سؤال لجماعة السنة التانية عن الشعر

العز بالإسلام · **مرسل:** الأربعاء مارس 10, 2010 4:00 am

السلام عليكم

مراحب سنة تانية

يارب تكونوا رفعتوها للشعر و موفقين بباقي المواد

بالنسبة للشعر

طبعا تابعت الملاحظات عنها قبل الامتحان

وكان في مين عم يقول ان هناك سؤالين احدهما عن حياة الشاعر و التاني شرح لقصيدة

المهم

وقت الفحص متل ما شفتو ما جاب اي شي من حياة الشاعر
ولا حتى من الكلام الي كان بالمحاضرات عن
الlyric او ballad أو غيرها

فمشان هيك بدي اسالكم اذ حدا حكا مع الدكتور شخصيا ( هو بنفسو ومش سمع من حدا )
عن الفصل هذا كيف رح تون الاسئلة ياريت يخبرنا

واذ حدا بيقدر يجبلي هالمعلومة بكون كتير ممنونة
لان كتير عم نروح وقت ع دراسة امور ممكن ما تجي او ما يهتم فيها الدكتور

فشكرا مقدما وياريت الاقي الجواب الشافي

بلتوفيق

العز بالإسلام · **مرسل:** الأربعاء مارس 17, 2010 1:08 am

مراحب

وينكن يا جماعة ولو !!!!!!!!!!!!!!!!!!

ولا نص رد؟

عندي امل حدا يفيدني

لجين · **مرسل:** الأربعاء مارس 17, 2010 1:19 am

العز بالإسلام,
بعتذر منك عزيزتي أنا مافيني ساعدك للأسف بس ان شا الله بيدخل حدا وبيعطيكي الجواب الشافي
بعدين لسه في وقت للفحص..

katea · **مرسل:** الأربعاء مارس 17, 2010 3:29 am

لجين انا مارح اقدر جاوبك بس انا كمان حاملة هالمادة التعيسة وبدي اطلب منك اذا عندك اي معلومات بتفيد عن هالمادة تخبريني وانا كنت بدي شوف الدكتور شخصي بس اجلتها شوي لانو لسه بكير

العز بالإسلام · **مرسل:** الأربعاء مارس 17, 2010 2:54 pm

السلام عليكم

اهلا لجين بتشكرك للمرور

واهلا بكاتيا كمان منووووورة

بالنسبة للوقت فبرايي انه مش بكير ابدا لان هذه المادة محمولة و مش اساسية بهالفصل و بالنسبة الي مش اساسية بالسنة كلها

عدا على انها مادة طويلة جدا جدا رغم انها غير معقدة لكن طولها مخيف و صدقوني كل مرة كنت استهين و اقول لسه بكير لحتى يجي اخر الوقت و اكتشف انو حتى الوقت المخصص الها مش كافي ابدا

فنصيحتي بالدرجة الاولى انو المواد اللي حاملينها لازم هلأ تندرس مش وقت بصير ضغط دوام او عطلة الفحص

اسالو مجرب

وان شاء الله بلتوفيق وشكرا لمروركن

لا زلت بانتظار حدا يساللنا الدكتور عنها لوووووووسمحتو
كل القصة بدا 5 دقائق زيارة لمكتبو و سؤال عالماشي
وياريت بقدر اروح بنفسي مشان ما عذب حدا
بس مشكلتي اني مسافرة برا سوريا وما برجع غير لقبل الفحص ب15 يوم ووضعي ما بيسمحلي انزل عالجامعة غير وقت الفحص!!!!

موفقين جميعا

محمد معروف · **مرسل:** الجمعة مارس 26, 2010 1:58 pm

العز بالسلام - بصراحة في عندي رفيق قلي انو الدكتور هيدا الفصل بدو يجيب سؤال 40 علامة اختر الاجابة الصحيحة من حياة الشعراء او اي شي بيخطر على بالو والباقي بدو يجيب اسئلة متل الامتحان الاول - بس انا على كل حال رح روح واتأكد بنفسي من هالحكي قريبا وأنا برجع خبركن

MOON'S SISTER · **مرسل:** السبت مارس 27, 2010 4:14 pm

هلأ الحق معكن السؤال لازم لنعرف كيف بدنا ندرس بس خدوها مني حتى لو سألتو وحتى لو كتبتو ب100وماعندكم حظ مارح تنجحو
انا حاملة المادة ل4مرات وماعم رفعها
ف ياجماعة ادوا يجينا الحظ لنخلص من هالمواد
بعتذر عن طريقتي بس كتر ما تعبت بدراستها ... وموفقين جميع

ثـــائـــر · **مرسل:** السبت مارس 27, 2010 5:23 pm

بصراحة انا هالمادة صرت حاملها 5 مرات و الفصل الجاية رح قدمها للمرة السادسة
هادا الفصل و لله الحمد رفعت كل موادي تبعوت الفصل الأول بالسنة التالتة و معهم شكسبير يلي كنت حاملها من السنة الماضية بس شعر عصر النهضة ما قدرت رفعها لأنو قضيت كل الوقت على حياة الشعراء و أعمالهم و ما ركزت كتير على القصائد و الشرح ... رح اطلع انشالله هالفصل لعند الدكتور و اسألو و انشالله يعطيني الجواب الشافي يلي يريحني و يريحكم منها

العز بالإسلام · **مرسل:** الثلاثاء إبريل 06, 2010 6:10 pm

السلام عليكم ورحمة الله

شكر لكل من تفضل بالموضوع و افادنا

ولا زلت بانتظار سؤال الدكتور لو سمحتو لنعرف

ولو أنو ما في شي مضمون

بس يعني أقل شي نستفسر و نعمل اللي علينا

بالتوفيق للجميع

zozo · **مرسل:** الجمعة إبريل 30, 2010 4:18 pm

مساعدة أرجوكم
انا من الشام وماقدمت شعر النهضة الفصل الماضي فأرجو أي حدا يقلي كيف كانت الأسئلة الفصل الماضي وشويلي جاب بالضبط واذا حدا عندو نموذج بكون كتير منيح
أرجوكم ساعدوني لأني لح اتعقد من هلمادة

LATEST_POSTS

قوانين المنتدى

سؤال لجماعة السنة التانية عن الشعر

الموجودون الآن