حلب الحكومية بالمركز /8881/ ومن ثم تليها جامعة المأمون الخاصة للعلوم و التكنولوجيا بالمركز /9372/ يليها المعهد الوطني للإدارة العامة بالمركز /9491/ و في المرتبة الأخيرة أتت جامعة الوادي الدولية بالمركز /9539/ .

يشار إلى أن جامعة تشرين احتلت للعام الثاني على التوالي المرتبة الأولى بين الجامعات السورية الحكومية و الخاصة وفقا ً لإحصائيات مواقع عالمية .
 
منقول .. عكس السير
الكاتب:  Mohammed [ الأحد أكتوبر 03, 2010 3:14 am ]
عنوان المشاركة:  جامعة تشرين .. الأولى على مستوى سوريا
3197
حلو كتير !! *good

من فترة قريت احصائية أقوى 500 جامعة بالعالم .. بالطبع أكتر من عشر جامعات في اسرائيل !!!
ولا جامعة عربية بين ال500 ... :shock:

بس الحمدلله نحنا أذكى منهم هنن بيدرسو وبيتعذبو وبيخترعو ونحنا منشتري عالجاهز *hh

لنشوف لأيمتا بدو يضل الله رازقنا من ورا هالنفط ونحنا عم نصرفه عالغرب مشان يكملو اختراعات وتصدير النا .. أكيد مو ليوم القيامة .. *---


3197 .. مالي قلب كمل التصنيف للآخر لأن مافي داعي نشوف حالنا ع طلاب القلمون وطلاب القلمون يشوفو حالن ع طلاب الحواش .. وطلاب اللادقية وحلب يشوفو حالن علينا لأنه تصنيفن أعلى بشي ألفين مرتبة .. لك وبتصنيف حتى نحنا مالنا علاقة فيه في ناس بتحسب عنا *good


شكراً هدى ع نقل الخبر *ورود
الكاتب:  الملاك [ الأحد أكتوبر 03, 2010 5:25 am ]
عنوان المشاركة:  جامعة تشرين .. الأولى على مستوى سوريا
حسيت رد محمد أصاب مكامن التعليق....بس ما علقت عكلمة تليها :mrgreen:
لأنو هيك بتوحي بأنو الجامعات مرتبة ورا بعضا... تشرين وبعدا دمشق وبعدا البعث ويا سلام... ما كأنو في ألف جامعة بين الوحدة والوحدة :mrgreen:


بصراحة وأنا عم أقرا .... أو يعني الإعلامي اللي -مصمم- الخبر مستخدم جمل متل
اقتباس:
الاهتمام في مجال الجودة و الاعتمادية في الجامعات العالمية حيث استندت في تصنيفها هذا إلى الإنتاج المعرفي من حيث إنتاج البحوث و نشرها في الوسائل الإعلامية المحلية الحكومية و الخاصة إضافة لنشرها في الوسائل الإعلامية العالمية " .

و بحسب الموقع فقد استند في تصنيفه لجامعة تشرين بالمركز الأول :" لمشاركة الجامعة في النشاطات العملية و العلمية و الأكاديمية داخل و خارج القطر إضافة لقيام الجامعة بعملية التأهيل و التدريب و بناء القدرات للعاملين في الجامعة " علميين و إداريين " إضافة لكل ما يتعلق بالنشاطات الطلابية المتنوعة
يلي آخدن من رأس صفحة التصنيف الأساسية.... بمعنى الموقع أشار أنو حسب المعايير الفلانية نحنا رح نصنف جامعات العالم
وبلش يصنف
وبعد أربعة آلاف جامعة اجت وحدة من جامعاتنا
بتقوم جريدة سورية بتنشر الخبر أنو لأنو جامعة تشرين عنا بتعمل كذا وعندا كذا "وذكر المعايير" فازت بالمركز الأول بين الجامعات السورية.....

يعني صدى الخبر مؤثر
بس هو فعلياً بخزي

للأسف

أنا صح بيسعدني يلتقالنا ترتيب... وأنو بالنهاية نظهر عالقائمة.... بس المصيبة أنو هالقائمة بدا تذكر كل جامعات العالم بالترتيب

بينما لو قالوا أقوى "كذا" جامعة بالعالم فنحنا ما رح يطلعلنا اسم :mrgreen:
متل ما ذكر محمد :wink:

أنا بعرف عاشقة العربية أنو نقلتي الخبر ليكون خبر حلو... بس هو مانو هيك أبداً...للأسف هو بس بيعني أنو السوري المنتوف لو بهمو العلم عنجد فأفضل خيار "متاح" قدامو هو تشرين :arrow:

والسلام عليكم
الكاتب:  حلواني [ الأحد أكتوبر 03, 2010 10:22 am ]
عنوان المشاركة:  جامعة تشرين .. الأولى على مستوى سوريا
بس ياترا تصنيف جامعة الفرات بهالحالة وين صار ؟؟
الكاتب:  Portia [ الأحد أكتوبر 03, 2010 10:42 am ]
عنوان المشاركة:  جامعة تشرين .. الأولى على مستوى سوريا
السلام عليكم :
اقتباس:
بس ياترا تصنيف جامعة الفرات بهالحالة وين صار ؟؟
الله عليك يا حلواني :mrgreen:

سؤال وجيه , بس غيرو , ترى ما بتعرف الايام شو بتعمل , مافي شي مستحيل

و الله من كتر الحكي , شوقتونا نروح عجامعة تشرين , نعملنا شي طلة عليها

ونتعرف على السر اللي خلاها تكون من ضمن اول 5531 جامعة عالعالم *ممم

و تحتل المرتبة الأولى بين الجامعات السورية الحكومية و الخاصة :roll:

لازم نعرف , لازم نشوف *ممم
الكاتب:  فادي [ الأحد أكتوبر 03, 2010 2:58 pm ]
عنوان المشاركة:  جامعة تشرين .. الأولى على مستوى سوريا
الله وكيلكن شي بسود الوش

يعني احسن حامعة عنا ترتيبها بعد 3000
الكاتب:  nedalo [ الأحد أكتوبر 03, 2010 4:49 pm ]
عنوان المشاركة:  جامعة تشرين .. الأولى على مستوى سوريا
فادي,
اقتباس:
الله وكيلكن شي بسود الوش

يعني احسن حامعة عنا ترتيبها بعد 3000
اي و الله بإيدك حق عمي فادي *1

بس عفكرة الاسباب يلي خلت تشرين تاخد المركز الأول موضحة بالتقرير
اقتباس:
الاهتمام في مجال الجودة و الاعتمادية في الجامعات العالمية حيث استندت في تصنيفها هذا إلى الإنتاج المعرفي من حيث إنتاج البحوث و نشرها في الوسائل الإعلامية المحلية الحكومية و الخاصة إضافة لنشرها في الوسائل الإعلامية العالمية
و هالشي فعلا موجود بجامعة تشرين و احد الدلائل الكتيرة , متحف الدكتور فواز الأزكي يلي عملو بمجهودو الشخصي و هي مثال بسيط عالابحاث يلي عم تصير بجامعة تشرين و هالرابط للي بيحب الاطلاع
http://www.fawazazki.com/gellery.html
*1 *1 *1 *1
الكاتب:  Mohammed [ الأحد أكتوبر 03, 2010 5:35 pm ]
عنوان المشاركة:  جامعة تشرين .. الأولى على مستوى سوريا
بالطبع لا ننكر مجهود اداريي ومدرسي جامعة تشرين وأغيرها من الجامعات السورية .. بالعكس الله محييهن ..
لكن هالشي ما بيكفي أبداً أبداً
والمثال اللي حضرتك طرحته مثال ليس له علاقة بمصداقية الجامعة ولا بترتيبها أخي العزيز .. لكنه قد يكون مجهوداً شخصياً يحتذى به

نظامنا الجامعي العربي بشكل عام تعيس بل فاشل .. والقوانين الموجودة قديمة ومتطلبات وطريقة مناقشة وتقديم رسائل الماجستير تقليدية ونظرية لا تسمن ولا تغني من جوع ..
"تكرار الراءات في قوافي ابن ما بعرف مين وتأثيراتها النصية وما بعرف شو كمان " ع فكرة هاد اسم مناقشة رسالة قريتها من كم سنة بالبعث عنا بقسم الأدب العربي .. (المهم موضوع الرسالة ما يكون مطروح مسبقاً !!!!)

والمراجع لا تتجدد والمكتبات فقيرة ..حتى في المعهد العالي للغات المستحدث منذ فترة قريبة .. وينظر أيضاً الى عدد الموفدين من الجامعة الي الخارج .. ومستوى الطلاب الخريجين في تلك الجامعات .... وغير ذلك هو ما يؤخذ في الحسبان عند ترتيب الجامعات عالمياً

عدما تأتي جامعة هارفرد في المرتبة الأولى عالمياً .. نستطيع أن نتخيل كم هي المبالغ االتي تم توفيرها لأبحاث طلابها وكمية الموارد والمصادر المتوافرة ونوعية الكادر التدريسي الموجود بالاضافة لشروط القبول و نوعية الطلاب والخريجين و و و و .....



بس نحنا حكينا عن الصيغة اللي تطرقلها الصحفي المبسوط ب"تميز" الجامعة وترتيب جامعاتنا
بينما هذه الاحصائية اعتمدت على كمية الأبحاث المنشورة في الوسائل الاعلامية والنشاطات العلمية والاكاديمية
يعني ازا بيعتمدو ع كل النواحي لسه منقطع ال10000 بكل سهولة

احصائية ال 2010 تقدمت والحمدلله الجامعات السعودية (الملك سعود- والملك فهد ) لتجد لنفسها مكاناً بين أول 500 جامعة ولا يوجد أية جامعة عربية سواهما ضمن التصنيف !


للاطلاع:
http://www.arwu.org/
الكاتب:  عاشقة العربية [ الأحد أكتوبر 03, 2010 5:49 pm ]
عنوان المشاركة:  جامعة تشرين .. الأولى على مستوى سوريا
هلأ الخبر ممكن يكون ظريف لو عرفنا أنو تشرين هي الجامعة الأولى سورياً.
بس أكيد مزعج لما منشوف أكتر من 3 آلاف جامعة سابقتنا *---

والمزعج أكتر لما منتذكر وين كانت أمجاد العرب، ومنتذكر مكتبة الحكمة، ومنتذكر ومنتذكر ...
لحتى فجأة نصحى ونلاقي قبلنا 3 آلاف و8 آلاف جامعة قبلنا.

كنت بدي علّق فوراً بعد الخبر، بس حبيت أجّل ..
ببساطة ممكن نستفيد من هالجامعات اللي قبلنا حتى لو مرتبتا ألفين :idea: لحتى نفهم تقنياتا.
ونتخلص من بصم وحكي نظري ممل :arrow:
الكاتب:  nedalo [ الاثنين أكتوبر 04, 2010 12:16 am ]
عنوان المشاركة:  جامعة تشرين .. الأولى على مستوى سوريا
Mohammed,
اقتباس:
والمثال اللي حضرتك طرحته مثال ليس له علاقة بمصداقية الجامعة ولا بترتيبها أخي العزيز
هلق بالتاكيد صديقي حال جامعاتنا بهدلة البهدلة بالنسبة لجامعات الخارج و منتمنى انو يتغير هالشي و على فكرة الدكتور الازكي دكتور بجامعة تشرين وليس مستقل .
اقتباس:
يعني ازا بيعتمدو ع كل النواحي لسه منقطع ال10000 بكل سهولة
اي هني ما قربو عشي تاني منشان تضل بالقلب تجرح و ما تطلع لبرا و تفضح :mrgreen:

و هالتصنيف تصنيف موقع على شبكة الانترنت يعتمد على بعض الفعاليات و لا يقيم المستوى الحقيقي للجامعات :roll:


و في موقع تاني فيه الترتيب يمكن الحقيقي لتصنيف الجامعات بالعالم و اللي بتتربع على عرش الصدراة فيه جامعة هارفارد :cry:
http://www.webometrics.info/index.html

*1 *1 *1
صفحة 1 من 2 جميع الأوقات تستخدم التوقيت العالمي+03:00
Powered by phpBB® Forum Software © phpBB Group
http://www.phpbb.com/