بسم الله الرحمن الرحيم

وبدون مقدمات :

أقترح إنشاء قسم للمواضيع المحذوفة .....

لأنه : 1-- قد يتعب الواحد وينسق الموضوع وبآخر شي كبسة زر من المشرف وحذف الموضوع .. هي بتصير إذا ما عجبوا للمشرف الموضوع اللي حذفوا -- ما بهم إذا الكل عجبوا هالموضوع المحذوف -- وهي كمان يمكن ما يكون صاحب الموضوع مخالف للقوانين

2-- قرأت بعض المشاركات .. يقولون وهم منزعجين نوعا ما أن موضوعهم قد انحذف

فلماذا لا يتم إنشاء قسم للمواضيع المحذوفة ؟؟؟ حتى يكون ونرى احترام المشرفين لصاحب الموضوع ؟؟؟

أرجو التفريق بين موضوع يجب إحالته إلى هذا القسم ،، وهذا في حال عدم إنتمائه لأي قسم -- مو يعني أنو مخل بالشروط
وبين موضوع مخل بالقوانين والشروط ،، الذي يجب حسبما ترى الإدارة إزالته من الوجود

وأنا برأيي أن الموضوع مادام حاز على ردود كثيرة ( نوعا ما إعجاب ، على سبيل المثال ) فلماذا يحذفه المشرف/ـــة ؟؟؟ (لأنو ماعجبو يعني ؟؟)
يجب أن لايحذف هكذا موضوع ، بل نقله إلى قسم المواضيع المحذوفة في حالة أنه لا ينتمي لأي قسم موجود

أحكي لكم السبب الذي دعاني لكتابة هذه المشاركة:
بعدما قمت بكتابة موضوع ونسقته وتعبت عليه ... المهم قامت المشرفة الفلانية بحذفه .. علما أنه ليس مخالفا للقوانين ،، وعلما أنه تقريبا كل من شاهد الموضوع قد ترك ردا ،، وكل رد كان بالنسبة لي مضحك أكثر من اللي قبله .. يعني هذا دليل على أنو عجبو الموضوع .... بس قال لأنو ما عجبها الموضوع للمشرفة -- الله يعطيها العافية عم بتقوم بواجبها -- فقامت بحذفه بدون مراعاة لشعوري
أقول لها # إذا لم يعجبك الموضوع : اتركيه لغيرك فقد أعجبه لمن ترك ردا ، وقد يعجبه لمن يدخل بدون رد أيضا .... لا أريد منك ردا ولكن أريد ردا ممن أثاره وأعجبه موضوعي ...


والكلام ما بيخلص ،،،، وتقبلوا بقبول فائق الاحترام


------------------------------------------------------------

إنا لقوم أبت أخلاقنا شرفا // أن نبتدي بالأذى من ليس يؤذينا

عـلاء,

بدك تطول بالك ........... بتصير كتير

إرضاء الناس غاية مستحيلة الإدراك و إرضاء المسؤول غاية مستحيلة الوجود

رائع جدا ... كلام في قمة الحكمة .... الله يعطيك العافية يا عامر ... عن جد واسيتني كتير بهالجملة ....
بعينا الله ..

يا عيني يا حبيبي يا أسامة

شوف لقلك : الحق حق ....... وبتصير .... وليش ما بتصير : لنفترض أنو بين المشرفـــ /ــة وبين صاحب الموضوع ثأر ؟؟؟ طبعا مافي شي بيني وبين المشرفة فلانة ...

يا أخي والله هاد اللي صار معي ... موضوعي امتلأ ردود وبالنهاية ما عجبها للمشرفة .. يعني لو حدا ذمني أو لامني ما كنت حكيت ولا اقترحت هيك موضوع ....و....و....و.....
وكمان لو لم يثير موضوعي -إذا قلنا : إعجاب- المشاركين لما كتبوا وشاركوا بردودهم ... هل هذا الكلام برأيك غلط ؟؟؟؟

الموضوع كان كلياتو ضحك بضحك ومقالب وكاميرا خفية ... وكنت راح قول للمشاركين هيك وقل لهم حقيقة المقلب ... بس استعجلت فلانة وحذفته !! مشرفة لأنها !!

**** أرجو من كل من دخل الموضوع قراءته مرتين ،، وخصوصا قبل أن يشارك بالرد .. مع احتراماتي لكم ****

ربما يحذف هذا الموضوع أصلا من طرف مشرف آخر غير فارس... فـ يلي قرأه وشارك فيه يحتفظلو بنسخة عندو على الجهاز ... لترو الحيقية بأم أعينكم ...

طيب يا علاء انت قريت القوانين شي؟؟؟؟؟؟؟؟؟
بالنسبة الكون بتدخلو وبتحطو أي شي عندكون بدون ما تقرو القوانين فبهي الحالة بدي اسألك على مين الحق بكون؟؟؟؟
القصة مو انو الموضوع ما عجبني أو عجب فلان لأ.......في قونين انوضعت وممنوع المخالفة
في كتير أشياء بحب جيب الها صور بس هون بالمنتدى ممنوعة لذلك القانون بيمشي عالكل متل ما قلتلك بدءا مني وانتهاء بأجدد الأعضاء

انت واثق من هاد الكلام؟؟؟؟

عـلاء,

ممكن نعمل قسم للمواضيع المكررة ... بس ازا عملنا قسم للمواضيع و الردود المحذوفة معناها ما انحذفت .... صح ؟؟

في هاك " ميزة اضافية للبرمجية " عم ادرسو منيح مشان ركبو ع برمجية المنتدى ... هاد الو كتير فوائد و منها انو اي موضوع بينحذف من قبل اي حدا بروح ع سلة محذوفات وهمية بتبان الي بس ... عم ادرسو و افهمو اكتر هلأ لأنو كتير معقد و صعب و بدو شغل .... و ان شاء الله رح ضل عليه حتى يزبط ...

عموما مشان موضوعك .... قلنا عن شو بيحكي و شو كان فيو .... مشان نكون واضحين و نعرف ازا مخالف ولا لأ ...

بانتظار ردك

لا تعليف
بس بتمنى تنحل ويروح سوء الفهم وتصفى القلوب

و الله يا صاحبي علاء
بحب قول شغلة مو لانوا انا مشرف لا
بس ما في موضوع بينحذف هيك من الباب للطاقة
يعني المشرف ما الو معك تار ولا بيعرفك ولا شي
الموضوع المخالف للقوانين لازم ينحذف و اذا انتقل على قسم تاني
بيصير ما هو محذوف واضح للعيان و هاد شي رح يسيئ للمنتدى بيفكروا العالم انوا هيك شي مسموح عنا

يعني في شرط للمشاركة باغلب الاقسام عنا هو
يحق للمراقب حذف ما يراه مخالفا دون الرجوع الى صاحب الموضوع
يعني بيحذفوا و اذا انت اعتضت بيبينلك وين الغلط
لانوا اذا كل موضوع منحذفوا بدنا نبعت رسالة صعبة شوي
كنا نعمل هيك من اول و لسا في بعض مشرفين بيعملوها حاليا بس انا مو منهن
انا هلق فيني نزل موضوع عم سب في على دكتور من عنوان الموضوع بيبن
و اذا ما انحذف الموضوع مفكر العالم رح تشوفوا وتتركوا
يعني الموضوع المخالف بشكل عام بيجذب اكتر من غيروا ..
يا باطل ...
مو نحن اللي محذف الموضوع مشان ما حدا يشوفوا
اذا حذفناه بيكون معناه انوا نحن ما قادرين نرد عليك او مقصرين معك
بس الحقيقة يا صاحبي بالعكس انا بدي منك انت بعد ما تنتهي المناقشة بهاد الموضوع ما تطلب انك تحذفوا
و على فكرة حالتك طبيعية انا لما كنت عضو كنت مشيب الدنيا و هالكوا لفارس
اذا انحذفلي موضوع مخالف كنت اخرب الدنيا

انا ضد القسم ... بسبب عدم فائدتوا ....
وفينك اخي علاء تراجعني بموضوعك و برسالة خاصة لحتى نشوف و ين كان الغلط ... وشكرا الك على حرصك على المنتدى

عـلاء,
http://www.art-en.com/forum/viewtopic.php?f=15&t=4045" onclick="window.open(this.href);return false;
تفضل اقرا القوانين وركزلي على ومرة تانية لا تقول مزح لأنك كنت عم تحكي جد بالنسبة للموضوع
مو تعمل كل شي وبالآخر تجي وتقول كنت بدك تحط كاميرا خفية لأن هاد الكلام ما معقول......

رأيي من رأي فارس