رأيك اغناني أخي محمد
هلأ بالنسبة للفظ رح اعتمد على موضوع شامل للأخ صفوة ومانو صعب بالعكس انا شفت كم شغلة فيه ما كنت بعرفهم
معتمدة على آرتين بالتطوير وماشاء الله عنكم
شكرا لرأيك
تحياتي
| آرتين لتعليم اللغات https://www.forum.art-en.com/ |
|
| استشارة صغيرة https://www.forum.art-en.com/viewtopic.php?t=22093 |
صفحة 1 من 1 |
| الكاتب: | Golden RoSe [ الأحد أغسطس 29, 2010 3:20 am ] |
| عنوان المشاركة: | استشارة صغيرة |
السلام عليكم لو سمحتوا محتاجة حدا ينصحني بخصوص تعليم اللغة عندي طالبة بدها تتعلم انكليزي (لغتها الأساسلة فرنسي), هلا هي مانها صغيرة ورح بلش معها بكرا من الاحرف ومع كل حرف عدة كلمات ومعانيهم وهيك رح علمها كمان اللفظ الصحيح والمواضع اللي بيتغير فيه اللفظ رح امشي كمان بالجمل اليومية اللي بنحكيها من تحيات واسئلة وتواوبعهم مجهزة مفردات مشكلة ملونة فوق الـ 100 مبدأيا ورح دربها ع الكتابة, كنت مفكرة ما اعطيها الأزمنة كـ قواعد لكن هي بدها كل شي رغم انو مو بحاجة لكل هالتفاصيل لأن مخلصة دراسة ياترى هيك رح كون ماشية صح أو شو التسلسل الأفضل كرمال ما أصدمها وحسسها أنو صعب تتعلم اللي محيرني انو امشي معها متل طالب المدرسة لأن المستوى غير والاستيعاب غير ممكن بس تكون جاهزة تقرأ وتكتب شوي وتفهم معاني الكلمات إنو اعطيها منهاج محادثة أو انو تسجل دورة محادثة نظامية مع مجموعة هوون السؤال, إذا انا بدي اعطيها شو المنهاج الممناسب كونها لحالها والتطبيق أقل شوي عندي منهاج CUTTING EDGE (ELEMENTARY) بينفع أو شوف غيرو؟ بالحالة الطبيعية شو المدة اللي المفروض يتعلم فيها هيك شخص الأساسيات من قراءة وفهم؟ إن شاء الله شوف إجابة أو رأي هون وشكرا سلف |
|
| الكاتب: | Mohammed [ الأحد أغسطس 29, 2010 3:52 am ] |
| عنوان المشاركة: | استشارة صغيرة |
بمجال التدريس مافي شي اسمو اجابة كل شي بينقال بيضل رأي .. العلم بيتطور واساليب التعليم بتتطور مع تطور العقل والمتطلبات رأيي : فيكي تعطيها الأحرف وتعطيها برنامج (أو قاموس) ناطق وبعد ما تعليمها كم كلمة أساسية سلام ..تعارف .. أفعال رئيسية . . عبارات رئيسية (سؤال عن الحال) .......... بتتعلم اللفظ لحالها .. يعني مافي داعي حالياً تقوليلها أنو c تلفظ احيانا s ,r وقواعد الصوتيات .. لأن بتتلبك بعدها الحاضر البسيط مع امثلة وتمارين الحاضر البسيط كيف منعمله سؤال .. والجمل تكون مفرداتها بسيطة ورئيسية (مستخدمة يومياً) نفي الجملة وكمان نفس الأسلوب تعطي كل يوم كلمات جديدة وامثلة وتمارين مشابهة .. التكرار بيفيد بالبداية ركزي عالحاضر البسيط وبس تحسيها مشيت تمام وصارت تعرف أنو He she it بياخدو كذا وكذا والبقية do وما بياخدو s >>>> يعني خطوة خطوة ومو مهم القواعد نحفظها أكتر من أنه نقدر نطبقها ربط اللي تعلمته بشي مقروء ومسموع .. نص وعليه ملف صوتي معين بتسمعه وبتقارن بعد ما تتعلم معاني الكلمات وكيفية الترجمة والحصول على اللفظ من المعجم الناطق أو برنامج عالكمبيوتر (لازم الطالب يتعلم كيف يقوي نفسه بنفسه ويتعلم لحالو .. لأن بتعطيه دافع أكتر وما بيصير اتكالي ) وبعدا مننتقل للأزمنة واحد ورا التاني ماضي بسيط .. حاضر مستمر .. ماضي مستمر .. مستقبل .. المجهول .. وطبعا ما يكون الهدف بس التعريف بالقواعد والأزمنة وطريقة صياغتها مشان ما يصير في ملل .. كل زمن مناخد أكبر عدد ممكن من الأمثلة والوظايف للبيت ومنسمع ومنقرا ومنكتب ومنحكي مشان يصير في توازن .. هاد كلو طبعا ازا ما عندك أو ما حابة تتبعي سلسلة جاهزة وفي سلاسل طبعا بتبدأ من الصفر فيكي تمشي مع أي سلسلة عالمية بتلاقي ترتيبها ومحتواها مناسب (تشمل المهارات ال4) وتمشي حسب الدليل أو Teacher's Guide وبتكون الأمور أسهل انشالله |
|
| الكاتب: | Golden RoSe [ الأحد أغسطس 29, 2010 1:08 pm ] |
| عنوان المشاركة: | استشارة صغيرة |
رأيك اغناني أخي محمد هلأ بالنسبة للفظ رح اعتمد على موضوع شامل للأخ صفوة ومانو صعب بالعكس انا شفت كم شغلة فيه ما كنت بعرفهم معتمدة على آرتين بالتطوير وماشاء الله عنكم شكرا لرأيك تحياتي |
|
| صفحة 1 من 1 | جميع الأوقات تستخدم التوقيت العالمي+03:00 |
| Powered by phpBB® Forum Software © phpBB Group http://www.phpbb.com/ |
|