هل مات النسر الأزرق ؟؟؟

ثـــائـــر · **مرسل:** الجمعة أكتوبر 17, 2008 6:12 pm

السلام عليكم و رحمة الله و بركاته ...

و الله ماني عرفان شو احكي و بشو بدي ابلش ... بس حبيت نزل ها الموضوع لانو دمي انحرق
حرق با الملعب و انا عم شوف فريقي يلي رفع راسنا كلنا بيوم من الايام و هو عم يتدمر
مو هادا هو اللعب ..لا و الله و لا هادا هو الكرامة ....
يا ترى مو لازم بقا نفقد الامل برجعتو بروحة ابو شاكر و جهاد او الغريق بيتعلق بقشة ؟؟؟؟

ما بعرف كل يلي بعرفو انو ما كان الكرامة يلي عم يلعب اليوم ....
اياد مندو بيوقف ادام الحارس منفردا و الله ما في حدا و بيعطيه اياها هيك و كأنو عم يقول خود امسكها

ما كان في لعب و لا كان في اداء ..حسيت حالي با الحارة عم اتفرج على شباب حارتي و هن عم يلعبو
و بصراحة اكتر هاي اول مرة بتمنى انو الوثبة تفووووز ...و الله لانو بتستاهل انها تفوز مع هيك لعب من فريقنا ...لك وين نسورنا الزرق ...وين ملعب خالد الوليد مقبرة الفرق الآسيوية ...وينن ؟؟؟ماني شايف
غير فريق عم يهوي يوم بعد يوم .... اصحو يا نسور ...اصحو يا ابطال ..وين ايامكم ؟؟؟؟

و الله يسترنا من شي أعظم ..

عمار · **مرسل:** الجمعة أكتوبر 17, 2008 6:19 pm

أخي الكريم

نادي الكرامة من الأندية العريقة في سوريا وهو يعتمد على بناء جيل من الشباب القوي

يعني بيعتمد على لاعبين محليين

وبظن بدو سنتين لحتى يستعيد مكانتو الطبيعية

فعلا رحيل أبو شاكر وجهاد الحسين شكل صدمة للاعبين الآخرين والجمهور

بس النادي اللي خرج جهاد ومحمد الحموي وابو شاكر بخرج متلهم وأحسن انشاء الله

عصام · **مرسل:** الجمعة أكتوبر 17, 2008 6:56 pm

ثـــائـــر,
اي بسيطة عميد

ومتل ما قلت بموضوع اسامة انو تعادل بمثابة الخسارة
وخلي هالوثبايوة يفرحو شوي خطي

وانشالله بيفوقو عن قريب حاجتن مطبات لانو عم بيخسرو جمهورن شوي شوي
وععلمك الجمهور الحمصي بشكل عام بيهتم اكتر شي بالتايج

Osama · **مرسل:** الجمعة أكتوبر 17, 2008 7:07 pm

ثـــائـــر,
الكرامة مستحيل يموت
عصام,
[quote]
وععلمك الجمهور الحمصي بشكل عام بيهتم اكتر شي بالتايج
[/quote]
المحبين كتااااااااااااااااااااااار

عصام · **مرسل:** الجمعة أكتوبر 17, 2008 7:16 pm

Osama,
اي ما اختلفنا كتار بس بالمقابل لازم يكون في عطاء من اللعيبة
مو نشوف شلة معاقين فكريا وبدنيا عم يلعبو

Osama · **مرسل:** الجمعة أكتوبر 17, 2008 7:29 pm

عصام,
ههههههههههه
[quote]
مو نشوف شلة معاقين فكريا وبدنيا عم يلعبو
[/quote]
كنا نقول هل الحكي هل الشباب سنة 2002 اول طلعة جهاد و حيان و مصعب ....الخ

يا جماعة تفائلو بالخير تجدوه

عصام · **مرسل:** الجمعة أكتوبر 17, 2008 7:46 pm

Osama,
اي انشالله خير
صدق ما بزعل

عامر الرشواني · **مرسل:** الجمعة أكتوبر 17, 2008 8:32 pm

الحق يقال : الوثبة لعبوا أحسن مننا و ما كان عنا ولا لاعب عطى متل الخلق اللهم ما عدا مصعب اللي لولاه كنا أكلناها شي 3 - 0

النسر الأزرق ما مات و لا رح يموت لأنو ما بدي قلكم و احكي على المشاكل اللي صار الكل بيعرفها ... أملنا بقواعدنا و بمعجزة إلهية تنشلنا من هالوضع ...

عندي تساؤل صغير حابب وجهه للسيد محمد حربا و يا ريت إذا حدا بيعرفه يوصله : بعد مغادرة أبو شاكر للكرامة و في مرحلة البحث عن المدرب البديل ... التقيتو كإدارة بـ المدرب القدير ( صانع كل قواعد الكرامة ) عبد الحفيظ عرب و الرجل وافق على استلام مهام التدريب بشرط عدم المطالبة بالنتائج إلى ما بعد سنة كاملة لأنو الزلمي بدو يبني فريق من أول و جديد و هدا حقه ... بس حضرتكم رفضتوا لأنو الكرامة ما بيخسر و جمهوره ما بيستحمل الخسارة ... السؤال بشو وعدكم المدرب أسامة يبرودي إذا لهلق تقريباً خسران 10 مباريات و متعادل 4 من يوم إستلامه لليوم ؟؟؟؟؟؟؟؟؟

برأيي يلعن أبو المصاري اللي بتخلي العالم تبيع شرفها

سنا · **مرسل:** السبت أكتوبر 18, 2008 11:24 am

[quote]
وخلي هالوثبايوة يفرحو شوي خطي
[/quote]
لك المشكلة أنو هالأيام عم يفرحوا الكل ..
حاجي عاد .. ما بئى يفرحوا حدا من اليوم وطالع ...

ورح يرجعوا .. أصلا هنن ما راحوا ليرجعوا ..

وان خسروا أو ربحو المهم انون حماصنة .. والله بحب الحماصني .. ورح يوفقون كمان ..

z-r-11 · **مرسل:** السبت أكتوبر 18, 2008 11:31 am

ثـــائـــر,
وعليكم السلام و رحمة الله

هلأ اذا ناقشنا المبارة رح تلاقي فريقنا نصو ضايع...3-5-2 انقرضت من القرن الماضي
الدفاع عم يلعب على خط واحد و المحور بيستلم الطابة و بكبها...الاجنحة عرضياتن قصيرة و مانها مركزة..الهجوم ضايع بالرقابة و ما في تبادل مراكز و التسديد من بعيد صفر

كيف بدنا نربح ؟؟
بس بنذكر النقطة الاجابية و هي البلحوس شال كام طابة و الله سترنا من خسارة كبيرة
الحمدلله على كل شيء بس منيح طلعو تعادل,اداء مخيب للامال الله يستر من الاعظم

و اذا بدنا نناقش شغلة المدرب و الادارة هاد امر طويل و تناقش من قبل و بدنا نرضى ببالواقع..

ثـــائـــر,
يسلمووو عالطرح

LATEST_POSTS

قوانين المنتدى

هل مات النسر الأزرق ؟؟؟

الموجودون الآن