هدى,

معناها صارت النتيجة 4/صفر , والله حاسسلك رح توصل للدزينة , يعني البرازيل ما عملتها

Odysseus,

لك ما قصرت بالموضوع


عنجد اليوم و انت عم تحكيلي عن جامعة تشرين .... حست انها جنة يا زلمة

تعو لسجللكم الغول الخامس

أحلا شي وقت اللي واحدنا بمر من جنب مدرج بلاقي فيه 20 طالب عم ياخدو محاضرة ... و المدرج كلو فاضي كرمالهم ... (( مشان الهدوء و التركيز يعني )) و بعدين وقت بصل ع القاعة اللي عندي فيها محاضرة بلاقي ازدحام سكاني و اللي ما حجز ع الواقف قبل بنص ساعة راحت عليه


اما نهفة والله .... فعلا شر البلية ما يضحك

فارس,
فعلا جامعة تشرين جنة على عبرة جامعة البعث, أنا أصلا ما كنت بفكر مجرد تفكير اني انقل لجامعة البعث لولا انو المعدلات هون بكتيييييييير أعلا,

لعما شلون فاتني هالغول الخامس هادا, هادا أحقر غول

كأنو هيك صار معنا اليوم ^^ وعنجد الوضع هي السنة غريب عجيب لهلأ ماحضرنا شي متل الخلق والله وكيلكن حاسة حالي فايتة بمية حيط وبكرة رايحة احضر المحاضرة يلي امبارح غيرو وقتها والمكان وانا كنت بعالم تاني

الله يعينا عنجد شي بملل وبخلي الواحد يكره حياتو متل ماصار معي لما تركت كل شي وحردت ورجعت اليوم على البيت وماحضرت شي

الاسبوع هاد راح هيك ع الفاضي نشوف الاسبوع الجاية كيف رح يكون...وآآآخ من وقت النتائج الامتحانية احلى شي بكرة يصيرو يعلقو النتائج بكليات تانية
ترى يمكن يعملوها

يا جماعة انا اليوم فكرت حالي بيليه ومسجلة بالكلية شي 100 غول
اليوم كان عنا الدوام كومبليه يعني من الساعة تمانة للساعة 4
مادتين وحلقة بحث لوحدة منهم
/ مانكم بالطويلة " رحنا عالجامعة الساعة 7.5 والمحاضرة على اساس 8 ونطرنا شوية وهالشوية تشط للساعة تسعة ( مع العلم ان المحاضرة لازم تكون للساعة 11 او اكتر )
شرفت الدكتورة الساعة تسعة وعشرة فاتت حكت كلمتين للساعة 10 وطلعت )
وضلينا قاعدين ناطرين الدكتورة التانية للساعة 12 ونص فما اجت الدكتور ( رحنا على مراقب الدوام فما لقيناه بمكتبه ) فشو بدنا نسوي :
فخطرتلي فكرة يا بتنجح يا بتخيب :
الا وهي كالتالي : اتفقنا انا وزميلة من الزميلات انو نطالع اشاعة ان الدكتورة ما اجت وهيك من كون شفينا غليلنا من كل اليوم :
وفلنا فتت عالقاعة شلت كتبي وكتب زميلاتي ، وسألتني وحدة منهم انو ليش شايلهم ، فجاوبتها انو الدكتورة ما رح تجي ،
وفعلا انتشر الخبر انو الدكتورة ما رح تجي ، وصار الكل يطلعو ويشدو الرحال الى بيوتهم وندواتهم ولم يبقى أحد بالقاعة ، وبعد شي ربع ساعة وا ضل ولا طالب بالقاعة
فقلنا بين بعضنا ( طبعا اللي عملنا هالمؤامرة ) انو هيك سجلنا فيهم غول وبقينا فرحانين شوية لغاية ما بين مراقب الدوام
فقلنا لحالنا يا بنات خلينا نسأل المراقب الدكتورة بدها تجي ولا لاء
فسألناه فكان الجواب انو الدكتورة ( يمكن ما تجي اليوم ) وهيك بكون هني اللي حطو فينا الغول مو نحنا
طبعا هادا الغول مو محسوب لانو مسجل بس حبيت علق عالغول ما اكتر

بصراحة انا عم اجي ع الجامعة صرلي اسبوع كامل ونحن عم نقعد بهالمدرجات وماعم بيفوت ولا دكتور ع المحاضرات يمكن بهالاسبوع احضرنا محاضرتين بس وكل يوم عم ننزل ب ال8 بس ما بيشروفو الاساتذة لل11 يعني دوبون ليشربو قهوتون ويصحصحو منيح ويتمشو شوي مشان النشاط الصباحي بعدها بيقررو انو يجو ع الجامعة بجد ندمانة لاني اجيت ع جامعة حمص انا كان جامعة حلب احسن الي بكتير رفقاتي كلهون بلشو دوامهون وحضرو كمية منيحة من المحاضرات والاحلى من هيك كل يوم عم بيغرو بهالبرنامج وكل يوم بتصير المحاضرة بوقت شكل والله حيجننونا بالاخير