آرتين لتعليم اللغات
https://www.forum.art-en.com/

اقتراح مهم لساحة طلاب العربي
https://www.forum.art-en.com/viewtopic.php?t=10800		 صفحة 1 من 2
الكاتب:  العربية [ الأحد أغسطس 10, 2008 6:04 pm ]
عنوان المشاركة:  اقتراح مهم لساحة طلاب العربي
السلام عليكم
فارس أنا عندي اقتراح مهم لساحة طلاب اللغة العربية
بما إنو الموقع لطلاب الآداب فأنا بدي اطلب منك طلب وبتمنى تدرس الموضوع بشكل جدي
اللغة العربية بحر واسع من العلوم والمعارف ولا يمكن حصر علومها ومعارفها بعنوان
ساحة طلاب العربي...لهيك من بعد اذنك تحت عنوان ساحة طلاب العربي تندرج الإختصاصات التالية:
قسم(النحو والصرف)
قسم(العروض والقوافي)
قسم(البلاغة)
قسم(الأخطاء الشائعة)
قسم(اللسانيات)
قسم (الإملاء والخط)
بإنتظار ردك ...وآراء الأعضاء بإقتراحي *1
الكاتب:  فارس [ الأحد أغسطس 10, 2008 6:31 pm ]
عنوان المشاركة:  اقتراح مهم لساحة طلاب العربي
فافي, *good *good *good

اقتراح مميز طبعا و ما بيجي غير من أعضاء مميزين *1

كان في دراسة من قبل لانشاء اقسام تخصصيه للغة العربية متل ما صار بأقسام اللغة الفرنسية ... بس كان احد العوائق هو قلة الأعضاء اللي من قسم اللغة العربية و بظن انو هالعائق في زوال :wink:

ملاحظتي حاليا انو من الاقسام اللي اقتراحتيها في منها ممكن تندمج مع بعض لنضمن تفاعل أكبر
مثلا : قسم(العروض والقوافي)
قسم(البلاغة)
هدول بصير قسم البلاغة و العروض

بس طبعا ما بقدر نفذ شي قبل طرح الموضوع بالقسم الاداري و دراسته من قبل كل طاقم الاشراف
انتظري الجواب :wink:

*ورود
الكاتب:  عاشقة العربية [ الأحد أغسطس 10, 2008 6:39 pm ]
عنوان المشاركة:  اقتراح مهم لساحة طلاب العربي
فافي,
الموضوع بدو دراسة .. وكنا عم نفكر بهيك شي
لكن متل ما قال فارس العائق الوحيد :
اقتباس:
قلة الأعضاء اللي من قسم اللغة العربية
على كل رح يندرس الموضوع بالإدارة ومنشوف النتائج :wink:
بس حابة علق إنو أقسام النحو والعروض ممكن يكونو بقسم واحد متل قسم التطبيق

بشكرك على اقتراحك *1
الكاتب:  العربية [ الأحد أغسطس 10, 2008 6:44 pm ]
عنوان المشاركة:  اقتراح مهم لساحة طلاب العربي
فارس,
شكرا كتير لتفاعلك ....والله فرحتني بتجاوبك *1
اقتباس:
بصير قسم البلاغة و العروض

ممكن ندمجهن مع بعض ليش لأ :D
وبانتظار آراء المشرفين...لك مني التحية والتقدير *1
الكاتب:  العربية [ الأحد أغسطس 10, 2008 9:15 pm ]
عنوان المشاركة:  اقتراح مهم لساحة طلاب العربي
هدى,
كنت عم انتظر ردك...شكرا كتير لمرورك *1
وبتمنى تشجعي على هيك خطوة لأنها مهمة
كتير لطلاب العربي...وهيك بتكتر المواضيع والمشاركات
وبصير في حماس أكتر بفرعنا
حتى ولو أعدادنا قليلة...
الكاتب:  أ. عبد الرزّاق [ الأحد أغسطس 10, 2008 11:55 pm ]
عنوان المشاركة:  اقتراح مهم لساحة طلاب العربي
فافي, والله الفكرة حلوة كتير بس وحسب اللي عم شوفو بقسم العربي
صعب يطبق يعني أنا فيني عد الأعضاء الفعّالين وانتبهي لكلمة الفعّالين بقسم العربي باستثناء المشرفين بينعدوا عالأصابع واحد واحد هلأ رح تقولوا المشاهدات كتيرة المشكلة بالتفاعل لأن عم نطرح بالقسم كتير مشاركات قيّمة وبشوف وأنا أول الناس ان ردود صاحب الموضوع اكتر من ردود الأعضاء بالاضافة إلى مواضيع كانت من اهم المواضيع اندثرت وراحت بصفحات الساحة يعني الغالبية بمر بشوف وبقول شكرا او ما بقول وهاد الاغلب يعني المناقشة العملية اللي عليها الاستفادة غايبة احيانا وانا شخصيا بشوف مواضيع مهمة بغير قسم ولاعضاء جدد
برد عسى انو نعطي للعضو دفعة معنوية بلكي بشوفنا وبرد علينا بس عبس
الاعضاء بساحة العربي هنن نفسن من زمان وما شفنا اعضاء جدد بالعكس في اعضاء شاركوا لفترة وتركونا ... يا ريت يا أخت فافي يتحسن الوضع ونقدر نسوي هالشي بس في سؤال فرضا صاروا هالاقسام وضل الوضع نفسو شو بكون عملنا :!: على كلن انا موافق على فكرتك ولو حاسس انو الوضع ما بيسمح يبقى هذا رأي شخصي .... لك التحية واعذريني إن أطلت *1 *Hi *good
الكاتب:  Obada Arwany [ الاثنين أغسطس 11, 2008 1:07 am ]
عنوان المشاركة:  اقتراح مهم لساحة طلاب العربي
احلى اقتراح .. وان شا ءالله خير
شكرا فافي
الكاتب:  ديمة [ الاثنين أغسطس 11, 2008 3:39 pm ]
عنوان المشاركة:  اقتراح مهم لساحة طلاب العربي
اقتراح جيد فافي ........... وفي عندي اقتراح هو :ليش ما يكون لكل سنة قسم ويتناقشوا بأمور السنة الي هني فيها ........ ما بصير هيك التشجيع على الدخول أكثر والإفادة أكبر للطالب . *ممم * *1
الكاتب:  العربية [ الاثنين أغسطس 11, 2008 3:42 pm ]
عنوان المشاركة:  اقتراح مهم لساحة طلاب العربي
ديمة,
اقتباس:
ليش ما يكون لكل سنة قسم
والله اقتراح حلو بس لما بيكون في طلاب عربي من كل السنوات
مافي غير طلاب بالسنه الرابعة ومعدودين عالأصابع :|
والله شي غريب...أعدادنا هائلة بالجامعة وهون مافي حدا والله شي بيقهر :?
الكاتب:  العربية [ الاثنين أغسطس 11, 2008 3:43 pm ]
عنوان المشاركة:  اقتراح مهم لساحة طلاب العربي
Obada Arwany,
شكرا لمرورك وترحيبك بالفكرة *1
صفحة 1 من 2 جميع الأوقات تستخدم التوقيت العالمي+03:00
Powered by phpBB® Forum Software © phpBB Group
http://www.phpbb.com/