| آرتين لتعليم اللغات https://www.forum.art-en.com/ |
|
| ما هي مشاريعك بعد التخرج ؟؟؟ https://www.forum.art-en.com/viewtopic.php?t=19187 |
صفحة 1 من 2 |
| الكاتب: | Mohammed [ الاثنين ديسمبر 14, 2009 11:29 pm ] |
| عنوان المشاركة: | ما هي مشاريعك بعد التخرج ؟؟؟ |
كثيراً ما نسمع أصدقائنا وخاصة الشباب .. لما بتخرج انشالله بدي وبدي وبدي وبدي بسسسس لو كون متخرج طيب ومنشوفن بعد ما يتخرجو (وبيشوفونا بعد ما نتخرج ) وغالباً رح يكونو انصدمو بصخرة الواقع والسؤال شو مخططاتك أنت ؟؟؟؟؟ بدك تسافر وتتغرب وتتحمل الظروف مشان تجمعلك قرشين وترجع البلد .. ولا بدك تروح عالعسكرية وتنبسط سنتين من العمر .. ولا بدك تبلش تدرس ساعات وتوكل بالمدارس وتنتظر راتب الشهر الحالي لتقبضو بعد 6 شهور (وطبعا بدك شي شي سنتين لتقدر تصرفو لأنو بيطلع شي 7 الاف ضربة وحدة ) .. اما عم تفكر تدور ع شي شركة خاصة تعطيك مرتب اعلى بشوي من مرتب التدريس وتعيش يومك (بما أنو الخاص مانو مأمن لبعدين مقارنة مع الحكومي )...؟؟؟؟ خيارات أحلاها مرّ |
|
| الكاتب: | Safa alaasi [ الثلاثاء ديسمبر 15, 2009 2:42 am ] |
| عنوان المشاركة: | ما هي مشاريعك بعد التخرج ؟؟؟ |
أنا فعلياً عشت بهالدوامة و الي صار اني اشتغلت بإحدى الشركات الخاصة و كتأمين للمستقبل أكيد ناوي قدم عمسابقة الحكومة لما بتطلع و هاد طبعا إذا انقبلت فيها و ساعتا راح تبدأ معاناة التشرد بوظيفة الحكومة .... و عفكرة بفترة من الفترات فكرت جدياً بالسفر بس الظروف ما سمحت .... طبعا الشي الي بتمناه فعلا بعيداً عن هالخيارات اني أسس عمل خاص فيي بحيث كون فيه رئيسة نفسي لأني بكره كون تحت سلطة شخص أو ظروف ... بس هاد الشي بعيد حالياً و أكيد راح امرق بكتير تجارب لبن ما وصل لهدفي ....  Mohammed, 
|
|
| الكاتب: | محمد الحسين [ الثلاثاء ديسمبر 15, 2009 12:40 pm ] |
| عنوان المشاركة: | ما هي مشاريعك بعد التخرج ؟؟؟ |
لك الشغلة الوحيدة الي ندمان عليها هيا انو اتخرجت وما خليت شي مادة للفصل الجاي مشان الي كلكون بتعرفو . المشكلة انو الواقع أمر من الشي الي كنت متخيلو.انا كنت حاطط ببالي سافر لبرا بس الأمور كلا تعسرت معي وماحسنت حتى طلع جواز سفر. جربت أخد ساعات تدريس بس حسيت او الشغلة ومو سويانا لانو الشباب (التربية) ما بيعترفو على اشعار التخرج لبين ما تتطلع المصدقة . هلا عم أشتغل بشركة بمجال الأتصالات بس المشكلة أنو المشروع الي عم أشتغل في بيخلص بالشهر التاني وبعدين الله أعلم شو راح يصير   (أكيد راح خبركون على أول اجازة )
|
|
| الكاتب: | Obada Arwany [ الجمعة ديسمبر 18, 2009 2:12 am ] |
| عنوان المشاركة: | ما هي مشاريعك بعد التخرج ؟؟؟ |
و الله الحلم الأول الي حاليا اني اتخرج نظامي بدون تكميلي لانوا بصراحة كل المصاعب رح تواجهني اذا طلعت على التكميلية يعني بصفي اني ما اتخرج اشرفلي من التخرج على التكميلية وبصراحة هي اول سنة بحس انوا ما عندي قدرة طالع موادي الحمد لله احسن شي و بالنسبة للمشاريع مشروع التخرج هو الأول و اذا تخرجت ما رح ضيع وقت يا شغل او شي يا اما عسكور 
|
|
| الكاتب: | سحر [ السبت ديسمبر 19, 2009 12:13 am ] |
| عنوان المشاركة: | ما هي مشاريعك بعد التخرج ؟؟؟ |
أنو ليه الكلام موجه للشباب حصرا طيب في صبابا يا عمي اكيد نحنا كمان بنحب نشتغل وما نخلص بمجرد التخرج بتمنى لاقي شغل محترم بعد التخرج اذا تخرجت وأأنا بكامل بقواي العقلية 
|
|
| الكاتب: | Mohammed [ السبت ديسمبر 19, 2009 10:03 pm ] |
| عنوان المشاركة: | ما هي مشاريعك بعد التخرج ؟؟؟ |
Safa alaasi, انشالله بتوصلي هدفك .. محمد الحسين, متل العادة الروتين المبهدل ناطرين اخبارك Obada Arwany, اقتباس:
ما رح ضيع وقت يا شغل او شي يا اما عسكور
ما بتقصر هاد اهم من التخرج وحياتك المهم ما تقعد ولا سنة عم تنتظر شي ممكن يجي ممكن لأ متل السفر او غيرو سحر, اقتباس:
ليه الكلام موجه للشباب حصرا
مين قال للشباب بس الموضوع بيقلق الشباب اكتر بسبب الشغلات اللي اكلين همها بالاضافة للتخرج والشغل
اقتباس:
اذا تخرجت وأأنا بكامل بقواي العقلية
هههههههههههههه الله يخرج الجميع بخير وسلامة
|
|
| الكاتب: | shazaaa [ الأحد ديسمبر 20, 2009 1:56 am ] |
| عنوان المشاركة: | ما هي مشاريعك بعد التخرج ؟؟؟ |
   السلام عليكم بس الواحد يتخرج ويخلص من الجامعة بعدين شو ما اشتغل بعين الله المهم نخلص الله يوفق الجميع ويتخرجوا جميعا يارب
|
|
| الكاتب: | Golden RoSe [ الأحد ديسمبر 20, 2009 7:06 pm ] |
| عنوان المشاركة: | ما هي مشاريعك بعد التخرج ؟؟؟ |
في حال تم التخرج, أول مشروع يعد طرحه هو السفر المؤجل بحجة الدراسة, إذا ما تم السفر فـ بإذن الله سوف يكون للدراسة نصيب منه وإلا فـ العمل وربما الاستقرار حلمي الشخصي, الاستقرار في العاصمة والإنضمام لورشات عمل اجتماعية تطوعية بالتأكيد سوف يكون للعمل حصة إلا أنه آخر ما أفكر فيه وقد يكون لدراستي دعم في العمل إنما أفضل ألا أعمل بإختصاصي فقط خلينا نتخرج والله كريم 
|
|
| الكاتب: | نبال [ الأحد ديسمبر 20, 2009 9:59 pm ] |
| عنوان المشاركة: | ما هي مشاريعك بعد التخرج ؟؟؟ |
بدنا نتعلم الطبخ ...........................هي أشرف مهنة |
|
| الكاتب: | جوليا [ الاثنين ديسمبر 21, 2009 2:44 am ] |
| عنوان المشاركة: | ما هي مشاريعك بعد التخرج ؟؟؟ |
أكيد السفر لبرا البلد.... وانشالله الكل بيتخرج و بيئعد يفكر شو بدو يساوي... ومبروك علينا التخرج و المستقبل الواعد  وهيدون الوردات سلفاً ...  مشان ما ننسى حداااا
|
|
| صفحة 1 من 2 | جميع الأوقات تستخدم التوقيت العالمي+03:00 |
| Powered by phpBB® Forum Software © phpBB Group http://www.phpbb.com/ |
|