السلام عليكم ورحمة الله وبركاته,اعرف ان موعد الامتحانات قد اقترب والتوتر في ازدياد لذلك احببت ان اعطيكم بعض النصائح للدراسة آملة كل الفائدة لكم انشاءالله
1-تنظيم الوقت
طبعا هذه اهم نقطة للدراسة الناجحة لاننا نلاحظ انه يوجدالكثير من الكتب والاوراق والنوط يجب على الطالب ان يكون ملم بها او على الاقل ان يكون متطلع عليها ولا يمكن الالمام بها الا اذا توفر الوقت لهاومن اهم طرق تنظيم الوقت
أ-تنظيم النوم
يجب ان ينام الطالب لا يقل عن 7 ساعات ويستحسن ان تكون بالليل لان ساعة نوم بالليل تعادل 3 ساعت نوم بالنهار
ب-الاستيقاظ باكرا لان البركة في الابكار ولاحظو كمية الدراسة التي ستنجزوها فيما استيقظتم باكرا ودرستم في الساعات الصباحية
ج-ولكي تنظمو وقتكم ايضا يجب ان تقلصو ساعات مشاهدة التلفاز والدردشة سواء على الهاتف او على النت وان تقلصو مدة المشوار او التدريجة
2-المحافظة على الصحة
ويكون ذلك ب
أ-المحافظة على نظام غذائي متوازن محتوي على 3 وجبات متنوعة المحتوى
ب-تجنب عادة اللقمشة اي الاكل طول الوقت لانكم عند انتهاء الامتحان ستتفاجئون بعدة كيلوغرامات اثقلت كاهل ميزانكم
ج-اذا لم تستطيعو التغلب على هذه العادة بامكانكم استبدال الاطعمة الغير صحية مثل الشيبس والشوكولا باطعمة صحية مثل الجزر والخس والخيار والفاكهة بانواعها وبدلا من الموالح والمكسرات المحمصة ممكن اخذ حفنة من الزبيب او الجوز او اللوز او اي نوع من المكسرات الغير محمصة لانها تحتوي على دهون غير مشبعة تنشط الذهن والفكر
د- هناك مشروبات رائعة تنشط اذهانكم وتساعدكم على التركيز مثل الشاي الاخضر والزنجبيل والميرمية
ذ-عدم الافراط بشرب القهوة وهذا ما نلاحظه عند جميع الطلاب معتقدين انها ستساعدهم على ادخال المعلومات للدماغ او انها ستزيل الشعور بالنعاس المصاحب للدراسة ولكنها على العكس فالافراط بشرب القهوة والمنبهات الاخرى يؤدي الى حصول توتر شديد عند الطالب
3-المحافظة على النظافة والترتيب
ان نظافة المكان وترتيبه يعطي راحة نقسية فيجب ان يكون مدى النظر كله مريحا حتى ترتاح النفس وتتهيأ للدراسة فعندما تكون طاولتك مكتظة بالكتب والروايات والترجمات والاوراق المبعثرة هنا وهناك فستشعر بالتشتت والعشوائية
4-علاقتك مع ربك
يجب ان تولي روحك اهمية بالعناية بها عن طريق تقوية علاقتك بربك بالصلاة والعبادة وقراءة القرآن فذلك سيضفي راحة نفسية لك تساعدك على التركيز على دراستك
5-رضا الام والاب
ما اروع دعوات الاهل بالنجاح دائما احرصو على رضا اهلكم واطلبو منهم الدعاءلكم بالتوفيق
6-لا تقعو في براثن الشرود (الصفن) اثناء الدراسة ولا تقعو في براثن الشعور بالنعاس فانه شعور مزيف يشعر به الطالب اثناء الدراسة لكي يهرب من واقعه
7-اعطو انفسكم فواصل اثناء الدراسة على ان لا يكون الفاصل اكثر من نصف ساعة كل 5 ساعات دراسة وذلك عن طريق ضبط منبه حتى لا يضيع وقتكم
8-واخيرا لا تبتعدو عن الجوهر واعني بذلك ان البعض من الممكن ان يطبق جميع الشروط للدراسة الصحيحة ويهيئ جميع الظروف ناسيا اهم نقطة وهي الدراسة بحد ذاتها
وآمل ان لا اكون قد طولت عليكم متمنية لكم كل التوفيق والنجاح

Safa alaasi,
يعني لو عندي تقييم للمواضيع...بقيم موضوعك 10 من 10

رائع جداً وبوقتو...يعني في بمخك تاجر صغير أو خبير تسويق بيعرف يضرب الضربة بقتا وبمكانا

أنا فرق واحد بالنسبة إلي بين تفكيري والمطروح بموضوعك
فالأولوية عندي لرضى الله....وثانياً رضا الأهل
بدون هالشغلتين ما بتوفق مهما نظمت ورتبت ونسقت
ومن بعدن ...وفعلاً متل ما ذكرتي...كل نقطة مع شر أسباب الاستفادة في حال طبقناها
يسلم ايديكي يارب موضوع ممتاز

تسلم ايديكي على الموضوع
مشكورة جدا
بس ما بعرف كانو الموضوع مش الي لانو كل دراستي بالليل ولعدة اسباب منها
لانو هدوء تام ومافي مين يزعجك ولا اجاكي ضيف بدك تقعدي معو وراح الوقت وغيرووغيرو
والاهم لاني بلاقي دراسة الليل اسرع من دراسة النهار يعني الي بدرسهم ب5 ساعات باللبل بدي 8 ساعات بالنهار لحتى خلصن وهيك
الاهم انو ما ينسى الشخص فرائضه تجاه رب العالمين واتجاه اهله بكل الاوقات مش وقت الامتحان وبس لانو دعاء الوالد للولد مستجابة لاني مجربها ووقت الامتحان بالذات

الله يعطيكي العافية وشكرا الك

الملاك,
وشكرا الك يا ملاكي الرقيق الذي دائما يتحفني بالردود الرائعة

Safa alaasi, ما شاء الله يا اختي
هدول احلى شرطين و اهم شي ومترابطين مع بعض
الاول انوا كل شي من عند رب العالمين لانوا هو الضار و النافع
مو الدكتور ولا المعيد ولا حدا ..
و الله ما بيضيع تعب حدا .. لانوا ليس بظالم للعباد

و رضى الوالدين .. لك هاد الشي الي الواحد ما بيقدر بيتحرك بلاه و لا يعيش
يعني و الله اذا الواحد ابوة و امو غضبانين ما رح قول عليه رح قول بس على تصرفاتوا
لك وين ماطلع بيلاقيها مسدودة بوجهو ..
و هي نصيحة مجرب ..

الله يجزيكي الخير يا اختي
و الله نصائح تكتب بماء العين ...
موفقة يا رب ..

MBDFA, شكرا لمرورك والله يوفقك بدراستك ان كانت بالليل او بالنهار

Safa alaasi, فعلاً موضوع روعة وإجى بوقته يسلموووووووو إيديكي والله يعطيكي ألف عافية

Obada Arwany,
الحقيقة هاد موضوع بحد ذاتو لانو منلاحظ كتير من الطلاب لما بيرسبو بشي مادة بيحطو الحق عالدكتور ,هلئ حتى لو كان في حق عالدكتور بس لما الواحد بيتوكل عربو الله بيوفقو واسآل مجرب , الحمدلله بحياتي ما حطيت الحق على مدرس مادة رسبت فيها والحمدلله بحياتي ما بعرف شو يعني الرسوب بسنة من سنوات الدراسية
وشكرا لمرورك