| آرتين لتعليم اللغات https://www.forum.art-en.com/ |
|
| مصدقة التخرج https://www.forum.art-en.com/viewtopic.php?t=20722 |
صفحة 1 من 2 |
| الكاتب: | Rama_n [ الأحد مايو 16, 2010 1:18 am ] |
| عنوان المشاركة: | مصدقة التخرج |
السلام عليكم..  يا جماعة انا تخرجت الفصل الاول و لهلئ ما بعرف شي عن مصدقة التخرج و سمعت انو هاد وقتا .. بس بدي إسأل يلي تخرجوا قبلي شو ساووا لما طالعوا المصدقة و شو هيي الأوراق المطلوبة لانو انا بدي سافر من الشام على حمص و اشتغل فيا فإذا نسيت شي ورقة او شي تاني مشكلة الرجعة على الشام  مشان هيك اذا سمحتوا خبروني أيمتا بقدر بلش فيا و شو هنن الأوراق المطلوبة و أي معلومة بتفيدني بخصوص الموضوع .وشكرا كتير لإلكون 
|
|
| الكاتب: | Portia [ الأحد مايو 16, 2010 8:28 am ] |
| عنوان المشاركة: | مصدقة التخرج |
السلام عليكم : Rama_n : هلا راما , مشان المصدقة من فترة مو بعيدة رحنا وخبروا انو ما بتصير المصدقة لتجيهم الأسماء ولسا ما وصلت , قالولنا نغيب فترة بس اللي بنقدر نعملو هوي إشعار التخرج , و ما بيطلب منك غير ورقة من عند الحارس و طابع و تملي الطلب مشان الاشعار و بإذن الله حانزل هاليومين او ربما اليوم و بشوف شو صار مشان المصدقة و وقت بصير بخبرك و بنشوف شو المتطلبات موفقة ....................... |
|
| الكاتب: | عاشقة العربية [ الاثنين مايو 17, 2010 1:58 am ] |
| عنوان المشاركة: | مصدقة التخرج |
وعليكم السلام .. مشان المصدقة فالأول لازم تطالعي الإشعار مشان لو لزمك بأي لحظة إثبات إنك متخرجة وشغلتو سهلة متل ما قالت راما. أما المصدقة فسألت عن هالشي هداك الأسبوع وقالو انو لهالأسبوع بتكون الأسماء وصلت للكليات لأنو قائمة الأسماء صدرت. موفقة
|
|
| الكاتب: | Rama_n [ الاثنين مايو 17, 2010 3:08 am ] |
| عنوان المشاركة: | مصدقة التخرج |
Portia الله يعطيك الف عافية انت دايما بتساعديني و ما بتقصري بشي ابدا شكرا كتير الك ولا مرة طلبتك الا لبيتيني هدى شكرا لالك ولاهتمامك هدى وانشالله بس ليطلعو المصدقات منعرف و الاوراق المطلوبة منكون شكرا لكم جميعا .. |
|
| الكاتب: | Obada Arwany [ الاثنين مايو 17, 2010 11:27 pm ] |
| عنوان المشاركة: | مصدقة التخرج |
يمكن قرار التخرج لسا ما طلع بس قريبا ان شاء الله الأوراق المطلوبة : طلب مع طابع مالي صورة عن الهوية الشخصية مع طابع مالي براءة ذمة من شؤون الطلاب وثيقة تبرع بالدم ( من 5 سنوات أو اقل ) أو إعفاء ( من 3 أشهر أو أقل) طبعا هنيك في شوية وراق و هيك بس هاد المطلوب و للشباب : وثيقة إتمام التدريب الجامعي من معسكر التدريب الجامعي بتمنى ما كون نسيت شي بس هيك بتذكر انا لسا ما تخرجت بس بعرفن دعولي اتخرج هاد الفصل  و الله يجزيكم الخير |
|
| الكاتب: | Portia [ الثلاثاء مايو 18, 2010 7:01 am ] |
| عنوان المشاركة: | مصدقة التخرج |
السلام عليكم : Obada Arwany : شكراً كتير على المعلومات و شد الهمة هالشهرين بس , وحاولك اطالع كل موادك باطول بالعرض , كيف ما كان بس اتخرج هالفصل وهي نصيحة لكل طلاب الرابعة , كيف ماكان شدوا عحالكن مشان تتخرجوا هالفصل , وما تطلعو تكميلية لأنها   عذاب ومافي أحلى من النجاح و التخرج بوقتو ربي يوفقك و يسرلك أمورك و تتخرج هالفصل .................... |
|
| الكاتب: | Obada Arwany [ الثلاثاء مايو 18, 2010 10:20 pm ] |
| عنوان المشاركة: | مصدقة التخرج |
Portia, اقتباس:
ربي يوفقك و يسرلك أمورك و تتخرج هالفصل
الله يسلمك شكرا |
|
| الكاتب: | Portia [ الأربعاء مايو 19, 2010 9:52 pm ] |
| عنوان المشاركة: | مصدقة التخرج |
السلام عليكم : تم إصدار أسماء المتخرجين لهذا الفصل , و أصبحوا في الجامعة Rama_n : بإمكانك و بإمكان الراغبين بالحصول على مصدقة التخرج , اصطحاب ورقة تبرع بالدم( أو إعفاء ) , وصورة عن الهوية الشخصية تقدمينها إلى غرفة ( مصدقات التخرج ) الموجودة في الطابق الأرضي , بعد الديوان و شعبة الامتحانات , و مكتوب على الباب ( مصدقات التخرج ) ومن هناك سيخبرك الموظف بالخطوات التالية . بالتوفيق . ................... |
|
| الكاتب: | عاشقة العربية [ الخميس مايو 20, 2010 2:29 am ] |
| عنوان المشاركة: | مصدقة التخرج |
وعن الخطوات التالية .. سيعطي الموظف للمتقد لطلب الوثيقة: 1. طلب وثيقة تخرج : ومن الحرس الجامعي يمكن إحضار طابع هلال أحمر وطابع مالي، ثم تسجل في الديوان ، لتوقّع بعد ذلك من مكتب العميد. 2. براءة ذمة: وتوقّع من شؤون الطلاب في فرع الحزب، قرب الإدارة المركزية. تحضر هذه الأوراق إلى مكتب المصدقات، ومعها صورة عن الهوية عليها طابع مالي، وصورة عن وثيقة تبرع بالدم أو إعفاء. وبعد 15 يوم يمكن الحصول على وثيقة التخرج أو المصدقة. بالتوفيق للجميع
|
|
| الكاتب: | alhajjaj.alshahhoud [ الخميس مايو 20, 2010 12:45 pm ] |
| عنوان المشاركة: | مصدقة التخرج |
يا شباب انا خارج البلد وبدي اعرف معدلي لغة عربية صبا خضر |
|
| صفحة 1 من 2 | جميع الأوقات تستخدم التوقيت العالمي+03:00 |
| Powered by phpBB® Forum Software © phpBB Group http://www.phpbb.com/ |
|