محاولات للأستقلال عن المرأة __ الدرس الأول

Mohammed · **مرسل:** الخميس ديسمبر 10, 2009 3:10 pm

سري للغاية

كتاب الطبخ الخاص بالشباب فقط

اولا :
طريقة عمل الشاي

الأدوات :
-ابريق لغلي الماء
-ماء
-ملعقة صغيرة لتلقيمة الشاي
-قليل من السكر
-ظرفين من شاي ربيع ان امكن
-ورقتين نعناع
-نار
-كبريت

الطريقة :
إملأ إبريق الماء ((بالماء))
ضعه على النار حتى يغلي
فإذا غلي انتظر قليلا
ضع السكر في الابريق ولا تتفاجئ اذا توقف عن الغليان فجأة
ضعه مرة أخرى على النار حتى يقلب قلبتين تلاتة
ضع الشاي والنعناع بعد ذلك واتركه لمدة خمس دقائق
ثم قدمه

ثانيا :
طريقة البيض المقلي

المقادير
-ثلاث بيضات دجاج
-قليلا من الزيت ( زيت قلي )
-ذرة من الملح
-قليلا من الفلفل الاسود المطحون
-زبدة
-طنجرة قلي
-ملعقة للتقليب
-نار
-كبريت

الطريقة
هذه الطبخة أصعب من الأولى وتحتاج الى مهارة عالية وكفاءة وتركيز ، لكن مع الوقت رح تتقنها بأذن الله
ضع الطنجرة على النار
ثم ضع قليلا من الزيت
ودعه حتى تصل حرارته الى 143،55667 درجة فهرنهايت
انتبه الطبخة ما بتستوي الا ازا وصلت لهذه الدرجة تحديدا
اذا ما عندك مقياس حرارة ضع اصبعتك الصغيرة في الزيت
فإذا قلت ( أخ ) انتظر قليلا ثم حاول مرات ومرات حتى تقول : آاااااااااااااااااااااااااااااااااااااااااااخ
حينئذ تكون وصلت للحرارة المطلوبة
اكسر البيضات في اناء مقعر حصراً بشرط ان يكون حجمه أكبر من حجم ال3 بيضات ثم ضع الملح والفلفل الاسود واخفقه جيدا حتى يتغير لونه وتظهر الفقاعات
هنا وفي هذه اللحظة ضعه بسرعة في الطنجرة وابعد وجهك قليلا حتى لا تصاب بأذى
فإذا تكونت طبقة شبه صلبة من البيض قم بقلبه على الوجه الآخر بسرعة
استمر في التقليب حتى يصبح لونه برونزي فاتح
ثم قم بمسحه بقليل من الزبدة
وبالهناء والعافية .

ثالثا :
كيف تحصل على ماء بارد بدون مساعدة أحد

الأدوات
-كوب فارغ
أو قنينة صحن ..طنجرة .. طاسه .. أي شي
-ثلاجة
- وقت

الطريقة
ضع الكوب تحت الحنفيه وافتحه قليلا حتى يمتلأ الكوب بالماء
اغلق الحنفيه باحكام
افتح باب الثلاجة وضع فيها الكوب برفق
اغلق الباب وتأكد انك اغلقته جيدا
اترك الكوب لمدة نصف ساعة ثم اخرجه من الثلاجة
واجلس على الكرسي واشربه .....

يالله هه عضة كوساية وما منعود بحاجة الصبايا

سنا · **مرسل:** الخميس ديسمبر 10, 2009 3:56 pm

اقتباس:

شاي ربيع

اي مو طيّب ..
بعدين ما كاتب شو مقادير الشاي.. حاكم الشاي خص نص ما بينحط كيف ماكان .. الو مقادير معينة و اسرار ما بيعرفوها غير الصبايا لحتى يطلع اكرك عجم .. وباقي الشاي كتبوا عليه شاي..

Hiba · **مرسل:** الخميس ديسمبر 10, 2009 8:25 pm

صعب حتى لو اتعلمتو (الشنكليش والسختورة ) مو هيك

فطوم · **مرسل:** الخميس ديسمبر 10, 2009 8:37 pm

سنا,

اقتباس:

اي مو طيّب ..
بعدين ما كاتب شو مقادير الشاي.. حاكم الشاي خص نص ما بينحط كيف ماكان .. الو مقادير معينة و اسرار ما بيعرفوها غير الصبايا لحتى يطلع اكرك عجم .. وباقي الشاي كتبوا عليه شاي..

معك حق

Mohammed,
يااااي مأسهلن على البنات

ولي كل هالشي بدكن الله يعينكن

يالله.. الله يوفقكن
للأفضل

Mohammed · **مرسل:** الخميس ديسمبر 10, 2009 10:19 pm

سنا,
لأ طيب كتير ...(ليكني عم اشرب هلأ ) بعدين انتو شو بيعرفكن

بعدين هاد طبخ معلمين مو شو ما كان
Hiba,

اقتباس:

مو هيك

لأ موهيك

بدنا نتعلم كلشي
وهاي اللي مدري شو اسما .. قريباً الا ما نجيب الوصفة تبعها أكيد ما رح تكون اصعب من اللي عملناهن

فطوم,

اقتباس:

للأفضل

طبعننننن

فــلـك · **مرسل:** الجمعة ديسمبر 11, 2009 4:07 am

Mohammed,
ههههههههههههههههههههه
والله ضحكتني...
لاء...والدرس الأول....يعني في دروس باقي...

والله مالكم غنى عنا...

وعى فكرة طرائقك (اسمحلي قلك..ولا تنصدم) فيها اغلاط كتييييرة...
رح صححلكم بعضها...لأنو حرام انتو...

اقتباس:

فإذا غلي انتظر قليلا
ضع السكر في الابريق

ياحزرك هون شو رح يصير؟؟؟

اذا عملتو هيك...رح يفور ابريق الشاي...ويوسخ الغاز....
بس انتو مابتهتمو بهي امور...

وبحب ضفلك معلومة...السكر بينحط وقت تكون المي باردة...مشان مايطلع لون الشاي معكّر...

اقتباس:

-ثلاث بيضات دجاج

ليش بكفوكم 3 حبات بيض؟؟؟

اقتباس:

طنجرة قلي

طنجرة...

ياحرام..لك الحمد الله مانكم مستلمين بيوت..كانت خربت..

اقتباس:

هذه الطبخة أصعب من الأولى وتحتاج الى مهارة عالية وكفاءة وتركيز

يالطيف..الله يستر..

اقتباس:

ضع اصبعتك الصغيرة في الزيت

انا برأيي حطو كل ايدكم...

اقتباس:

قم بقلبه على الوجه الآخر بسرعة

ياسلاام..

اشرحلهم كيف... مو انت استاذهم؟؟؟

Mohammed,
درس رائع...
ناطرين باقي الدروس..
تقبل مروري..

Golden RoSe · **مرسل:** الأحد ديسمبر 13, 2009 3:33 am

اقتباس:

ودعه حتى تصل حرارته الى 143،55667 درجة فهرنهايت
انتبه الطبخة ما بتستوي الا ازا وصلت لهذه الدرجة تحديدا
اذا ما عندك مقياس حرارة ضع اصبعتك الصغيرة في الزيت
فإذا قلت ( أخ ) انتظر قليلا ثم حاول مرات ومرات حتى تقول : آاااااااااااااااااااااااااااااااااااااااااااخ
حينئذ تكون وصلت للحرارة المطلوبة

من الخميس المسا وأنا كلما بشوف العنوان بضحك على هي الجملة

رح ابعتها لكل شي آدم بعرفو بلكي بيتعلمو شوي وبيخففو عننا

سنا · **مرسل:** الاثنين ديسمبر 14, 2009 1:44 pm

يا حرااااااام

Mohammed · **مرسل:** الخميس ديسمبر 24, 2009 9:38 pm

فــلـك,

اقتباس:

والله ضحكتني..

بلا ضحك

في عالم بدها تتعلم

اقتباس:

ياحزرك هون شو رح يصير؟؟؟

اذا عملتو هيك...رح يفور ابريق الشاي...ويوسخ الغاز....
بس انتو مابتهتمو بهي امور...

وبحب ضفلك معلومة...السكر بينحط وقت تكون المي باردة...مشان مايطلع لون الشاي معكّر..

يعني بالآخر بيطلع شاي ولا لاء !!!

خلص معناها خلينا عطريقتي اسهل ... حبابة لا تخربطينا

Golden RoSe,
اوكي بس خدي اذن من مؤلف الكتاب مشان حقوق النسخ

سنا,

Celina · **مرسل:** الخميس ديسمبر 24, 2009 11:36 pm

لنشوف كيف بتطلع المقلوبة من تحت إيديكن

LATEST_POSTS

محاولات للأستقلال عن المرأة __ الدرس الأول

الموجودون الآن