نزلت تاريخ الادب سنة تالتة
والشعر عصر النهضة سنة تانية وكالعادة حاملتها بس مشان الله اللي نجحت المادة معو يخبرني كيف

معقول كمان اليوم مافي مواد للاولى طيب يقولو انو في عالم بدها تنقل
عنجد شي بجنن عنا بالشام الطلاب هي وعم تقدم نزلو نص المواد
ومين ما بقولو لسه نحنا ما نزلو كل المواد بيستغرب
شو هي الحالة

لعما شو نحنا من غير كوكب

عنجد فظاعة عنا
نزلت من السعودية وعملت الطريق سيسباني كانو الطريق هين مشان مادي وحدي بس ولهلاء ما عد يعرفو ينزلوها والله شي بطقق
بس النهفة انو اخر مرتين قدمت المادي كنت عم راجعها بالطيارة
اما الاربع مرات الي قبلها بالسرفيس
سبحانو الي بغير وما بيتغير

يا عالم ياناس انا حاسة حالي رح طق يعني مامعقول مادة سنة تانية فصل اول ضل حاملتها مع اني صرت رابعة والله مستقبلي كلو واقف ع الجامعة حدا يساعدني شلون بدي خلص موادي هلق كنت عم فكر بلش ادرس مواد السنة الرابعة بالصيف فشو رايكن بشو بدي بلش

katea,
انشالله بترفعيا عالتكميلية
وانو هي بتصير كتير بتظل معلقة مادة مع الواحد دورات ودورات
وانو اللي بلشي بدراسة كذا مادة مع بعض وهيك بتقطعي شوط منيح بدون ماتديق خلاقك وتملي
انا ظليت حاملا شي اربع دورات وكل مرة فوت انا ورفيقي ونتقل من بعض وبالاخير داقت خلاقي منا عالاخر وصرت اقرا نص المحاضرات وفوت قول بدي خمسين وبس وباخر دورة قدمتا فتت قلتلو لرفيقي اخي هالدورة مارح نتقل من بعض لنعرف شو سبب الفشل بهالمادة وبالفعل قعدنا وكل مين صار يشتغل عكيفو وتقولي اجو الاسئلة من النص اللي مانو دارسو كالعادة طلعت يمين وشمال مالقيت حدي غير واحد راسو فوق هالورقة وحاطط نظارات سميكة وصافن الصفنة العجيبة قلت اجاني الفرج هاد من جماعة اللي بيدرسو وبيكون اكل المادة اكل وزبطت الحالة وطلعت معي ورفيقي رسبت معو ولهلأ كل مابشوفو بقلو انت كنت سبب رسوبي بهالمادة سنتين


بروين,
لازم ماحدا يحكي غير جماعة الرابعة لانو عندن تكميلية وبدن يعرفو عانو بر يرسو
وعكل حال انشالله بيطلعولكن دفعة مواد ماكنة وتكوني مرفعتين
بوشك عماذا تتمنى هاللحظة ودجي هالامنية

روكسولانا,
اي انشالله بتخلصي منا وتتخرجي بس شو هي المادة

يارا العلي, امين يارب وانشالله بتتخرجي عالتكميلية يارا

أنا معك انو ما معي حق احكي بس انا بدي انقل ع الشام وبعرف انو الطلبات بتتقدم بالشهر التامن مشان هيك انا كمان بدي ينزلو هالمواد واعرف ع انو بر بدي ارسي

بروين,
انشالله بترسي ببر الشام قريبا

السلام عليكم جميعا
سؤال لو سمحتو
أنا سنة تانية انكليزي مستنفذ من الشام وحاليا برات البلد وقدمت هالفصل 3 مواد وحدة منهم الشعر في عصر النهضة يلي نزلت اليوم بس كيف ممكن نجيب النتائج من على موقع الكلية ؟؟؟؟
جزاكم الله خير مقدما على المساعدة