آرتين لتعليم اللغات
https://www.forum.art-en.com/

اقتراح بتأسيس قسم لتعلم اللغات الأجنبية
https://www.forum.art-en.com/viewtopic.php?t=13105		 صفحة 1 من 2
الكاتب:  Mazen Aloush [ الخميس نوفمبر 06, 2008 9:34 pm ]
عنوان المشاركة:  اقتراح بتأسيس قسم لتعلم اللغات الأجنبية
مرحبا جميعا
بس حبيت أقتر ح عليكم هالموضوع
يعني في كتير مننا بيقدر يساعد بهالموضوع
والفكرة أنو نأسس قسم لتعليم اللغات كلن على حدا
يعني اللغة التركية الإيطالية الصينية .و.و...وو............
متلنا متل كتير من هالمنتديات
وكلنا بنتمى أنو أرتين تزداد شهرتو وانشالله يصير المرتبة الأولى
وهالخطوة ان شاء الله رح تكون ناجحة

مديرنا اذا بتحب كمان يصير تصويت منشان هالموضوع منعمل تصويت

أنا هذا رأيي
بس شو عن رأيكم؟
هل من مرحب بهالفكرة؟ *good *good *good
الكاتب:  زمردة [ الجمعة نوفمبر 07, 2008 1:36 am ]
عنوان المشاركة:  اقتراح بتأسيس قسم لتعلم اللغات الأجنبية
mazen,
شكرا لاقتراحك
طبعا لما بدنا نفكر نفتح هيك قسم لتعليم اللغات بهمنا يكون في مختصيين يتابعوه
مثلا حاليا عنا مختصين لغة عربية و انكليزية و فرنسية و على هالأساس انفتحت الأقسام
أما إذا بدنا نفتح القسم اللي تفضلت فيه مامنقدر نتابعه بنفس السوية ... طبعا في كتير منا عنده اهتمامات بلغات تانية من اللي طرحتها مثلا باسل كان فاتح موضوع عن اللغة الصينية و أنا كان عندي اهتمام من سنتين باللغة التركية يعني اهتمامات شخصية و ليس كاختصاص ... ممكن بالمستقبل يصير هيك شي ليش لأ ... بس حاليا يمكن صعب شوي *ممم

طبعا هاد رأيي الشخصي
*1
الكاتب:  Mazen Aloush [ الجمعة نوفمبر 07, 2008 1:55 am ]
عنوان المشاركة:  اقتراح بتأسيس قسم لتعلم اللغات الأجنبية
مشكورة عبير,
أنا كان مجرد اقتراح بس كمان اذا قصدناها بتصير كمان مو هيك

هوش كالدين
الكاتب:  زمردة [ الجمعة نوفمبر 07, 2008 1:40 pm ]
عنوان المشاركة:  اقتراح بتأسيس قسم لتعلم اللغات الأجنبية
mazen,
طبعا أنا قلت رأيي ممكن يكون في آراء تاني :wink:
اقتباس:
هوش كالدين
تيشيكورلار إفيندم ... هوش بولدوك :mrgreen:
الكاتب:  حلواني [ الجمعة نوفمبر 07, 2008 2:04 pm ]
عنوان المشاركة:  اقتراح بتأسيس قسم لتعلم اللغات الأجنبية
انا بوافق وان شاء الله بينفتح قسم للغة الالمانية
الكاتب:  فارس [ الجمعة نوفمبر 07, 2008 2:09 pm ]
عنوان المشاركة:  اقتراح بتأسيس قسم لتعلم اللغات الأجنبية
mazen, شكرا على الاقتراح *1

أكيد هي الفكرة احد الأهداف اللي ناوين نعملها ... و صارت قريبة انو تتنفذ بس مو بهي الفترة ع الأغلب

هلأ انا مثلا اختصاصي اللغة الأجنبية التانية هو ألماني ... و بقدر تابعها معكم و اشتغل فيها مع انو نجحت منها و خلصت بعد جهد جهيد :mrgreen:

و بالنسبة للتركية فما موجودة عنا بجامعة البعث مع الأسف مع انها لغة مهمة .... و ممكن تنزل الفارسية اكيد الها حقها ....

يعني بالنسبة الي كعضو موافق على قسم للألماني و قسم للفارسي ... بس هالشي بضل بإيد قرار الإجماع من المشرفين وقت طرح موضوع دراسة افتتاح هالأقسام

*ورود
الكاتب:  أ. مسلم قمباز [ الجمعة نوفمبر 07, 2008 4:06 pm ]
عنوان المشاركة:  اقتراح بتأسيس قسم لتعلم اللغات الأجنبية
فكرة حلوة كتير بس متل ما قالت عبير الشغلة بدها مختصين مهتمين ومتابعين لتصير هالفكرة منفذة في أرتين
الكاتب:  باسل العمروش [ الجمعة نوفمبر 07, 2008 4:41 pm ]
عنوان المشاركة:  اقتراح بتأسيس قسم لتعلم اللغات الأجنبية
طبعا انا مع هالفكرة
انا مستوى رابع باللغة الصينية... و عندي استعداد اني تابعها منيح *1
الكاتب:  Mazen Aloush [ الاثنين نوفمبر 10, 2008 6:35 am ]
عنوان المشاركة:  اقتراح بتأسيس قسم لتعلم اللغات الأجنبية
عبير, حلواني, فارس, أ. مسلم, Basil,
مشكورين لمروركم

مديرنا العزيز المهم نبلش بهيك موضوع
يعني بنبلش أول شي بالألماني والفارسي
وبعدين كمان منحطلنا شوية لغات كون حدا لامم فيها شوي مثل
باسل بيعرفلو شوي بالصيني
وأنا وعبير منعرفلنا شوية تركي
وأكيد في كتير عالم بيعرفو لغات تانية بغير منتديات
اذا فتحنا هيك قسم رح يجو لهون
لأنو أنا متأكد أنو مافي حدا بسوريا ما بحب آرتين
:mrgreen: :mrgreen:
*1 *1 *1 *1 *1 *1 *1 *1 *1 *1 *1 *1 *1
الكاتب:  باسل العمروش [ الاثنين نوفمبر 10, 2008 11:40 pm ]
عنوان المشاركة:  اقتراح بتأسيس قسم لتعلم اللغات الأجنبية
اقتباس:
باسل بيعرفلو شوي بالصيني
هلأ هادا الي طلع منك؟ :evil:
يا زلمة بقلك مستوى رابع بتقلي شوي؟؟
شكيتك للله :mrgreen:
صفحة 1 من 2 جميع الأوقات تستخدم التوقيت العالمي+03:00
Powered by phpBB® Forum Software © phpBB Group
http://www.phpbb.com/