والله شي مو مبشر بس بدك مين يسمع
Hiba,
احيي غيرتك عنادينا الغالي...يعطيكي العافية
و دمت بود

لك يا هبة
اي شو متوقعة يحطو عنوان لهالمهازل اللي عم تصير
اللعيبة من كم يوم ما نزلو عالتدريب لانو مافي مصاري يندفعلهن
وهالموسم للاسف لازم نهني اللي سعو من تحت لتحت لحتى يخربو انجازات هالفريق لانو صار اسمو معروف اسيويا على عكس بقية الفرق

اللعيبة كلن شباب ولسا ماعندهن الثقة الكاملة والخبرة لحتى يتعاملو مع الطابة بالملعب بالشكل المطلوب
يعني الحق بالاصل على ابو شاكر
المدرب الله يعطيه العافية قدر يعطينا الكاس والدوري بموسيمين متتاليين بس بعدين وقت راح مع الانتقالات اللي صارت
رجع الفريق لمستوى دون الصفر
كونو هو بالاصل مانو مجهز الكادر اللي يقدر يتابع المسيرة اللي بلش فيها
انا رفيقي لما قلي انو ابو شاكر ترك لانو خلص الفريق فرط وماعاد يقدر يحقق فيه اي انجاز
قلتلو لا ودافعت عنو بس لما اجيت لارض الواقع هلأ لقيت انو فيه هالحكي وجهة نظر
وشي طبيعي انو يصير حقل تجارب باللعيبة الشباب لحتى يختار الافضل بيناتن والله يعينو والله لانو لسا ناقصن كتيييييييييييير


وبالنسبة لسؤالك فضعنا وخلصنا لانو اكتر من هيك ما بقا يصير
بس ان شالله بيلاقو دربهم بموسم الكبار
وانو يخرجو من الاسيوي بشرف مو بنتايج كبيرة متل اللي كان عم بيصير بدورة ابها

بقا الله يصلح الاحوال
ويندعم هالفريق ماديا وهالشي ما رح يصير الا اذا استحت الادارة الحالية ع دمها واستقالت

مشكورة على موضوعك

Hiba, وأنا عم قول لحالي شو كرامتنا عم تنهان
في حدا عم بيقرب على كرامتنا
لم أقرأ سوى الجزء الأول من العنوان
لم أظن أن المقصود نادي رياضي


على كلٍ بالتوفيــــــــــــــــــــــــــــــــق للكرامة رافع رأس كرة القدم السورية

شي أكيد بدي غار على لانو الكرامة بروحي


واذا بدك بساعدك بأصوات مين نجحت
أنا حكيت على الادارة وما قصدي ذمها بس كمان بيناقصها المال وهاد لي رح فشلها


شي أكيد وأنا اول وحدة بكون بالملعب بس وقت بتذكر أيام الشخصين لي انذكر

أسمائهم بالاول ما بتفرق معك

بوافقك 100 %

شلون عم ننكر الي ساواه ابو شاكر ...طيب بما انو الفريق جاهز ليش الي قبلو ما عمل الي علمو ابو شاكر ....لانو ابو شاكر مدرب بمعنى الكلمة و من النادر تلاقي هيك مدربين و بيتكتك صح...و هلأ راح تشوفو بعد ما راح كيف راح يفرط الفريق لا طبعا من فضل الله..
بس هون عم تبرهنو نظرية انو الفوز سببوا اللاعبين و الخسارة سببها المدرب ...
دمتم بود

Hiba, ما في داعي تقوليلي بأصوات لمين .... لأنو كلنا بنعرف
و مشان النقص المالي .... أكيد بيأثر .... بس ليش صار هالنقص المالي .... ليش اللي عم يدعم النادي عم يدعم أشخاص أما عم يدعم نادي ....
لا ما بتفرق معي بنوب لأني أنا ما بشجع النادي للأشخاص اللي فيه ... أنا بشجع فريق الكرامة مو إدارة الكرامة

z-r-11, يا حبيبي أنا ما قلت إنو أبو شاكر مو منيح ... بس كمان مو نبي .... و بيغلط متله متل غيره .... و أنا مصّر على فكرة إنو الكرامة اللي عملت أبو شاكر مو العكس
بعدين إذا مدرب بيعرف إمكانيات ناديه لازم يتأقلم معها و يرضى بالواقع مو يطلب شروط تعجيزية ... شو 120 مليون من وين بدنا نجيبهم .... بعدين الشرط بيني و بينك إنو بكرا بس يزبط الفريق و تاخد اللعيبة على بعضها ( متل ما كان قبل ما يستلم أبو شاكر ) رح يرجع أبو شاكر .... أبو شاكر ما خرج يصنع لعيبة
لا أكيد ... الفوز و الخسارة متوقعة بكرة القدم بس الفضل فيهم للعيبة و المدرب بنفس الوقت يعني الفريق ربح مو أبو شاكر

اخي انت قلت انو ابو شاكر ما عمل شي بالكرامة و يعني شو فرق انك عم تقول والله هالزلمة ما منيح...يعني صرلو عم يجيبلك الدوري 3 مواسم ورا بعض و وصيف دوري الابطال الي يحياة تاريخنا ما بنحلم نوصل للدور التاني..يعني كأنو وصلو فريق جاهز من صاحب الانجازات الرائعة الخانكان او عبدالحفيظ عرب الي كان راح يخلينا نزور الدرجة التانية لاول مرة بحياتنا... هاي شغلة ال120 مليون ما سمعت عنها بنوب
ان شالله يرجعو ياخدوا على بعض...بس انا بحياتي ما شفت فريقنا عم يلعب لعب متجانس الا على عهد القويض..و ما بتوقع رجعة سريعة لابو شاكر بعد ما رح يستلم الظفرة الاماراتي مع المبالغ الخيالية
اصبح اذا عم تعاملو الفريق ككل ليش عم تلقوا لوم الخسارة على المدرب بس و الفوز تبع مبارة سابا للعيبة؟؟؟