آرتين لتعليم اللغات :: ما هو القانون الجديد؟؟؟؟؟؟

آرتين لتعليم اللغات https://www.forum.art-en.com/

ما هو القانون الجديد؟؟؟؟؟؟ https://www.forum.art-en.com/viewtopic.php?t=13130	صفحة 1 من 1

الكاتب:	طلعاوي [ السبت نوفمبر 08, 2008 9:12 am ]
عنوان المشاركة:	ما هو القانون الجديد؟؟؟؟؟؟
مرحبا يا شباب إذا في مجال أعرف شي عن القانون الجديد الخاص بالرسوب أنا رسبت في السنة الأولى سنتين وعندما ذهب إلى الجامعة لكي أسجل قالوا شؤون الطلاب أنه قد استنفذت وذلك حسب القانون الجديد فالرجاء ممن عنده جوات لوضعي أو حل أن يخبرني فيه لأنني ما بعرف شو أعمل

الكاتب:	basel [ الأحد نوفمبر 09, 2008 3:05 pm ]
عنوان المشاركة:	ما هو القانون الجديد؟؟؟؟؟؟
أوكي أخ طلعاوي بس بدك تتأكد من عصام انا بعرف إنو القانون القديم هو: مجموع سنوات الدراسة * 2 + 1 القانون الجديد هو: مجموع سنوات الدراسة * 2 - 1 يعني سنتين بالسنة الأولى بس

الكاتب:	عصام [ الأحد نوفمبر 09, 2008 10:25 pm ]
عنوان المشاركة:	ما هو القانون الجديد؟؟؟؟؟؟
اي بقا بنجي لهالقوانون الجديد هالقانون بيتطبق عاللي التحق بالجامعة بدورة ال2006 \ 2007 فما بعد يعني هالقرار بيمشي عطلاب التالتة المستجدين وما دون القانون القديم اللي بيمشي عطلاب دفعتي وما قبل انو بيحقلنا نرسب بالسنة الاولى 3 سنين وبالسنة التانية سنتين وبالسنة التالتة سنتين وبالسنة الرابعة بيحقلنا سنة وحدة اما القانون الجديد بالسنة الاولى بيحقلو الطالب سنتين رسوب السنة التانية سنتين والسنة التالتة سنة والرابعة سنة وما انو واحد مثلا ما رسب خلال السنة الاولى والتانية بيطلع عالتالتة وبدو يكون معو مجموع سنوات رسوب اللي من قبل لا كل سنة مالها علاقة بالسنة اللي قبلها وهدوليك بيروحو بمجرد ترفعك بتمنى تكون وصلتكن الفكرة وانشالله ما حدا بيضطر لدورة المرسوم ولا بيقرب عالاستنفاذ

الكاتب:	سحر [ الخميس نوفمبر 27, 2008 2:15 am ]
عنوان المشاركة:	ما هو القانون الجديد؟؟؟؟؟؟
يعني ابو الصوف رفيقتي رسبت بالاولى سنتين ورسبت بالتانية قلولها انها استنفذت وقت الي بدها تسجل؟؟؟

الكاتب:	العربية [ الخميس نوفمبر 27, 2008 3:20 am ]
عنوان المشاركة:	ما هو القانون الجديد؟؟؟؟؟؟
عصام, من بعد اذنك تريحني هلأ أنا مارسبت بالسنه الأولى بس رسبت بالتانية سنه وبالتالتة سنة وبالرابعة سنة قديش لسا بحقلي اقعد بالجامعة

الكاتب:	عصام [ الخميس نوفمبر 27, 2008 7:25 pm ]
عنوان المشاركة:	ما هو القانون الجديد؟؟؟؟؟؟
فاتن, اللي بيحقلك انو ترسبي بالرابعة سنة وحدة يعني هلا انتي عم بتقدمي بالرابعة وفي حال لا سمح الله ورسبتي فبتكوني وقتها استنفذتي

الكاتب:	العربية [ الجمعة نوفمبر 28, 2008 2:52 am ]
عنوان المشاركة:	ما هو القانون الجديد؟؟؟؟؟؟
عصام, يعني هي آخر سنة الي بالجامعة وإذا رسبت بستنفذ أنا مابدي قدم السنة.

الكاتب:	عصام [ الجمعة نوفمبر 28, 2008 4:21 pm ]
عنوان المشاركة:	ما هو القانون الجديد؟؟؟؟؟؟
اقتباس: وإذا رسبت بستنفذ لا سمح الله لي عم تفاولي اقتباس: أنا مابدي قدم السنة. اي لازم تعملي ايقاف تسجيل لهالسنة وهي بيتقدم عليها طلب وبيحقلك ايقاف سنتين خلال سنوات الدرساة كلها وما بينعدو هدول من سنوات الدراسة والرسوب فاتن, بالتوفيق انشالله

صفحة 1 من 1	جميع الأوقات تستخدم التوقيت العالمي+03:00
Powered by phpBB® Forum Software © phpBB Group http://www.phpbb.com/