كل ما بفوت عالمنتدى بلاقي موضوع ضد البنات لااا و قال بينزلو بآرتين كافيه مشان تخف وطئتو
ومشان يحكو على كيف كيفن و انو عأساس ضحك و مزح وهاها هاها و هضامة
..... مو معقول اشقدكن مهضومين يا شباب شي واحد بينزل عن الفرق بين المرأة و أنينة الغاز
و واحد بينزل عن أنو اشقد البنت مكيفي بهالحياة بس لمجرد انها بنت
و شي عن النساء مخلوقات عجيبات
و شي عن أبجدية نق النسواااان و الخخخخخخخخخ ولك شر البلية ما يضحك انو بلشتو بدكن تطالبو بحقوقكن المهضومة من قبلنا نحنا النسااااء !!!!*ممم
و هاهاهاها
شو رأيكن تشاركونا بالضحك متل ما نحنا بالعادة منشاركن بالضحك على مواضيع ضدنا هاهاهاها
1 – لما بتكوني ماشي بالشارع بأمان الله و الرحمن بتسمعي هاد الصوت كتيير ( كواخك بعق بلاعق تفووووو) وبعدا صوت ( طق) بتكون نزلت عالأرض ( شو حزركن هاد الصوت ؟؟؟؟) هاد صوت البزقة .... زلمي بيبزق بزقة قد راس البصل بنص الشارع لدرجة إنك ما بتعرفي وين تروحي بحالك بتنطي نط من فوقا لحتى تمرقي و ما تدقريا بإجرك!!! لأانو صحي ما اخترعو اختراع اسمو محارم لسا أو بالأحرى مخترعينو بس لسا ما وصل لكوكب الشباب !!!
2 – بتكوني فايتي عشي محل كومبيوتر بيكون بدك شي وصلة أو شي فلاشة وبما انو هالمحلات فيها زحمة شباب بتوقفي متلك متلن و لك وما حدى بيعبرك و بتستني و بتستني و بتقولي ( مرح...بيقاطعك واحد... بتقولي مرحب....بيقاطعك واحد تاني بتقولي مرحبااااااا.... و ما حدا بيعبرك و بتضلي عم تستني
و قليل جدا لحتى حدى يسألك شو بدك بما انك بنت لحاللك وسط الرجال !!!!والله يعينك إذا كنتي قصيرة شوي لأنك بتروحي طحمشة بيناتن !!!
3 – كمان بتكوني ماشي بطريئك بتلاقي حالك صارت الدنيا فجأة ضباب و غيوم و ريحة بتخنق طبعا بيكون شي مزوق مرق و نفخ السيكارة كللا بخلقتك لأنو أساسا هوي ما عرفان وين عم ينفخ السيكارة بما إنو بيكون بعالم الرواء والسعادة الخاص فيه !!! بس بتجي بالصدفة بوجهك !!!
4 – دايما دايما إذا فتي على بيت و لقيتي ريحة البيت شنكليش فايت سويو(استواؤه) اتأكدي انو في شب شالح بوطو أو جراباتو بهاد البيت
5 – بتكوني ماشي بطريئك بتجيكي من وراكي صدمة بتتفشكلي و بتوقعي وبينتزع برستيجك و بيتبهدل كبريائك الي بتكوني محافظة عليه من انت وطالعة من البيت بتطلع بسكليت فايتي فيكي و بدل ما يعتذر صاحب البسيكليت بيقلك شومانك طاسة !!! ما بعرف بدنا نصير نركب نواضير بضهرنا مشان نشوف البسكليتات الي جاي من ورانا !!!ببساطة بهيك حالي ردي وقولي ( لا والله ماني شايفة ورايي )
6- و نفس الشي إذا شلة عم يلعبو طابة قال ياحرام بتمرقي و هنن وعم يلعبو و مدموجين ومكيفييين و انتي عم تطولي وتقصري وتنزلي و تطلعي و تمشي طريئك زك زاااك مشان ما تجي الطابة فيكي و أحيانا بتجي ها لا تستغربي !!!! عادي خلي روحك رياضية ولوو
7– إذا فتي عالمطبخ ورا شب فيكي تتعرفي عالأكلة من الحيطان ( يعني إذا بيض مقلي بتلاقي بيض و سمنة عالحيط و إذا فول بتلاقي فول عالحيط كمان و هكذا ...)
8 – إذا مارقة من جنب شلة شباب لاحظي الأحاديث اشلون بتصير متلا ( والله بنفضو كف من أفا الدست بشمط رقبتو مين مفكر حالو أنا ما حدا بيعلم عليي ... بيقوم بيرد عليه رفيقو :و الله أبضاي معدل با أبو العز ) طبعا مع شوي فوخرة وخميرة للصوت !!!!
9– إذا بدك تشوفي أطول بوز بالعالم شوفي شب بعد شي مباراة خسران فريق الي بيشجعو !!
10– إذا شي نهار الله غضب عليكي انتي ورفيقتك و اشتهيتو كورنيه بوظة أو صندويشي شاورما أو عرنوس أو أي شي بتاخدو الشغلة وبتروحو عشي شارع نائي مشان تسلوقو الشغلة عالسريع و مع ذلك بتاكلو مع كل لقمة تلطيشة و كأنو عم ترقصو متلا بالشارع !!!
عظمة على عظمة يا ست !!!
هاهاهاها عم امزح ها خدوها بروح رياضية ولوووووووووو !!!!!!
_________________
Tired of these endless games, Time to end the darkened day To raise the sword To kill the light Because there is no reason left to fight..."
تسجيل الدخول
التسجيل
MOB
الأسئلة المتكررة
بحث
